/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/12/17/jose-k-mani-kerala-congress-m-2025-12-17-18-10-57.jpg)
കോട്ടയം: മുന്നണി മാറ്റ അഭ്യൂഹങ്ങള്ക്കിടെ, കേരള കോണ്ഗ്രസ് എമ്മിന്റെ നിര്ണായക സ്റ്റിയറിങ് കമ്മിറ്റി യോഗം ഇന്ന് ചേരും.
രാവിലെ 11 ന് കോട്ടയത്തെ സംസ്ഥാന കമ്മിറ്റി ഓഫീസിലാണ് യോഗം.
പാര്ട്ടി മുന്നിലപാടില് ഉറച്ചു നില്ക്കുമെന്ന് ജോസ് കെ മാണി പ്രസ്താവിച്ചെങ്കിലും, മുന്നണി മാറ്റവുമായി ബന്ധപ്പെട്ട വിഷയങ്ങളും യോഗത്തില് ചര്ച്ചയാകുമെന്നാണ് സൂചന.
ജോസ് കെ മാണി മുന്നണി മാറ്റ ചര്ച്ചകളെ തള്ളിയെങ്കിലും അണികള്ക്കിടയില് ആശയക്കുഴപ്പം തുടരുകയാണ്.
മുന്നണി മാറാനുള്ള ആവശ്യം സ്റ്റിയറിങ് കമ്മിറ്റി യോഗത്തില് ഉയര്ന്നാലും മന്ത്രി റോഷി അഗസ്റ്റിന്റെ നേതൃത്വത്തില് ഒരു വിഭാഗം ശക്തമായി എതിര്ക്കുമെന്നാണ് എല്ഡിഎഫ് പ്രതീക്ഷിക്കുന്നത്.
കേരള കോണ്ഗ്രസിന്റെ മുന്നണി മാറ്റത്തിന് തടയിട്ടത് മുഖ്യമന്ത്രിയാണെന്ന് റിപ്പോര്ട്ടുകളുണ്ട്.
മുന്നണി മാറിയാല് റോഷി അഗസ്റ്റ്യന് അടക്കം മുഴുവന് ആളുകളെയും ഒന്നിച്ച് യുഡിഎഫില് എത്തിക്കാനാണ് പാര്ട്ടിക്കുള്ളില് ശ്രമം നടക്കുന്നത്.
ജില്ലാ കമ്മിറ്റികളെയെല്ലാം ഒപ്പം നിര്ത്താനുള്ള നീക്കങ്ങളും തുടരുകയാണ്. പാര്ട്ടിയുടെ അഞ്ച് എംഎല്എമാരില് മൂന്നുപേര് എല്ഡിഎഫിനൊപ്പവും രണ്ടുപേര് യുഡിഎഫിനൊപ്പവും നില്ക്കാന് ആഗ്രഹിക്കുന്നുവെന്നാണ് റിപ്പോര്ട്ടുകള്. മുമ്പ് കൃത്യമായ നിലപാട് എടുക്കാതിരുന്ന എന് ജയരാജ് എംഎല്എയും റോഷിക്കൊപ്പം എല്ഡിഎഫിനൊപ്പമാണെന്നാണ് വിവരം.