/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/KBuaWcYsUQGi36nH7jcQ.jpg)
ഉത്തരേന്ത്യന് സംസ്ഥാനങ്ങളില് കനത്ത മൂടല്മഞ്ഞ്. ഡിസംബര് 30 വരെ ഉത്തരേന്ത്യയിലെ വിവിധ സംസ്ഥാനങ്ങളില് മൂടല്മഞ്ഞ് തുടരുമെന്ന് ഇന്ത്യന് കാലാവസ്ഥാ വകുപ്പ് (ഐഎംഡി) അറിയിച്ചു. ഡല്ഹി, ഉത്തര്പ്രദേശ്, പഞ്ചാബ്, ഹരിയാന, ചണ്ഡീഗഢ് എന്നീ സംസ്ഥാനങ്ങളുടെ ചില ഭാഗങ്ങളിലും അതിശൈത്യം തുടരുമെന്നും ഐഎംഡി ബുള്ളറ്റിന് പറയുന്നു.
എന്നാല് ഡിസംബര് 31 രാവിലെ മുതല് മൂടല്മഞ്ഞിന്റെ അവസ്ഥ മെച്ചപ്പെടുമെന്നാണ് കാലാവസ്ഥാ വകുപ്പിന്റെ പ്രവചനം. മൂടല്മഞ്ഞ് സംസ്ഥാനങ്ങളിലെ ഗതാഗത സേവനങ്ങള് തടസ്സപ്പെടുത്തി. വിമാന സര്വീസുകള് റദ്ദാക്കുകയും ട്രെയ്നുകള് വൈകുകയും ചെയ്തു. ഉത്തരേന്ത്യന് സംസ്ഥാനങ്ങളില് കനത്ത മൂടല്മഞ്ഞ് കാരണം 11 ട്രെയിനുകള് വൈകിയതായി നോര്ത്തേണ് റെയില്വേയുടെ ഏറ്റവും പുതിയ അപ്ഡേറ്റില് പറയുന്നു.
മഞ്ഞുവീഴ്ച വര്ദ്ധിച്ച സാഹചര്യത്തില് നോയിഡയിലെയും ഗ്രേറ്റര് നോയിഡയിലെയും ഗൗതം ബുദ്ധ് നഗറിലെയും സ്കൂളുകള് അടച്ചു. ഡിസംബര് 29, 30 തീയതികളില് സ്കൂളുകള് അടച്ചിടാനാണ് ജില്ലാ ഭരണകൂടത്തിന്റെ ഉത്തരവ്. അധ്യാപകരും മറ്റ് ജീവനക്കാരും ജോലി ചെയ്യും. അതേസമയം, അടുത്ത അഞ്ച് ദിവസങ്ങളില് കുറഞ്ഞ താപനില ഏഴ് മുതല് എട്ട് ഡിഗ്രി സെല്ഷ്യസ് വരെ ആയിരിക്കുമെന്നും ഐഎംഡി പ്രവചിക്കുന്നു. വ്യാഴാഴ്ച, ദേശീയ തലസ്ഥാനത്തെ ഏറ്റവും കുറഞ്ഞ താപനില 8.4 ഡിഗ്രി സെല്ഷ്യസായിരുന്നു.
വ്യാഴാഴ്ച അര്ദ്ധരാത്രിയോടെ ഇന്ദിരാഗാന്ധി അന്താരാഷ്ട്ര വിമാനത്താവളത്തിന് ചുറ്റുമുള്ള പ്രദേശങ്ങളില് ദൃശ്യപരത പൂര്ണ്ണമായും കുറഞ്ഞതായി വാര്ത്താ ഏജന്സിയായ എഎന്ഐ പങ്കിട്ട ഒരു വീഡിയോയില് കാണാം. എന്നിരുന്നാലും, ഇപ്പോള് സ്ഥിതിഗതികള് ഗണ്യമായി മെച്ചപ്പെട്ടു. അതിനിടെ, മൂടല്മഞ്ഞിനെ തുടര്ന്ന് ഉത്തര്പ്രദേശിലുണ്ടായ രണ്ട് വ്യത്യസ്ത റോഡപകടങ്ങളില് ആറ് പേര് മരിക്കുകയും 12 പേര്ക്ക് പരിക്കേല്ക്കുകയും ചെയ്തു. കഴിഞ്ഞ ദിവസം ഉത്തര്പ്രദേശില് കനത്ത മൂടല്മഞ്ഞില് നിന്നുള്ള ദൃശ്യപരത കുറഞ്ഞതിനെ തുടര്ന്ന് റോഡപകടങ്ങളില് നാല് പേര് മരിക്കുകയും ആറ് പേര്ക്ക് പരിക്കേല്ക്കുകയും ചെയ്തിരുന്നു.