ഫോണിൽ സ്‌നാപ്ചാറ്റ് ഡൗൺലോഡ് ചെയ്യാൻ സമ്മതിച്ചില്ല; പെൺകുട്ടി തൂങ്ങിമരിച്ചു

മഹാരാഷ്ട്രയിലെ താനെ ജില്ലയില്‍ മൊബൈല്‍ ഫോണില്‍ മെസേജിംഗ് ആപ്പ് ഡൗണ്‍ലോഡ് ചെയ്യരുതെന്ന് പിതാവ് ആവശ്യപ്പെട്ടതിനെത്തുടര്‍ന്ന് 16 വയസുകാരി ആത്മഹത്യ ചെയ്തതായി പോലീസ് തിങ്കളാഴ്ച അറിയിച്ചു. ഡോംബിവ്ലി മേഖലയിലെ നില്‍ജെയില്‍ വെള്ളിയാഴ്ച രാത്രിയാണ് സംഭവം.

പെണ്‍കുട്ടി മൊബൈല്‍ ഫോണില്‍ സ്നാപ്ചാറ്റ് ആപ്ലിക്കേഷന്‍ ഡൗണ്‍ലോഡ് ചെയ്തിരുന്നു. അങ്ങനെ ചെയ്യരുതെന്ന് പിതാവ് പെണ്‍കുട്ടിയോട് ആവശ്യപ്പെട്ടതാണ് പ്രകോപിപ്പിച്ചതെന്ന് മന്‍പാഡ പോലീസ് സ്റ്റേഷനിലെ ഉദ്യോഗസ്ഥന്‍ പറഞ്ഞു.

വെള്ളിയാഴ്ച രാത്രി പെണ്‍കുട്ടി തന്റെ വീട്ടിലെ കിടപ്പുമുറിയുടെ സീലിംഗില്‍ തൂങ്ങിമരിച്ചു. അടുത്ത ദിവസം വീട്ടുകാരാണ് അവളെ മരിച്ച നിലയില്‍ കണ്ടെത്തിയത്. വിവരമറിയിച്ചതിനെ തുടര്‍ന്ന് പോലീസ് മൃതദേഹം പോസ്റ്റ്മോര്‍ട്ടത്തിന് അയച്ചതായും അസ്വാഭാവിക മരണത്തിന് കേസെടുത്തതായും ഉദ്യോഗസ്ഥര്‍ പറഞ്ഞു.