30
Wednesday November 2022
Current Politics

പരീക്ഷാഫലവും ബിരുദ സർട്ടിഫിക്കറ്റുമില്ലാതെ ആയിരക്കണക്കിന് കുട്ടികൾ സ‌ർവകലാശാല കയറിയിറങ്ങുന്നു. എന്നിട്ടും സാങ്കേതിക സർവകലാശാല പറയുന്നു – ഇവിടെ ഒരു കുഴപ്പവുമില്ലെന്ന് ! 20 പരീക്ഷകളുടെ ഫലങ്ങൾ കെട്ടിക്കിടക്കുന്നു. രാജശ്രീയെ സുപ്രീംകോടതി പുറത്താക്കിയ ശേഷം ഒറ്റ ഫലം പോലും പ്രസിദ്ധീകരിച്ചിട്ടില്ല ! ഗ്രേഡ് സർട്ടിഫിക്കറ്റുകളും പ്രൊവിഷണൽ സർട്ടിഫിക്കറ്റുകളും നൽകാനുള്ള ഫയൽ ഒരാഴ്ചയിലേറെയായി പ്രോ വൈസ്ചാൻസലർ പിടിച്ചുവച്ചിരിക്കുന്നു. കുട്ടികളെ മറന്ന് രാഷ്ട്രീയക്കളിയിൽ സാങ്കേതിക സർവകലാശാല

ന്യൂസ് ബ്യൂറോ, തിരുവനന്തപുരം
Friday, November 25, 2022

തിരുവനന്തപുരം: ബിരുദ സർട്ടിഫിക്കറ്റിനായി നിത്യേന നിരവധി വിദ്യാർത്ഥികൾ സർവകലാശാലയിൽ കയറിയിറങ്ങുകയും വൈസ്ചാൻസലർക്ക് ബിരുദ സർട്ടിഫിക്കറ്റുകളിൽ ഒപ്പുവയ്ക്കാനുള്ള ഡിജിറ്റൽ സിഗ്നേച്ചർ പോലും നൽകാതെ ഉദ്യോഗസ്ഥർ നിസഹകരിക്കുകയും ചെയ്യുന്നതിനിടെ, സർവകലാശാലയിൽ യാതൊരു ഭരണസ്തംഭനവുമില്ലെന്ന് സാങ്കേതിക സർവകലാശാലാ സിൻഡിക്കേറ്റ് വാർത്താക്കുറിപ്പിറക്കി.

സർവകലാശാലാ ഭരണം സംബന്ധിച്ച ആക്ഷേപങ്ങൾക്ക് വാർത്താക്കുറിപ്പിലൂടെ മറുപടി നൽകേണ്ടത് വൈസ്ചാൻസലറോ വി.സിയുടെ നിർദ്ദേശപ്രകാരം രജിസ്ട്രാറോ പരീക്ഷാ കൺട്രോളറോ ആണ്. സിൻഡിക്കേറ്റിനോ സ്ഥിരം സമിതിക്കോ വിശദീകരണക്കുറിപ്പുകൾ ഇറക്കാൻ അധികാരമില്ലെന്നിരിക്കെയാണ് അസാധാരണ നടപടി.

ഉന്നതവിദ്യാഭ്യാസ പ്രിൻസിപ്പൽ സെക്രട്ടറി ഇഷിതാ റോയി, ടെക്നോളജി സർവകലാശാലാ വി.സി സജി ഗോപിനാഥ് എന്നിവരെ വി.സിയുടെ ചുമതല നൽകാൻ സർക്കാർ ശുപാർശ ചെയ്തിരുന്നു. ഇത് നിരസിച്ച് സാങ്കേതിക വിദ്യാഭ്യാസ ഡയറക്ടറേറ്റിലെ ജോയിന്റ് ഡയറക്ടർ സിസാ തോമസിന് ഗവർണർ ചുമതല നൽകിയതാണ് സർക്കാരിനെ ചൊടിപ്പിച്ചത്.

സിസാ തോമസ് ചുമതലയേറ്റതു മുതൽ ഒരു വിഭാഗം ജീവനക്കാരും വിദ്യാർത്ഥികളും വിസിയുടെ ഓഫീസിനു മുന്നിൽ പ്രതിഷേധ സമരം നടത്തുകയാണ്. സിസാതോമസിന്റെ നിയമനത്തിനെതിരായ സർക്കാരിന്റെ ഹർജി ഹൈക്കോടതി ഇന്ന് പരിഗണിക്കുന്നുണ്ട്.


ഇക്കൊല്ലം വിജയിച്ചവർക്കെല്ലാം പ്രൊവിഷണൽ സർട്ടിഫിക്കറ്റ് ഡൗൺലോഡ് ചെയ്യാൻ പോർട്ടലിൽ സൗകര്യമൊരുക്കിയെന്നും 90 ശതമാനത്തോളം പേർക്കും പ്രൊവിഷണൽ സർട്ടിഫിക്കറ്റ് ഓഗസ്റ്റിൽ തന്നെ നൽകിയെന്നുമാണ് വാർത്താക്കുറിപ്പിലുള്ളത്.


കുറിപ്പിലെ മറ്റ് വിവരങ്ങൾ: ബിരുദ സർട്ടിഫിക്കറ്റുകൾ അപേക്ഷിച്ച് 45 ദിവസത്തിനകം നൽകണമെന്നാണ് സർവകലാശാല തീരുമാനിച്ചിട്ടുള്ളത്. ഡോ. എം.എസ്. രാജശ്രീ വൈസ് ചാൻസലറായിരുന്ന കാലയളവിൽ അപേക്ഷിച്ച 4158 വിദ്യാർത്ഥികൾക്ക് ബിരുദ സർട്ടിഫിക്കറ്റുകൾ വിതരണം ചെയ്തിട്ടുണ്ട്.

ഇതിനു ശേഷം ലഭിച്ച അപേക്ഷകളിൽ സൂക്ഷ്മപരിശോധന നടക്കുകയാണ്. വിവിധ സെമെസ്റ്ററുകളിലെ സപ്ലിമെന്ററി പരീക്ഷകളിൽ വിജയിച്ചവർക്ക് ബോർഡ് ഒഫ് ഗവേണൻസിന്റെ അംഗീകാരം ലഭിച്ച ശേഷം മാത്രമേ ബിരുദ സർട്ടിഫിക്കറ്റുകൾ വിതരണം ചെയ്യാനാവൂ. അവസാന വർഷ എം.സി.എ. പ്രൊവിഷണൽ സർട്ടിഫിക്കറ്റുകൾ അക്കാഡമിക് കൗൺസിൽ അംഗീകാരം ലഭിച്ചാലുടൻ പോർട്ടലിൽ ലഭ്യമാക്കും.

സെമസ്റ്റർ പരീക്ഷകളുടെ മൂല്യനിർണയം നാൽപ്പതോളം കേന്ദ്രീകൃത മൂല്യ നിർണയ ക്യാമ്പുകളിൽ പൂർത്തിയാവുകയാണ്. 80% പൂർത്തിയായി. നവംബർ അവസാന വാരം ഫലം പ്രസിദ്ധീകരിക്കും. മൂല്യനിർണ്ണയം പൂർത്തിയായ എല്ലാ പരീക്ഷകളുടെയും ഫലം പ്രസിദ്ധീകരിച്ചിട്ടുണ്ട്.

അതേസമയം, ബിരുദ സർട്ടിഫിക്കറ്റിനായി വിദ്യാർത്ഥികൾ സർവകലാശാലയിൽ കയറിയിറങ്ങുകയാണ്. പ്രൊവിഷണൽ സർട്ടിഫിക്കറ്റ് വിദേശത്ത് ജോലിക്ക് സ്വീകരിക്കില്ല. മറ്റ് സംസ്ഥാനങ്ങളിലെ സ്ഥാപനങ്ങളും ബിരുദ സർട്ടിഫിക്കറ്റ് നിർബന്ധമായും ആവശ്യപെടുന്നുണ്ട്. പ്രൊവിഷണൽ സർട്ടിഫിക്കറ്റിന് ആറു മാസത്തെ കാലാവധിയേയുള്ളൂ.

വിസിക്ക് ബിരുദസർട്ടിഫിക്കറ്റുകളിൽ ഡിജിറ്റൽ ഒപ്പിടാനുള്ള സൗകര്യം സജ്ജമാക്കിയിട്ടില്ല. ഫയലുകളും നൽകുന്നില്ല. എന്നാൽ യഥാർത്ഥ സ്ഥിതി ഇതാണ്- ഡോ.എം.എസ്. രാജശ്രീയെ സുപ്രീംകോടതി പുറത്താക്കിയ ശേഷം ഒരു പരീക്ഷയുടെ ഫലം പോലും പ്രസിദ്ധീകരിച്ചിട്ടില്ല. ഇരുപത് പരീക്ഷകളുടെ ഫലങ്ങൾ തയ്യാറാണെങ്കിലും വാഴ്സിറ്റിയുടെ അംഗീകാരം ലഭിക്കാത്തതിനാൽ പ്രസിദ്ധീകരിക്കാനായിട്ടില്ല.

എം.സി.എ, എൻജിനിയറിംഗ് അടക്കം 7 പരീക്ഷകളുടെ ഗ്രേഡ് സർട്ടിഫിക്കറ്റുകളും പ്രൊവിഷണൽ സർട്ടിഫിക്കറ്റുകളും നൽകാനുള്ള ഫയൽ ഒരാഴ്ചയിലേറെയായി പ്രോ വൈസ്ചാൻസലറുടെ പക്കലാണ്. ബിരുദ സർട്ടിഫിക്കറ്റുകൾ നൽകുന്നത് വൈസ്ചാൻസലറുടെ ഉത്തരവു പ്രകാരമാണ്. ഇത് അടുത്ത ബോർഡ് ഓഫ് ഗവേണൻസ് യോഗത്തിൽ വച്ച് ക്രമപ്പെടുത്തുകയാണ് പതിവ്. എന്നാൽ വി.സിയെ ഉദ്യോഗസ്ഥർ ബഹിഷ്കരിച്ചതിനാൽ ഇത് നടക്കുന്നില്ല.

More News

കോഴിക്കോട്: മെഡിക്കൽ കോളജ് നഴ്സിങ് വിഭാഗത്തിൽ തുടർവിദ്യാഭ്യാസ പരിപാടിയുടെ ഭാഗമായി മൂർഖൻ പാമ്പിനെ പ്രദർശിപ്പിച്ച് ക്ലാസെടുത്ത വാവ സുരേഷിനെതിരെ വനം വകുപ്പ് കേസെടുത്തു. വന്യജീവി സംരക്ഷണ നിയമം സെക്ഷൻ 2, 9 എന്നിവ പ്രകാരമാണ് താമരശേരി റേഞ്ച് ഫോറസ്റ്റ് ഓഫിസർ കേസെടുത്തത്. വാവ സുരേഷിനോട് ഹാജരാകാൻ നോട്ടീസ് നൽകുമെന്ന് റേഞ്ച് ഓഫിസർ വ്യക്തമാക്കി. നിയമവിരുദ്ധമായും അശാസ്ത്രീയമായും പാമ്പുകളെ പ്രദർശിപ്പിച്ചതിന് താമരശേരി റേഞ്ച് ഓഫിസറോട് കേസെടുക്കാൻ നിർദേശിച്ചതായി ഡിവിഷനൽ ഫോറസ്റ്റ് ഓഫിസർ അബ്ദുൽ ലത്തീഫ് ചോലയിൽ പറഞ്ഞു. പരാതിയുടെ […]

കൊച്ചി: എറണാകുളം കരയോഗത്തിന്‍റെ ആഭിമുഖ്യത്തില്‍ സ്വാമി ചിദാനന്ദപുരിയുടെ ഉപനിഷദ് വിചാരയജ്ഞം ഡിസംബര്‍ 1 -ാം തീയതി മുതല്‍ ടിഡിഎം ഹാളില്‍ ആരംഭിക്കുന്നു. വൈകുന്നേരം 5.45ന് കേരള ഹൈക്കോര്‍ട്ട് ജഡ്ജ് ജസ്റ്റിസ് പി. സോമരാജന്‍ ഭദ്രദീപം തെളിയിച്ച് ഉത്ഘാടനം ചെയ്യുന്നു. ചടങ്ങില്‍ ജനറല്‍ സെക്രട്ടറി പി. രാമചന്ദ്രന്‍ (വേണു), അഡ്വ. എ. ബാലഗോപാലന്‍ എന്നിവര്‍ സംസാരിക്കും. ഡിസംബര്‍ 1 -ാം തീയതി മുതല്‍ 7-ാം തീയതി വരെ വൈകുന്നേരം 6 മണി മുതല്‍ 8 മണി വരെ ടിഡിഎം […]

കൊച്ചി; മലബാര്‍ സിമന്റ്‌സ് കമ്പനി സെക്രട്ടറിയായിരുന്ന വി ശശീന്ദ്രന്റെയും മക്കളുടെയും മരണത്തില്‍ വീണ്ടും അന്വേഷണം പ്രഖ്യാപിച്ച് ഹൈക്കോടതി. മരണങ്ങളുടെ കൊലപാതക സാധ്യതയടക്കംഎല്ലാം വിശദമായി പരിശോധിക്കണമെന്ന് ഹൈക്കോടതി നിര്‍ദേശിച്ചു. ഈ കേസില്‍ തന്നെ സിബിഐ രണ്ടുതവണ തുടരന്വേഷണം നടത്തിയിരുന്നു. മരണകാരണം കണ്ടെത്താന്‍ അടുത്ത നാലുമാസത്തിനുളളില്‍ സിബിഐ അന്വേഷണം പൂര്‍ത്തിയാക്കണമെന്നാണ് ഹൈക്കോടതി നിര്‍ദേശിച്ചിരിക്കുന്നത്. മലബാര്‍ സിമന്റ്‌സ് കമ്പനി സെക്രട്ടറിയായിരുന്ന ശശീന്ദ്രനെയും (46) മക്കളായ വിവേക് (10), വ്യാസ് (എട്ട്) എന്നിവരെയും 2011 ജനുവരി 24 നു രാത്രിയാണു കഞ്ചിക്കോട് കുരുടിക്കാട്ടെ […]

ന്യൂഡൽഹി: ശ്രദ്ധ വോൾക്കർ കൊലപാതകക്കേസിലെ പ്രതി അഫ്‌താബ് അമീൻ പൂനവാലയുടെ ക്രൂരതകളിൽ ഞെട്ടി പുതിയ കാമുകി. ശ്രദ്ധയെ കൊലപ്പെടുത്തി കഷണങ്ങളാക്കി സൂക്ഷിച്ച വീട്ടിൽ രണ്ടു തവണ പോയെങ്കിലും അത്തരം സൂചനകളൊന്നും കണ്ടില്ലെന്നു കാമുകി പൊലീസിനോടു പറഞ്ഞു. വിവിധ ഡേറ്റിങ് ആപ്പുകളിലായി 15–20 യുവതികളുമായി അഫ്താബിന് ബന്ധമുണ്ടായിരുന്നു. ശ്രദ്ധയുടെ കൊലപാതകത്തിന് ശേഷം 12–ാം ദിവസമാണു ഡേറ്റിങ് ആപ് വഴി അഫ്താബ് പുതിയ കാമുകിയായി മനോരോഗ വിദഗ്ധയെ കണ്ടെത്തിയത്. ഇവർക്ക് അഫ്താബ് സമ്മാനമായി നൽകിയ മോതിരം ശ്രദ്ധയുടേതാണെന്നാണു സൂചന. സംശയിക്കത്തക്കതായി അഫ്താബിൽ […]

കൊച്ചി: ദൈന്യത, അഗണന, പോരാട്ടം, ശാക്തീകരണം…നാല് രാജ്യങ്ങളിൽ നിന്നായി 52 ചിത്രകാരൻമാരുടെ 71 ചിത്രങ്ങളിൽ തെളിയുന്നത് മത്സ്യമേഖലയിലെ സ്ത്രീകളുടെ നേർചിത്രം. ബേ ഓഫ് ബംഗാൾ പ്രോഗ്രാം ഇന്റർഗവൺമെന്റൽ ഓർഗനൈസേൻ (ബിഒബിപി) പുറത്തിറക്കിയ ‘വേവ്‌സ് ഓഫ് ആർട്’ ചിത്രസമാഹരത്തിലാണ് മത്സ്യമേഖലയിലെ സ്ത്രീകളുടെ പങ്ക് വെളിപ്പെടുത്തുന്ന ജീവൻതുടിക്കുന്ന ചിത്രങ്ങൾ ഇടംപിടിച്ചത്. ഇന്ത്യ, ശ്രീലങ്ക, ബംഗ്ലാദേശ്, മാലിദ്വീപ് എന്നീ നാല് രാജ്യങ്ങളിലെ മത്സ്യമേഖലയിലെ സ്ത്രീകളുടെ ജീവിതമാണ് ‘വേവ്‌സ് ഓഫ് ആര്ട്’ ചിത്രസമാഹാരത്തിലുള്ളത്. വേമ്പനാട് കായൽ ഉൾപ്പെടെയുള്ള ഉൾനാടൻജലാശയങ്ങളിലെ മത്സ്യബന്ധനം, മത്സ്യകൃഷി, മത്സ്യസംസ്‌കരണം, […]

മണ്ണാർക്കാട്: ഭിന്നശേഷിക്കാരുടെ ക്ഷേമത്തിനും വികസനത്തിനുമുള്ള പദ്ധതി പ്രവർത്തനങ്ങൾ സമൂഹത്തെ ഓർമ്മിപ്പിക്കുക എന്ന ലക്ഷ്യത്തോടെ ഡിസബർ 3 ഭിന്നശേഷിദിനത്തിൽ വ്യത്യസ്ത പരിപാടികൾ നടത്തുമെന്ന് എടത്തനാട്ടുകര അഭയം ചാരിറ്റബിൾ ട്രസ്റ്റ് ഭാരവാഹികൾ പത്രക്കുറിപ്പിൽ അറിയിച്ചു. എടത്തനാട്ടുകര ചിരട്ടക്കുളം എ സി ടി വൊക്കേണൽ സ്പെഷ്യൽ സ്കൂൾ സ്കൂളിൽ ഭിന്നശേഷിക്കാരായ ശലഭങ്ങളുടെ കലാവിരുന്ന് സാഹിത്യ-കവി അരങ്ങ് ,എന്നിവ നടത്താൻ തീരുമാനിച്ചു. പരിപാടിയിൽ ജനപ്രതിനിധികൾ,അമൃത&ഫ്ലവർസ് ടീവി ചാനൽ ഫെയിം കോമഡി താരം വിഷ്ണു അലനല്ലൂർ,ഡീൽ അക്കാദമി വിദ്യാർത്ഥികൾ, ഭാരതീയ ദളിത്‌ സാഹിത്യ അക്കാദമി […]

ന്യൂഡൽഹി: ന്യൂസീലൻഡിനെതിരായ മൂന്നാം ഏകദിനത്തിലും മലയാളി താരം സഞ്ജു സാംസൺ പ്ലേയിങ് ഇലവനിൽ ഉൾപ്പെടാതിരുന്നതോടെ ടീം മാനേജ്മെന്റിനും ബിസിസിഐക്കുമെതിരെ വീണ്ടും ആരാധകരോഷം. രണ്ടാം ഏകദിനത്തിൽ സഞ്ജുവിനെ ഒഴിവാക്കിയതിനെതിരെ വ്യാപക വിമർശനമുയർന്നതോടെ അടുത്ത മത്സരത്തിൽ ഉൾപ്പെടുത്തുമെന്ന് പ്രതീക്ഷിച്ചിരുന്നു. പക്ഷേ ഓൾറൗണ്ടറായ ദീപക് ഹൂഡയ്ക്ക് വീണ്ടും അവസരം നൽകാൻ തീരുമാനിച്ചതോടെ സഞ്ജു പുറത്താകുകയായിരുന്നു. എന്നാൽ ബാറ്റിങ്ങിൽ ദീപക് ഹൂഡയും നാലമാനായി ഇറങ്ങിയ വിക്കറ്റ് കീപ്പർ ഋഷഭ് പന്തും ഇന്നും നിരാശപ്പെടുത്തിയതോടെയാണ് സഞ്ജുവിനായി വീണ്ടും മുറവിളി ഉയരുകയാണ്. കോൺഗ്രസ് നേതാവും തിരുവനന്തപുരം […]

തിരുവനന്തപുരം: ഫുട്‌ബോള്‍ ലോകകപ്പ് ആരാധന കൊണ്ടുള്ള ആഘോഷങ്ങള്‍ കുട്ടികളുടെ മനസ്സുകളില്‍ ആഘാതമാകരുതെന്ന് കേരള പൊലീസ്. ഫേസ്ബുക്കിലൂടെയാണ് കേരള പൊലീസിന്റെ അഭിപ്രായ പ്രകടനം. ‘അതിരു കടക്കുന്ന ആരാധന പലപ്പോഴും അപകടകരമായ അവസ്ഥകളിലേക്ക് നീങ്ങുന്നത് നാം കണ്ടിട്ടുണ്ട്. തോല്‍വികളെ പക്വതയോടെ സ്വീകരിക്കാന്‍ ഒരു പക്ഷെ മുതിര്‍ന്നവര്‍ക്കാകും. പക്ഷെ.. നമ്മുടെ കുഞ്ഞുങ്ങള്‍.. അവര്‍ക്ക് ചിലപ്പോള്‍ തോല്‍വികളെ ഉള്‍ക്കൊള്ളാനായെന്നു വരില്ല. ആ അവസ്ഥയില്‍ അവരെ കളിയാക്കാതെ ചേര്‍ത്ത് പിടിക്കുക. തോല്‍വി ജയത്തിന്റെ മുന്നോടിയാണെന്നത് അവരെ ബോധ്യപ്പെടുത്തുക’. എന്നാണ് കേരള പൊലീസ് കുറിച്ചത്.

പാലക്കാട്: കാർഷിക മേഖല കൂടുതൽ ശക്തിപ്പെടണമെങ്കിൽ വിവിധ തലത്തിലുളള ഏകികരണം അനിവാര്യമാണെന്ന് ജില്ലാ പഞ്ചായത്ത് പ്രസിഡണ്ട് കെ. ബിനുമോൾ. നിലവിലുള്ള കൃഷിഭൂമി നിലനിർത്താനാവശ്യമായ നടപടികളാണ് സർക്കാർ സ്വീകരിക്കുന്നതെന്നും കെ.ബിനു മോൾ. കണ്ണാടി ചെമ്മൻകാട് ലിഫ്റ്റ് ഇറിഗേഷൻ പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു. കെ. ബിനുമോൾ. ലാഭം നോക്കാതെ പാരമ്പര്യസ്വത്ത് എന്ന നിലക്കാണ് കർഷകർ കൃഷിയെ കാണുന്നത്. കൃഷി വ്യവസായ അടിസ്ഥാനത്തിൽ വികസിപ്പിക്കുന്നതിനാണ് സർക്കാർ ഊന്നൽ നൽകുന്നത്. കൃഷി സംരക്ഷിക്കപ്പെടേണ്ടതും പ്രോത്സാഹിപ്പിക്കപ്പെടേണ്ടതും കാലഘട്ടത്തിന്റെ അനിവാര്യതയാണന്നും കെ. ബിനുമോൾ പറഞ്ഞു. […]

error: Content is protected !!