മരുമകന്‍ മന്ത്രി രാജ്യത്തെ എല്ലാ വിഷയങ്ങളെ കുറിച്ചും അഭിപ്രായം പറയുന്ന ഒരാളാണ്. എന്നാല്‍ ഭാര്യയ്ക്കു കിട്ടിയ പണം തിരഞ്ഞെടുപ്പു സമയത്ത് സത്യവാങ്മൂലത്തില്‍ ഉള്‍പ്പെടുത്താത്തത് എന്തുകൊണ്ടാണെന്ന് വിശദീകരിച്ചിട്ടില്ല: നിങ്ങളെല്ലാവരും മുഖ്യമന്ത്രിയെ വിളിക്കുന്നത് ക്യാപ്റ്റന്‍, ഇരട്ടച്ചങ്കന്‍ എന്നൊക്കെയാണ്, മൂന്നു ദിവസമായി മാളത്തില്‍ ഒളിച്ചിരിക്കുന്ന ആളാണോ ഈ ക്യാപ്റ്റന്‍? വി.മുരളീധരന്‍

കൊല്ലം: മാസപ്പടി വിവാദത്തില്‍ മുഖ്യമന്ത്രി പിണറായി വിജയനെയും മന്ത്രി മുഹമ്മദ് റിയാസിനെയും വിമര്‍ശിച്ച് കേന്ദ്രമന്ത്രി വി.മുരളീധരന്‍. മന്ത്രി റിയാസ് ഇതുവരെ ഭാര്യയ്ക്കു കിട്ടിയ പണം തിരഞ്ഞെടുപ്പു സമയത്ത് സത്യവാങ്മൂലത്തില്‍ ഉള്‍പ്പെടുത്താത്തത് എന്തുകൊണ്ടാണെന്ന് വിശദീകരിച്ചിട്ടില്ലെന്ന് അദ്ദേഹം പറഞ്ഞു.

''മരുമകന്‍ മന്ത്രി രാജ്യത്തെ എല്ലാ വിഷയങ്ങളെ കുറിച്ചും അഭിപ്രായം പറയുന്ന ഒരാളാണ്. എന്നാല്‍ മൂന്നു ദിവസമായിട്ട് സ്വന്തം ഭാര്യയ്ക്ക് കിട്ടിയ പണം തിരഞ്ഞെടുപ്പു സമയത്ത് സത്യവാങ്മൂലത്തില്‍ ഉള്‍പ്പെടാത്തത് എന്താണ് എന്നുള്ള കാര്യം ഇതുവരെ വിശദീകരിച്ചിട്ടില്ല. മുഖ്യമന്ത്രിയും വിശദീകരിക്കുന്നില്ല. നിങ്ങളെല്ലാവരും വിളിക്കുന്നത് ക്യാപ്റ്റന്‍, ഇരട്ടച്ചങ്കന്‍ എന്നൊക്കെയാണ്. മൂന്നു ദിവസമായി മാളത്തില്‍ ഒളിച്ചിരിക്കുന്ന ആളാണോ ഈ ക്യാപ്റ്റന്‍'' വി.മുരളീധരന്‍ ചോദിച്ചു.