എ.ഡി.ജി.പി എം.ആർ അജിത് കുമാറിനെതിരായ അന്വേഷണം അട്ടിമറിക്കാനാകില്ല, പി.വി അൻവറിന് പിറകില്‍ അൻവർ മാത്രം, മറ്റൊരാളുമില്ലെന്ന് എം.വി. ഗോവിന്ദന്‍

പാലക്കാട്: എഡിജിപി എം.ആര്‍ അജിത് കുമാറിനെതിരായ അന്വേഷണം അട്ടിമറിക്കാനുള്ള കഴിവൊന്നും കേരളത്തിൽ ഒറ്റയാൾക്കുമില്ലെന്ന് സി.പി.എം സംസ്ഥാന സെക്രട്ടറി എം.വി ഗോവിന്ദൻ. പാലക്കാട്ടെ പാര്‍ട്ടി മേഖലാ ജനറൽബോഡി യോഗത്തിന് ഒറ്റപ്പാലത്തെത്തിയപ്പോഴായിരുന്നു അദ്ദേഹത്തിന്റെ പ്രതികരണം.

പി.വി അൻവറിന് പിറകില്‍ അൻവർ മാത്രമാണുള്ളത്. മറ്റൊരാളുമില്ലെന്നും എം.വി ​ഗോവിന്ദൻ പറഞ്ഞു. തൃശൂരിലെ ലോക്സഭാ തോൽവി അന്വേഷണ റിപ്പോർട്ട് പുറത്തുവന്നാൽ കൂടുതൽ കോൺഗ്രസുകാർ ബിജെപിയിൽ പോകുമെന്നും ഗോവിന്ദന്‍ പരിഹസിച്ചു.