ഉദയനിധി സ്റ്റാലിന്‍ തമിഴ്‌നാട് ഉപമുഖ്യമന്ത്രിയാകും, സത്യപ്രതിജ്ഞ ഞായറാഴ്ച ? സെന്തില്‍ ബാലാജി വീണ്ടും മന്ത്രിസഭയിലേക്ക്‌

ചെന്നൈ: തമിഴ്‌നാട്ടില്‍ മന്ത്രിസഭ പുനഃസംഘടനയ്ക്ക് തുടക്കമിട്ട് മുഖ്യമന്ത്രി എം.കെ. സ്റ്റാലിന്‍. ഉദയനിധി സ്റ്റാലിൻ ഉപമുഖ്യമന്ത്രിയാകും. ഇത് സംബന്ധിച്ച് മുഖ്യമന്ത്രി എം.കെ. സ്റ്റാലിൻ ​ഗവർണർക്ക് കത്ത് നൽകിയതായും ഞായറാഴ്ച 3.30 ന് സത്യപ്രതിജ്ഞാചടങ്ങ് നടക്കുമെന്നും ദേശീയ മാധ്യമങ്ങൾ റിപ്പോർട്ട് ചെയ്തു.

കള്ളപ്പണം വെളുപ്പിക്കൽ കേസിൽ ജാമ്യം നേടിയ മുൻ ഗതാഗതമന്ത്രി സെന്തിൽ ബാലാജി വീണ്ടും മന്ത്രിയാകും. സംസ്ഥാന മന്ത്രിസഭയിൽ നിന്ന് നിലവിലുള്ള മൂന്ന് മന്ത്രിമാരെ ഒഴിവാക്കി.