ഇന്ത്യ ഭരിക്കുന്നത് അരാജകത്വവാദികൾ:  കോൺ​ഗ്രസ് നേതാവ് സുരേന്ദ്ര രജ്പുത്

ന്യൂ‍ഡൽഹി:  അയൽ രാജ്യങ്ങളായ  ശ്രീലങ്കയിലും ബംഗ്ലാദേശിലും ഇപ്പോൾ നേപ്പാളിലും നടന്ന പ്രതിഷേധങ്ങളെ  പോലെ ഇന്ത്യയിൽ പ്രതിഷേധങ്ങൾ ഉണ്ടാകില്ലെന്ന് മുതിർന്ന കോൺ​ഗ്രസ് നേതാവ് സുരേന്ദ്ര രജ്പുത്. ആവശ്യമില്ലാതെ പ്രതിഷേധം ഉണ്ടാക്കുന്നവരാണ് ഇപ്പോൾ ഇന്ത്യയിൽ അധികാരത്തിലിരിക്കുന്നതെന്നും അദ്ദേഹം ചൂണ്ടിക്കാണിച്ചു.

ഇപ്പോൾ രാജ്യത്തിന്റെ അധികാരം  കൈയ്യാളുന്നത് അരാജകത്വത്തിന്റെ നേതാക്കളാണെന്നും നേതാവ് പറഞ്ഞു.  ഒരു ദശാബ്ദം മുമ്പ് കോൺഗ്രസിനെ അധികാരത്തിൽ നിന്ന് പുറത്താക്കുന്നതിന് കാരണമായ അണ്ണാ ഹസാരെ-അരവിന്ദ് കെജ്‌രിവാൾ പ്രസ്ഥാനമാണ് ഇതിന് ഉത്തരവാദിയെന്ന് അദ്ദേഹം ചൂണ്ടിക്കാണിച്ചു. 

2014-ൽ ബിജെപി നേതൃത്വത്തിലുള്ള എൻഡിഎ കേന്ദ്രത്തിൽ അധികാരത്തിൽ വന്നതിനുശേഷം നരേന്ദ്ര മോദി പ്രധാനമന്ത്രിയായി, അണ്ണാ പ്രസ്ഥാനത്തിൽ നിന്ന് ഉയർന്നുവന്ന അരവിന്ദ് കെജ്‌രിവാളിന്റെ നേതൃത്വത്തിലുള്ള ആം ആദ്മി പാർട്ടി (എഎപി) അന്നുമുതൽ ഇന്ത്യൻ രാഷ്ട്രീയത്തിലെ ശ്രദ്ധേയമായ ഒരു ധ്രുവമാണെന്നും സുരേന്ദ്ര രജ്പുത് പറയുന്നു.