രാഹുല്‍ ഗാന്ധി തിരഞ്ഞെടുപ്പിലെ 'മാന്‍ ഓഫ് ദ മാച്ച്; പ്രതിപക്ഷ നേതൃസ്ഥാനം ഏറ്റെടുക്കണമെന്ന് ശശി തരൂര്‍

ന്യൂഡല്‍ഹി: രാഹുല്‍ ഗാന്ധി പ്രതിപക്ഷ നേതൃസ്ഥാനം ഏറ്റെടുക്കണമെന്ന് ശശി തരൂര്‍. ലോക്‌സഭ തിരഞ്ഞെടുപ്പിലെ 'മാന്‍ ഓഫ് ദ മാച്ച്' ആണ് രാഹുലെന്നും തരൂര്‍ പ്രശംസിച്ചു. ബി.ജെ.പി.യുടെ ധിക്കാരത്തിനും ഏകപക്ഷീയമായ ഭരണ ശൈലിക്കും എതിരെയുള്ള ശാസനയാണ് വോട്ടർമാരുടെ സന്ദേശം എന്നും അദ്ദേഹം പറഞ്ഞു.

വെല്ലുവിളി നിറഞ്ഞ സാഹചര്യങ്ങൾക്കിടയിലും കോൺഗ്രസ് "പാർക്കിന് പുറത്തേക്ക് പന്ത് അടിച്ചുപറത്തി'യെന്നായിരുന്നു ക്രിക്കറ്റുമായി താരതമ്യപ്പെടുത്തി തരൂര്‍ തിരഞ്ഞെടുപ്പിനെക്കുറിച്ച് പ്രതികരിച്ചത്.