വോട്ടർ പട്ടികയുടെ സ്പെഷ്യൽ ഇൻ്റൻസ് റിവിഷൻ ചോദ്യം ചെയ്ത് ഡിഎംകെ സുപ്രീം കോടതിയിൽ. ഇത് "യഥാർത്ഥ വോട്ടർമാരെ" വോട്ടർ പട്ടികയിൽ നിന്ന് ഒഴിവാക്കാൻ തിരഞ്ഞെടുപ്പ് കമ്മീഷന്റെ ​ഗൂഢാലോചന: എം.കെ സ്റ്റാലിൻ

ചെന്നൈ:  തമിഴ്‌നാട്ടിലെ വോട്ടർ പട്ടികയുടെ സ്പെഷ്യൽ ഇൻ്റൻസ് റിവിഷൻ ചോദ്യം ചെയ്ത് ഡിഎംകെ സുപ്രീം കോടതിയെ സമീപിച്ചു.

ലോക്‌സഭാ തിരഞ്ഞെടുപ്പിന് മുന്നോടിയായി യഥാർത്ഥ വോട്ടർമാരുടെ വോട്ടവകാശം വലിയ തോതിൽ നിഷേധിക്കാൻ ഈ നടപടി കാരണമായേക്കുമെന്ന് ഡിഎംകെ ആരോപിക്കുന്നു.

ഡിഎംകെ ഓർഗനൈസിംഗ് സെക്രട്ടറി ആർ എസ് ഭാരതി മുഖേന സമർപ്പിച്ച ഹർജിയിൽ, നിർദ്ദേശത്തിൻ്റെ ഡോക്യുമെന്റേഷൻ ആവശ്യകതകളും, ശരിയായ നടപടിക്രമങ്ങളുടെ അഭാവവും, യുക്തിരഹിതമായ കുറഞ്ഞ സമയപരിധിയും കാരണം ലക്ഷക്കണക്കിന് യഥാർത്ഥ വോട്ടർമാരെ വോട്ടർ പട്ടികയിൽ നിന്ന് നീക്കം ചെയ്യപ്പെടാൻ സാധ്യതയുണ്ടെന്ന് വാദിക്കുന്നു.

ഈ റിവിഷൻ റദ്ദാക്കിയില്ലെങ്കിൽ, "കൃത്യമായ നടപടിക്രമങ്ങളില്ലാതെ ലക്ഷക്കണക്കിന് വോട്ടർമാരെ അവരുടെ പ്രതിനിധികളെ തിരഞ്ഞെടുക്കുന്നതിൽ നിന്ന് തടയുകയും, അതുവഴി സ്വതന്ത്രവും നീതിയുക്തവുമായ തിരഞ്ഞെടുപ്പിന് തടസ്സമുണ്ടാക്കുകയും ചെയ്യും" എന്നും ഹർജിയിൽ പറയുന്നു.

മുഖ്യമന്ത്രിയും ഡിഎംകെ പ്രസിഡൻ്റുമായ എം കെ സ്റ്റാലിനും തിരഞ്ഞെടുപ്പ് കമ്മീഷനെതിരെ രൂക്ഷമായ വിമർശനമുയർത്തി.

തിരഞ്ഞെടുപ്പിന് ഏതാനും മാസങ്ങൾക്ക് മുമ്പ് "യഥാർത്ഥ വോട്ടർമാരെ" വോട്ടർ പട്ടികയിൽ  നിന്ന് ഒഴിവാക്കാൻ തിരഞ്ഞെടുപ്പ് കമ്മീഷൻ ഗൂഢാലോചന നടത്തുകയാണെന്ന് അദ്ദേഹം ആരോപിച്ചു.

"തിരഞ്ഞെടുപ്പ് അടുക്കുമ്പോൾ പൂർണ്ണമായ റിവിഷൻ നടത്താനാണ് തിരഞ്ഞെടുപ്പ് കമ്മീഷൻ ആഗ്രഹിക്കുന്നത്; യഥാർത്ഥ വോട്ടർമാരെ നീക്കം ചെയ്യാനുള്ള ഒരു തന്ത്രമാണിത്. അവർ ബീഹാറിൽ ചെയ്തതും ഇപ്പോൾ മറ്റ് സംസ്ഥാനങ്ങളിൽ ആവർത്തിക്കാൻ ശ്രമിക്കുന്നതും ഇതാണ്," സ്റ്റാലിൻ പറഞ്ഞു.