നവകേരള സദസിലെ വിവാദ ‘രക്ഷാപ്രവർത്തന’ പ്രസ്താവന; മുഖ്യമന്ത്രി പിണറായി വിജയനെതിരെ അന്വേഷണത്തിന് ഉത്തരവിട്ട് കോടതി; എറണാകുളം സെന്‍ട്രല്‍ പൊലീസ് അന്വേഷിച്ച് റിപ്പോര്‍ട്ട് നൽകണമെന്ന് നിര്‍ദ്ദേശം, നടപടി എറണാകുളം ഡിസിസി പ്രസിഡന്റിന്റെ പരാതിയില്‍

കൊച്ചി: മുഖ്യമന്ത്രി പിണറായി വിജയനെതിരേ അന്വേഷണത്തിന് ഉത്തരവിട്ട് എറണാകുളം ചീഫ് ജുഡീഷ്യൽ മജിസ്ട്രേറ്റ് കോടതി. യൂത്ത് കോണ്‍ഗ്രസ് പ്രവര്‍ത്തകരെ ആക്രമിച്ചത് രക്ഷാപ്രവര്‍ത്തനമാണെന്ന നവ കേരള സദസിലെ വിവാദ പരാമര്‍ശത്തിലാണ് അന്വേഷണം.

എറണാകുളം സെൻട്രൻ പൊലീസ് അന്വേഷിച്ച് റിപ്പോർട്ട് സമർപ്പിക്കണമെന്നാണ് സിജെഎം കോടതിയുടെ ഉത്തരവ്.

എറണാകുളം ഡി.സി.സി. പ്രസിഡന്‍റ് മുഹമ്മദ് ഷിയാസ് സമർപ്പിച്ച പരാതിയിലാണ് സി.ജെ.എം. കോടതി എറണാകുളം സെൻട്രൽ പൊലീസിന് അന്വേഷണത്തിന് നിർദേശം നൽകിയത്. മുഖ്യമന്ത്രിയുടെ പ്രസ്താവന കുറ്റകൃത്യത്തിനുള്ള പ്രേരണയായെന്നായിരുന്നു പരാതി.