ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെതിരായ ഭൂമി തട്ടിപ്പ് ആരോപണം: പ്രത്യേക അന്വേഷണ സംഘം വേണമെന്ന് ആവശ്യം

ബെംഗളൂരു: സംസ്ഥാന ബിജെപി   അധ്യക്ഷനും മുൻ കേന്ദ്ര മന്ത്രിയുമായ രാജീവ് ചന്ദ്രശേഖറിനെതിരായ ഭൂമി തട്ടിപ്പ് ആരോപണത്തിൽ പ്രത്യേക അന്വേഷണ സംഘത്തെ (എസ്.ഐ.ടി) നിയമിക്കണമെന്ന് ആവശ്യപ്പെട്ട് അഭിഭാഷകനായ കെ.എൻ. ജഗദേഷ് കുമാർ കർണാടക സർക്കാരിന് പരാതി നൽകി.

കർണാടക ഇൻഡസ്ട്രിയൽ ഏരിയസ് ഡെവലപ്‌മെന്റ് ബോർഡുമായി (KIADB) ബന്ധപ്പെട്ട ഭൂമി തട്ടിപ്പുകളിലാണ് രാജീവ് ചന്ദ്രശേഖറിനെതിരെ ആരോപണമുയർന്നിരിക്കുന്നത്. 

ഈ വിഷയത്തിൽ വിശദമായതും നിഷ്പക്ഷവുമായ അന്വേഷണം നടത്തണമെന്നാണ് ജഗദേഷ് കുമാർ തന്റെ പരാതിയിൽ ആവശ്യപ്പെട്ടിരിക്കുന്നത്. 

ആരോപണങ്ങളുടെ ഗൗരവം കണക്കിലെടുത്ത്, പ്രത്യേക അന്വേഷണ സംഘത്തിന്റെ മേൽനോട്ടത്തിൽ മാത്രമേ സത്യം പുറത്തുവരൂ എന്നും അദ്ദേഹം ചൂണ്ടിക്കാട്ടുന്നു.

പരാതി കർണാടക സർക്കാർ പരിഗണിച്ചു വരികയാണ്.