നിങ്ങൾ എത്ര കോലിട്ടിളക്കിയാലും ഇവിടുന്ന് ഒന്നും കിട്ടില്ല മാപ്രകളേ ! ആയിരം തെരഞ്ഞെടുപ്പുകളിൽ സീറ്റ് നിഷേധിച്ചാലും കോൺ​ഗ്രസിനെ പ്രതിസന്ധിയിലാക്കുന്ന ഒരു നിലപാടും സ്വീകരിക്കില്ലെന്ന് തുറന്നടിച്ച് വി.എസ് ജോയി. അൻവറിന്റെ പിന്തുണയുടെ ആവശ്യമില്ലെന്നും പ്രതികരണത്തിൽ വ്യക്തം. ആ​ര്യാ​ട​ൻ ഷൗ​ക്ക​ത്തി​ന് അ​ഭി​വാ​ദ്യമെന്നും ജോ​യി

മ​ല​പ്പു​റം: ആ​ര്യാ​ട​ൻ ഷൗ​ക്ക​ത്തി​ന്റെ സ്ഥാ​നാ​ർ​ഥി പ്ര​ഖ്യാ​പനത്തിനു പി​ന്നാ​ലെ വി.എസ് ജോയിയുടെ പ്രതികരണവും വന്നതോടെ കുത്തിത്തിരുപ്പുകാർക്ക് നിരാശ. 

ഷൗക്കത്തിന് അ​ഭി​വാ​ദ്യം അ​റി​യി​ച്ചുകൊണ്ട് വി.​എ​സ്.​ജോ​യി നടത്തിയ പ്രതികരണം മാതൃകാപരം തന്നെ. നിങ്ങൾ എത്ര കോലിട്ടിളക്കിയാലും കോൺ​ഗ്രസിനെ പ്രതിസന്ധിയിലാക്കുന്ന മറുപടി തന്നിൽ നിന്നും ലഭിക്കില്ലെന്നും ജോയി മാധ്യമങ്ങൾക്ക് മുന്നിൽ തുറന്നടിച്ചു.

ആയിരം തെരഞ്ഞെടുപ്പുകളിൽ സീറ്റ് നിഷേധിച്ചാലും പാർട്ടിയേയും പ്രവർത്തകരെയും നിരാശപ്പെടുത്തുന്ന നിലപാട് താൻ സ്വീകരിക്കില്ലെന്ന വിഎസ് ജോയിയുടെ പ്രഖ്യാപനം രാഷ്ട്രീയ എതിരാളികളെ ഉന്നംവച്ചുള്ളതായിരുന്നു.

പി.വി അൻവറിന്റെ പിന്തുണയുടെ ആവശ്യം ഇല്ലെന്നും ജോയിയുടെ വാക്കുകളിൽ നിന്നും വ്യക്തം. നേ​ര​ത്തെ വി.​എ​സ്.​ജോ​യി​യെ സ്ഥാ​നാ​ർ​ഥി​യാ​ക്ക​ണ​മെ​ന്ന് അ​ൻ​വ​ർ ആ​വ​ശ്യ​പ്പെ​ട്ടി​രു​ന്നു. ഇ​ത് അ​വ​ഗ​ണി​ച്ചു കൊ​ണ്ടാ​ണ് കോ​ൺ​ഗ്ര​സ് നേ​തൃ​ത്വം ആ​ര്യാ​ട​ൻ ഷൗ​ക്ക​ത്തി​നെ സ്ഥാ​നാ​ർ​ഥി​യാ​യി പ്ര​ഖ്യാ​പി​ച്ച​ത്.

സ്ഥാ​നാ​ർ​ഥി പ്രഖ്യാപനം വന്നപ്പോൾ തന്നെ ആ​ര്യാ​ട​ൻ ഷൗ​ക്ക​ത്തി​ന് അ​ഭി​വാ​ദ്യ​ങ്ങ​ളെ​ന്ന് വി.​എ​സ്.​ജോ​യി ഫേ​സ്ബു​ക്കി​ൽ കു​റി​ച്ചിരുന്നു. ജോ​യി പ​ങ്കു​വെ​ച്ച പോ​സ്റ്റ് ഷാ​ഫി പ​റ​മ്പി​ൽ എം​പി ഷെ​യ​ർ ചെ​യ്യു​ക​യും ചെ​യ്തു. ന​മ്മ​ൾ ജ​യി​ക്കും നി​ല​മ്പൂ​രി​നും കേ​ര​ള​ത്തി​നും ന​ല്ല​ത് വ​രു​മെ​ന്ന കു​റി​പ്പോ​ട് കൂ​ടി​യാ​ണ് ഷാ​ഫി പ​റ​മ്പി​ൽ പോ​സ്റ്റ് പ​ങ്കു​വെ​ച്ചി​രുന്നത്.