ഇന്ന് ജൂലൈ 22, ദേശീയ പതാക ദത്തെടുക്കല്‍ ദിനം, എ. സമ്പത്തിന്റേയും ദേവേന്ദ്ര ഫഡ്നാവിസിന്റെയും അര്‍മാന്‍ മാലിക്കിന്റേയും ജന്മദിനം, സഖ്യശക്തികള്‍ ഇറ്റാലിയന്‍ നഗരമായ പലേര്‍മോ പിടിച്ചടക്കിയതും ഇതേദിനം തന്നെ, ചരിത്രത്തിൽ ഇന്ന്

.     
.     ചരിത്രത്തിൽ ഇന്ന്, വർത്തമാനവും …
.      **************

.                     ' JYOTHIRGAMAYA '
.                    ്്്്്്്്്്്്്്്്
.                     🌅ജ്യോതിർഗ്ഗമയ🌅
.                       
കൊല്ലവർഷം 1200 
കർക്കടകം 6
മകയിരം  / ത്രയോദശി
2025  ജൂലായ് 22 
ചൊവ്വ

ഇന്ന് ;

 * ദേശീയ പതാക ദത്തെടുക്കൽ ദിനം ![National Flag Adoption Day  1947 ജൂലൈ 22-ന് നടന്ന ഭരണഘടനാ അസംബ്ലി യോഗത്തിൽ ത്രിവർണ്ണ പതാകയെ നാം അതിന്റെ ഇന്നത്തെ രൂപത്തിൽ അംഗീകരിച്ചതിൻ്റെ ഓർമ്മയ്ക്കാണ് നാം ഈ ദിനം ആഘോഷിക്കുന്നത്.]

*  ലോക മസ്തിഷ്ക ദിനം ![ World Brain Day  ; മസ്തിഷ്ക്ക ആരോഗ്യം, നാഡികളുടെ ആരോഗ്യം, മാനസികാരോഗ്യം  എന്നിവ സംരക്ഷിക്കുകയും അതിനായി  വിവിധ പ്രതിരോധ മാർഗ്ഗങ്ങൾ ഉൾക്കൊള്ളുന്നതിനും അതിനെക്കുറിച്ചുള്ള പൊതുബോധവതകരണത്തിനുമുള്ള ദിനം ]

* സ്പൂണറിസം ദിനം ! [Spoonerism Day  ; 'സ്പൂണറിസം' എന്നാൽ ചിലർക്കെങ്കിലും പതിവായി സംഭവിയ്ക്കുന്ന ഒരു തരം നാക്ക്പിഴയാണ്. ' അതായത് നാം സാധാരണയായി ഉപയോഗിയ്ക്കുന്ന രണ്ട് വാക്കുകളുടെ ആദ്യാക്ഷരങ്ങൾ മാറ്റി അശ്രദ്ധയാലൊ മറ്റൊ തെറ്റി ഉച്ഛരിയ്ക്കുന്ന രീതിയെയാണ് സ്പൂണറിസം എന്ന് വിളിയ്ക്കുന്നത്. ഉദാഹരണത്തിന്, ഫ്ലൈ സ്വാറ്ററിന് പകരം സ്വൈ ഫ്ലട്ടർ എന്നും ബണ്ണി റാബിറ്റിന് പകരം റണ്ണി ബാബിറ്റ് എന്നും പറയുന്ന ഒരു രീതി. ഈ തെറ്റ് പതിവായി വരുത്തുന്നതിന് പേരുകേട്ട റെവറന്റ് ഡബ്ല്യുഎ സ്പൂണറിൽ നിന്നാണ് ഈ രീതിയ്ക്ക് ഈ പേര് വന്നത്. 

നമ്മുടെ  സംസാരത്തിൽ തെറ്റ് വരുമ്പോൾ അതിനെക്കുറിച്ചോർത്ത് ലജ്ജിച്ച് പുറകോട്ടു നിൽക്കാതെ അതിനെ ഒരു കരുത്തായി കരുതി ആഘോഷിക്കുക. സ്പൂണറെപ്പോലെ നാം എപ്പോഴും നമ്മുടെ കുറവുകളെ മേന്മയായി സ്വീകരിച്ച് ജീവിയ്ക്കണം. അത് ഓർമ്മിപ്പിയ്ക്കാനാണ് ഈ ദിനം.]

.* ലോക ഫ്രാഗിൾ എക്സ്  ദിനം ![ World Fragile X Day; 
ലോകമെമ്പാടുമുള്ള ഓട്ടിസത്തിന്റെയും ബുദ്ധിപരമായ വൈകല്യങ്ങളുടെയും ഏറ്റവും സാധാരണമായ കാരണമാണ് ഫ്രാഗിൾ എക്സ് സിൻഡ്രോം. ഇത് രണ്ട് ലിംഗങ്ങളെയും ബാധിക്കുന്നുണ്ട്. FXS ഉള്ളവർക്ക് സാധാരണയായി സംസാരവും ഭാഷാ വികസനവും വൈകും. അവരെ ക്കുറിച്ച് ഓർക്കാൻ ഒരു ദിനം.]
         
 * എലിപിടുത്തക്കാരന്റെ ദിനം ! [ Ratcatcher's Day : പൈട് പൈപ്പർ ഓഫ് ഹാംലീൻ ന്റെ ഓർമ്മക്കായി ഈ ദിനം ആചരിക്കുന്നു. ]

*ദേശീയ വലയൂഞ്ഞാൽ ദിനം !  [ National Hammock Day ; വിശ്രമത്തിനുള്ള സാർവത്രിക ചിഹ്നമായ ഹമ്മോക്കിനും (വലയൂഞ്ഞാൽ ) ഒരു ദിവസം. മധ്യ, തെക്കേ അമേരിക്കയിലെ മായന്മാർ ഉറങ്ങുന്നതിനോ വിശ്രമിക്കുന്നതിനോ വേണ്ടി വികസിപ്പിച്ചെടുത്ത ഹമ്മോക്ക് എന്ന ഇ സംവിധാനം തുണി, കയർ എന്നിവ ഉപയോഗിച്ച് നിർമ്മിച്ച ഒരു വലയാണ്.ഇത് രണ്ട് പോസ്റ്റുകൾ അല്ലെങ്കിൽ രണ്ട് മരങ്ങൾക്കിടയിൽ തൂക്കിയിടുന്നു.എന്നിട്ട് ആ വല നിവർത്ത് അതിൽ കയറി കിടന്ന് വിശ്രമിയ്ക്കുന്നു.

 പണ്ട് കാലത്ത് മായന്മാർ, ഹമ്മോക്കുകൾ നിർമ്മിച്ചിരുന്നത് ഹാമാക് മരത്തിന്റെ നെയ്ത പുറംതൊലിയിൽ നിന്നാണ്.  അതിനാൽ "ഹമകാസ്". ഇന്ന് ഹമ്മോക്ക് എന്ന് വിളിയ്ക്കപ്പെട്ടു.

ഇപ്പോൾ പലപ്പോഴും വേനൽക്കാലം, ഒഴിവുസമയം, വിശ്രമം, ലളിതവും എളുപ്പവുമായ ജീവിതം എന്നിവയുടെ പ്രതീകമായി ഹമ്മോക്കുകൾ കാണപ്പെടുന്നു.]
          
  *ദേശീയ മാമ്പഴ ദിനം ! .[ National Mango Day ; ദക്ഷിണേഷ്യയിൽ അധികം കാണപ്പെടുന്ന മാമ്പഴങ്ങൾ, പാകിസ്ഥാൻ്റെയും ഇന്ത്യയുടെയും ദേശീയ ഫലമായും മാവ് ബംഗ്ലാദേശിൻ്റെ ദേശീയ വൃക്ഷമായും കണക്കാക്കപ്പെടുന്ന തരത്തിൽ വിലമതിപ്പുള്ളതാണ് . ഒരു കൊട്ട മാമ്പഴം  ഒരു പ്രദേശത്തിൻ്റെ സൗഹൃദത്തിൻ്റെ അടയാളമായും കണക്കാക്കപ്പെടുന്നുണ്ട്.അത്തരം മാമ്പഴത്തിനും ഒരു ദിവസം.]

*ദേശീയ പെനുഷെ ഫഡ്ജ്  ദിനം ![National Penuche Fudge Day !പെനുച്ചെ ( പെനുഷെ) എന്നത് തവിട്ട് പഞ്ചസാര , വെണ്ണ , പാൽ എന്നിവ ചേർത്ത് ഉപയോഗിച്ച് നിർമ്മിയ്ക്കുന്ന ഒരു മൈസൂർ പാക്ക് പോലുള്ള മിഠായിയാണ് ,
ഇതിൻ്റെ കാരമൽ പോലുള്ള രുചി രാജ്യവ്യാപകമായി ആദരവ് നേടിയിട്ടുണ്ട് - അതിനാൽ ഈ രുചിയ്ക്കും  അതിൻ്റേതായ ഒരു ദിവസം ലഭിച്ചു!]

* മറിയം മഗ്ദലനയുടേ ഓർമ്മ ദിനം!
* ഇന്തോനേഷ്യ : അറ്റോർണി ദിനം !
* മലേഷ്യ : സരവാക് സ്വാതന്ത്ര്യദിനം !
* അസർബൈജാൻ : പ്രസ്സ് ദിനം !
* ഗാംബിയ: വിപ്ലവ ദിനം !

* ദേശീയ ശലഭ വാരം ![National Moth Week ; നിശാശലഭങ്ങളുടെ ജനസംഖ്യ പഠിക്കുന്നതിനും രേഖപ്പെടുത്തുന്നതിനുമുള്ള ഒരു പൗര ശാസ്ത്ര പദ്ധതിയാണ് നാഷണൽ മോത്ത് വീക്ക് ( NMW ) ജൂലൈ അവസാന വാരത്തിലാണ് വാർഷിക പരിപാടി നടക്കുന്നത് ]

      ഇന്നത്തെ മൊഴിമുത്ത്
    ്്്്്്്്്്്്്്്്്്്്്്്്്
'"അന്യർക്കുനാശത്തിനൂന്നുന്നവനേതവനോ സന്ദേഹമില്ലവൻ തന്നെ നശിച്ചുപോം" 

       [ - കൊട്ടാരത്തിൽ ശങ്കുണ്ണി]
           *********
ഇന്നത്തെ പിറന്നാളുകാർ
***********
മുൻ ആറ്റിങ്ങല്‍ എംപിയും  (സി.പി.എം) സി.ഐ.ടി.യു.  സംസ്ഥാന, അഖിലേന്ത്യാ കമ്മറ്റികളിൽ അംഗവും ഡൽഹിയിൽ കേരളത്തിന്റെ മുൻ പ്രതിനിധിയും നിലവിൽ മന്ത്രി കെ.രാധാകൃഷ്ണന്റെ പ്രൈവറ്റ് സെക്രട്ടറിയുമായ എ. സമ്പത്തിന്റേയും (1961),

മഹാരാഷ്ട്രയുടെ  മുഖ്യമന്ത്രി   ദേവേന്ദ്ര   ഗംഗാധർറാവു ഫഡ്‌നാവിസിന്റെയും (1970),

ഒരു  മുൻ യൂണിവേഴ്സൽ മ്യൂസിക് ഇന്ത്യ പ്രതിനിധിയും ഇന്ത്യൻ പിന്നണി ഗായകനും നടനുമായ അർമാൻ മാലിക്കിന്റേയും (1995),

ഒബ്ജക്റ്റ് ഓറിയന്റഡ് പ്രോഗ്രാമിങ് ഭാഷയുടെ അടിസ്ഥാന തത്വങ്ങൾ രൂപീകരിക്കുന്നതിന്‌ ഏറെ സംഭാവനകൾ നൽകിയ  കമ്പ്യൂട്ടർ ശാസ്ത്രജ്ഞനും Smalltalk-80 എന്ന പ്രോഗ്രാമിങ് ഭാഷയുടെ ഉപജ്ഞാതാവുമായ അഡേൽ ഗോൾഡ്ബർഗിന്റെയും (1945),

 1991-ന്റെ ആദ്യ പാദത്തിൽ   ലിനക്സ് കേർണൽ   എഴുതുന്നതിൽ പ്രധാന പങ്കു വഹിച്ച ബ്രിട്ടീഷ് കമ്പ്യൂട്ടർ പ്രോഗ്രാമർ അലൻ കോക്സിന്റെയും (1968),

എമ്മി അവാർഡ് ലഭിച്ച ടെലിവിഷൻ പരമ്പരയായ വിസാർഡ്‌സ് ഓഫ് വേവർലി പ്ലേസിലെ അലക്സ് റുസ്സോയെ അവതരിപ്പിച്ചതിലൂടെ  പ്രശസ്തയായ അമേരിക്കൻ ചലച്ചിത്ര നടിയും ഗായികയുമായ സെലീന ഗോമസിന്റേയും (1922),

ഇടം കൈയൻ ഫാസ്റ്റ് ബൌളറായ ന്യൂസ് ലാൻഡ് അന്തരാഷ്ട്ര ക്രിക്കറ്റ് കളിക്കാരൻ   ട്രെന്റ് അലക്സാണ്ടർ ബൗൾട്ട് എന്ന   ട്രെന്റ് ബൗൾട്ടിന്റെയും (1989) ജന്മദിനം !
**********

ഇന്ന് ജന്മദിനം ആചരിയ്ക്കേണ്ട ഇപ്പോൾ നമ്മോടൊപ്പം ഇല്ലാത്ത നമ്മുടെ പൂർവ്വികരിൽ പ്രമുഖരായ ചിലർ
*************
പി.ആർ. ശിവൻ ജ. (1937-2010)
എം പി വീരേന്ദ്രകുമാർ ജ. (1936-2020)
മുകേഷ് (ചാന്ദ് മാഥൂർ) ജ. (1923-1976)
കെ.കെ. മാധവൻ ജ. (1917-1999)
ഡബ്ല്യു.ആർ. വരദരാജൻ ജ. (1946-2010)
എച്ച്. അനന്ത് കുമാർ ജ. (1959 -2018)
ഫിലിപ്പു നേരി ജ. (1515-1595)
മർഗരീത്ത  അലക്കോക്ക് ജ. (1647-1690)
ഡി ലാ  ക്രൂസ്  ജ. (1815 -1841)
വിൻസൻറ് ബെനെറ്റ്‌ ജ. (1898-1943)

 1929 ൽ പുലിറ്റ്സർ പ്രൈസ് നേടിയ, അമേരിക്കൻ ആഭ്യന്തരയുദ്ധം വിഷയമാക്കി എഴുതിയ “ജോൺ ബ്രൌൺസ് ബോഡി” (1928) എന്ന നീളം കൂടിയ കവിതയുടെ പേരിൽ  ഏറെ ഓർമ്മിക്കപ്പെടുകയും പ്രസിദ്ധമായ "The Devil and Daniel Webster" (1936), "By the Waters of Babylon" (1937) എന്നീ കൃതികളുടെ രചയിതാവും അമേരിക്കൻ കവിയും ചെറു കഥാകൃത്തും നോവലിസ്റ്റുമായിരുന്ന സ്റ്റീഫൻ വിൻസൻറ് ബെനെറ്റ് ( ജൂലൈ 22, 1898 – മാർച്ച് 13, 1943

കേരളത്തിൽ നിന്നുള്ള രാജ്യ സഭാംഗവും എട്ടാം കേരള നിയമസഭാംഗവുമായിരുന്ന കെ.കെ. മാധവൻ (22 ജൂലൈ 1917 - 7 ജൂൺ 1999).

തൊഴിലാളി സംഘടനാ പ്രവർത്തകനും  ട്രാവൻകൂർ റയോൺസ് തൊഴിലാളി യൂണിയൻ ജനറൽ സെക്രട്ടറിയും, സി.ഐ.ടി.യു നേതാവും , സാ മിൽ, മോട്ടോർ, ഇഷ്ടിക തൊഴിലാളികളെ സംഘടിപ്പിക്കുന്നതിനായി ശ്രമങ്ങൾ നടത്തുകയും,സി.പി.ഐ.എം എറണാകുളം ജില്ലാ കമ്മിറ്റി അംഗവും,  തിരനോട്ടം,സ്ട്രീറ്റ് ലൈറ്റ്, മുഖവുര, അതിരാത്രം  തുടങ്ങിയ  നാടകങ്ങളും രചിച്ച് സാംസ്കാരിക മേഖലകളിൽ സജീവമായി പ്രവർത്തിക്കുകയും , അഞ്ചാമത്തേയും ആറാമത്തേയും നിയമസഭകളിലെ സി.പി.ഐ.എം അംഗവുമായിരുന്ന ശ്രീ. പി.ആർ. ശിവൻ(22 ജൂലൈ 1937 - 6 ഒക്ടോബർ 2010),

മാതൃഭൂമി ദിനപ്പത്രത്തിന്റെ  ചെയർമാനും മാനേജിങ് എഡിറ്ററും,  രാഷ്ട്രീയ നേതാവും സാഹിത്യകാരനും പ്രഭാഷകനുമായിരുന്ന എം പി വീരേന്ദ്രകുമാർ( 22 ജൂലൈ1936 - 28 മെയ് 2020),

രാജ് കപൂറിന്റെ  ആവാരാ, മേര നാം ജോക്കർ തുടങ്ങിയ സിനിമകളിലും മറ്റു പല പടങ്ങളിലും അനശ്വരമായ പാട്ടുകൾ നമുക്ക് പാടി കേൾപ്പിച്ച പ്രമുഖ ബോളിവുഡ് പിന്നണിഗായകനായിരുന്ന മുകേഷ് ചാന്ദ് മാഥൂർ എന്ന മുകേഷ് (ജൂലൈ 22, 1923 - ഓഗസ്റ്റ് 27, 1976),

തമിഴ്നാട്ടിലെ  ട്രേഡ് യൂനിയൻ നേതാവും   സി.പി.ഐ.എമ്മിന്റെ കേന്ദ്രകമ്മറ്റിയംഗവും, സി.ഐ.ടി.യുവിന്റെഅഖിലേന്ത്യാ സെക്രട്ടറിയുമായിരുന്ന ഡബ്ല്യു.ആർ. വരദരാജൻ  (ജൂലൈ 22 1946 - ഫെബ്രുവരി 11, 2010),

ബി.ജെ.പിയുടെ മുതിർന്ന നേതാവും   പതിനാറാം ലോക്സഭയിലെ മുൻ വളം, രാസവസ്തു വകുപ്പ് മന്ത്രി പാർലിമെന്റ് അഫയേഴ്സ് മന്ത്രി തുടങ്ങിയ പദവികൾ വഹിച്ചിരുന്ന   എച്ച്. അനന്ത് കുമാർ (ജൂലൈ 22,1959 - 12 നവംബർ 2018),

പരിശുദ്ധ ത്രിത്വം, മാലാഖമാർ, മനുഷ്യാവതാരം തുടങ്ങിയ വിഷയങ്ങളിൽ ആഴമായ പഠനങ്ങൾ നടത്തുകയും, അറിവുകൾ വർദ്ധിച്ചപ്പോൾ  "ഉള്ളതിലധികം മേന്മ ആരും ഭാവിക്കരുത്, മറിച്ച് ദൈവം ഒരോരുത്തർക്കും നൽകിയിരിക്കുന്ന വിശ്വസത്തിന്റെ അളവനുസരിച്ച് വിവേകപൂർവ്വം ചിന്തിക്കുവിൻ "(റോമ 12:3) എന്ന ഫിലിപ്പ് പൗലോസ് അപ്പസ്തോലന്റെ വാക്കുകൾ ഓർക്കുകയും പഠനങ്ങൾ അവസാനിപ്പിച്ച് ക്രിസ്തുവിന്റെ ക്രൂശിതരൂപത്തിലേക്കു തിരിയുകയും പൂർണ്ണമായും പ്രാർഥനയിൽ ലയിക്കുകയും ചെയ്ത റോമൻ കത്തോലിക്കാ സഭയിലെ ഒരു വിശുദ്ധനായ ഫിലിപ്പു നേരി (ജൂലൈ 22, 1515 – മേയ് 25, 1595),

യേശുവിന്റെ ഹൃദയത്തെ കേന്ദ്രമാക്കിയുള്ള "തിരുഹൃദയഭക്തി" അതിന്റെ ആധുനികരൂപത്തിൽ കത്തോലിക്കാ സഭയിൽ പ്രചരിപ്പിച്ച ഫ്രെഞ്ചുകാരിയായ ഒരു റോമൻ കത്തോലിക്കാ സന്യാസിയും ആത്മീയദർശകയും (mystic) ആയിരുന്ന മർഗരീത്ത മറിയം അലക്കോക്ക് ( 1647 ജൂലൈ 22- 1690 ഒക്ടോബർ 17 )

പത്തൊൻപതാം നുറ്റാണ്ടിൽ സ്പെയിനിന്റെ കോളനി ഭരണത്തിലിരുന്ന ഫിലിപ്പീൻസിലെ ഒരു 'ക്രിസ്തീയവിമതനുംപ്രാർത്ഥനയിലും വേദപ്രചരണത്തിലും മുഴുകിയ ഒരു സമൂഹമായ "വിശുദ്ധ യൗസേപ്പിന്റെ സാഹോദര്യം” (Confradia de San Jose) സ്ഥാപിക്കുകയും ഈ സാഹോദര്യത്തെ , സഭനേതൃത്വവും സിവിൽ അധികാരികളും രാഷ്ട്രീയഭീഷണിയായി കണ്ടതിനാൽ ഉൻമൂലനം ചെയ്യുകയും വെടിവെച്ചു കൊല്ലപ്പെടുകയും ചെയ്ത ജ്യേഷ്ഠസഹോദരൻ എന്നർത്ഥമുള്ള "ഹെർമാനോ പുലെ" എന്ന പേരിലും അറിയപ്പെടുന്ന അപ്പോളിനേരിയോ ഡിലാ ക്രൂസ്(Apolinario De La Cruz) (1815 ജൂലൈ 22-1841 നവംബർ 4),
**********

ഇന്നത്തെ സ്മരണ !!!
********
കൊട്ടാരത്തിൽ ശങ്കുണ്ണി മ. (1855-1937 )
എം.എ. ആന്റണി മ. (1919-1988)
കെ.ടി.എസ്. പടന്നയിൽ മ. (1933-2021)
ഡോ.മുത്തുലക്ഷ്മി റെഡ്ഡി മ. (1886 -1968)
ഫ്രാൻസെസ്ക്കോ ബോട്ടിക്കിനി മ.(1446-1497) 
തോമസ് ഡൗറ്റി മ. (1793 -1856)
തക്കമീനേ ജോക്കീച്ചീ മ. (1854-1922)
ഫ്രാങ്ക് ഡോബ്സൻ മ.(1888-1963)
ഹെന്റി ഹാലറ്റ് ഡേൽ മ. (1875-1968)
ഹാരോൾഡ് ലാർവുഡ്  മ. (1904-1995) ശങ്കുണ്ണി മ. (1855-1937 )
എം.എ. ആന്റണി മ. (1919-1988)
കെ.ടി.എസ്. പടന്നയിൽ മ. (1933-2021)
ഡോ.മുത്തുലക്ഷ്മി റെഡ്ഡി മ. (1886 -1968)
ഫ്രാൻസെസ്ക്കോ ബോട്ടിക്കിനി മ.(1446-1497) 
തോമസ് ഡൗറ്റി മ. (1793 -1856)
തക്കമീനേ ജോക്കീച്ചീ മ. (1854-1922)
ഫ്രാങ്ക് ഡോബ്സൻ മ.(1888-1963)
ഹെന്റി ഹാലറ്റ് ഡേൽ മ. (1875-1968)
ഹാരോൾഡ് ലാർവുഡ്  മ. (1904-1995)

ഐതിഹ്യമാല എന്ന ഗ്രന്ഥമടക്കം,    മണിപ്രവാള കൃതികൾ, നാടകങ്ങൾ, പരിഭാഷകൾ, കല്പിതകഥകൾ, ആട്ടക്കഥകൾ, കിളിപ്പാട്ട്, കൈകൊട്ടിപ്പാട്ട്, തുള്ളല്പ്പാട്ട്, വഞ്ചിപ്പാട്ട് ഗദ്യപ്രബന്ധങ്ങൾ എന്നീ വിഭാഗങ്ങളിലായി അറുപത് കൃതികൾ രചിച്ച  വാസുദേവൻ എന്ന കൊട്ടാരത്തിൽ ശങ്കുണ്ണി (1855 മാർച്ച് 23-1937 ജൂലൈ 22)

മൂക്കന്നൂർ ഗ്രാമപഞ്ചായത്ത് പ്രസിഡന്റ്, കോതകുളങ്ങര പഞ്ചായത്ത് ബോർഡംഗം, അങ്കമാലി കോൺഗ്രസ് കമ്മിറ്റി പ്രസിഡന്റ് എന്നിനിലകളിൽ ഫെഡറൽ ബാങ്കിന്റെ രൂപീകരണത്തിൽ ശ്രദ്ധേയമായ സംഭാവനകൾ നൽകുകയും കോതകുളങ്ങര നിയമസഭാ മണ്ഡലത്തിൽ നിന്നും കോൺഗ്രസ് പ്രതിനിധിയായി ഒന്നും രണ്ടും കേരളാനിയമസഭയിൽ അംഗമായിരുന്ന എം.എ. ആന്റണി (27 ജൂലൈ 1919 - 22 ജൂലൈ 1988),

മലയാള നാടക, ചലച്ചിത്ര അഭിനേതാവും കോമഡി റോളുകളിൽ തിളങ്ങിയ കലാകാരനുമായിരുന്ന കൊച്ചു പടന്നയിൽ തായി സുബ്രമണ്യൻ എന്നറിയപ്പെടുന്ന കെ.ടി.എസ്.പടന്നയിലിൽ (ഏപ്രിൽ 15, 1933 - 22 ജൂലൈ 2021).

ബ്രിട്ടീഷ് ഇന്ത്യയിലെ ആദ്യത്തെ വനിതാ നിയമസഭാ സാമാജികയും സ്ത്രീകളുടെ അവകാശങ്ങൾ നേടിയെടുക്കുവാൻ പ്രയത്നിച്ച ഒരു സാമൂഹ്യ പ്രവർത്തകയുമായിരുന്ന ഡോ. മുത്തുലക്ഷ്മി റെഡ്ഡി(ജൂലൈ 30, 1886 - ജൂലൈ 22, 1968),

നാഷ്ണൽ ഗാലറിയിൽ വച്ചിരിക്കുന്ന അസംഷൻ ഓഫ് ദി വെർജിൻ എന്ന ചിത്രം വരച്ച ഒരു ഇറ്റാലിയൻ നവോത്ഥാന ചിത്രകാരനായിരുന്ന ഫ്രാൻസെസ്ക്കോ ഡി ഗ്യോവന്നി ബോട്ടിക്കിനി (1446 - ജൂലൈ22, 1497) ,

ഇൻ നാച്വേർസ് വണ്ടർലാൻഡ് (1835), ഓൺ ദ് ഹഡ്സൺ (1830-35), എ റിവർ ഗ്ലീപ്സ് (1843-50) തുടങ്ങിയ പ്രകൃതിദൃശ്യങ്ങൾ കലാത്മകമായി ചിത്രീകരിച്ച്,  ചുരുങ്ങിയ കാലത്തിനുള്ളിൽ അമേരിക്കൻ ചിത്രകലയിലെ പ്രസിദ്ധ പ്രകൃതിദൃശ്യ ചിത്രകാരനാകുവാൻ സാധിച്ച  തോമസ് ഡൗറ്റി ( 1793 ജൂലൈ 19-1856 ജൂലൈ 22),

അഡ്രിനാലിൻ എന്ന ഹോർമോൺ വേർതിരിക്കുകയും, ഹോർമോണുകളുടെ രസതന്ത്ര പഠനത്തിനും ഹോർമോൺ ചികിത്സയ്ക്കും വഴിതെളിയിക്കുകയും ചെയ്ത ജാപ്പനീസ് രസതന്ത്രജ്ഞൻ തക്കമീനേ ജോക്കീച്ചീയെ (നവംബർ 3,1854 - ജൂലൈ 22,1922),

കല്ല്, പിച്ചള, ഓട്, കണ്ണാടി, കോൺക്രീറ്റ് തുടങ്ങിയ പല മാധ്യമങ്ങളിലും  ശില്പാവിഷ്കരണം നിർവഹിച്ച ഇംഗ്ലണ്ടിലെ ശില്പിയായിരുന്ന ഫ്രാങ്ക് ഡോബ്സൻ (1888 നവംബർ 18-ജൂലൈ 22, 1963),

ഓട്ടോ ലെവിയുമായി ചേർന്ന് നാഡീ ആവേഗങ്ങളുടെ പ്രേഷണത്തെക്കുറിച്ചു നടത്തിയ പഠനങ്ങൾക്ക് 1936-ൽ  നോബൽ സമ്മാനം ലഭിച്ച ബ്രിട്ടീഷ് ജീവ ശാസ്ത്രജ്ഞനായിരുന്ന ഹെന്റി ഹാലറ്റ് ഡേൽ (1875 ജൂൺ 9- 1968 ജൂലൈ 22)

മികച്ച കൃത്യതയുള്ള ഫാസ്റ്റ് ബൗളറും, ബോഡിലൈൻ വിവാദം മൂലം പ്രശസ്തനാകുകയും ചെയ്ത ഒരു ഇംഗ്ലീഷ് ക്രിക്കറ്റ് കളിക്കാരനായിരുന്ന ഹാരോൾഡ് ലാർവുഡ്(14 നവംബർ 1904–22 ജൂലൈ 1995),

ചരിത്രത്തിൽ ഇന്ന്…
*********
838 - അൻസൻ യുദ്ധം : ബൈസൻ്റൈൻ ചക്രവർത്തി തിയോഫിലോസ് അബ്ബാസിഡുകളോട് കനത്ത പരാജയം ഏറ്റുവാങ്ങി .

1099 - ആദ്യത്തെ കുരിശുയുദ്ധം : ജറുസലേം രാജ്യത്തിൻ്റെ വിശുദ്ധ സെപൽച്ചറിൻ്റെ ആദ്യ സംരക്ഷകനായി ബോയിലണിലെ ഗോഡ്ഫ്രെ തിരഞ്ഞെടുക്കപ്പെട്ടു .

1209 - ബെസിയേഴ്സിലെ കൂട്ടക്കൊല : ആൽബിജെൻസിയൻ കുരിശുയുദ്ധത്തിലെ ആദ്യത്തെ പ്രധാന സൈനിക നടപടി .

1298 - സ്കോട്ടിഷ് സ്വാതന്ത്ര്യ സമരങ്ങൾ : ഫാൽകിർക്ക് യുദ്ധം : ഇംഗ്ലണ്ടിലെ എഡ്വേർഡ് ഒന്നാമൻ രാജാവും അദ്ദേഹത്തിൻ്റെ നീണ്ട വില്ലന്മാരും ഫാൽകിർക്ക് പട്ടണത്തിന് പുറത്ത് വില്യം വാലസിനെയും സ്കോട്ടിഷ് ഷിൽട്രോണിനെയും പരാജയപ്പെടുത്തി .

1342 - സെൻ്റ് മേരി മഗ്ദലീനയുടെ വെള്ളപ്പൊക്കം മധ്യ യൂറോപ്പിൽ രേഖപ്പെടുത്തിയിട്ടുള്ള ഏറ്റവും മോശമായ സംഭവമാണ്. 

1443 - പഴയ സൂറിച്ച് യുദ്ധത്തിൽ സെൻ്റ് ജേക്കബ് ആൻ ഡെർ സിൽ യുദ്ധം .

1598 - വില്യം ഷേക്സ്പിയറുടെ നാടകം, വെനീസിലെ വ്യാപാരി , സ്റ്റേഷനേഴ്സ് രജിസ്റ്ററിൽ പ്രവേശിച്ചു . എലിസബത്ത് രാജ്ഞിയുടെ കൽപ്പന പ്രകാരം, സ്റ്റേഷണേഴ്‌സ് രജിസ്റ്റർ അച്ചടിച്ച കൃതികൾക്ക് ലൈസൻസ് നൽകി, 

1686 - അൽബാനി, ന്യൂയോർക്ക് ഗവർണർ തോമസ് ഡോംഗൻ ഔപചാരികമായി ഒരു മുനിസിപ്പാലിറ്റിയായി ചാർട്ടർ ചെയ്തു 

1793 - അലക്‌സാണ്ടർ മക്കെൻസി പസഫിക് സമുദ്രത്തിലെത്തി, വടക്കേ അമേരിക്കയുടെ ഭൂഖണ്ഡാന്തര ക്രോസിംഗ് പൂർത്തിയാക്കിയ ആദ്യത്തെ മനുഷ്യനായി.

1796 – കണക്റ്റിക്കട്ട് ലാൻഡ് കമ്പനിയുടെ സർവേയർമാർ ഒഹായോയിലെ ഒരു പ്രദേശത്തിന് സർവേയിംഗ് പാർട്ടിയുടെ സൂപ്രണ്ടായ ജനറൽ മോസസ് ക്ലീവ്‌ലാൻഡിൻ്റെ പേര് നൽകി.

1797 - സാന്താക്രൂസ് ഡി ടെനറൈഫ് യുദ്ധം : ഫ്രഞ്ച് വിപ്ലവ യുദ്ധങ്ങളിൽ സ്പാനിഷ്, ബ്രിട്ടീഷ് നാവിക സേനകൾ തമ്മിലുള്ള യുദ്ധം . യുദ്ധസമയത്ത്, റിയർ-അഡ്മിറൽ നെൽസൻ്റെ കൈക്ക് പരിക്കേറ്റു, കൈ ഭാഗികമായി ഛേദിക്കപ്പെടേണ്ടതായി വന്നു.

1802 - നൂറ്റാണ്ടുകളായി ഫ്യൂഡൽ യുദ്ധം അനുഭവിച്ച ഹനോയിയും ഏകീകൃത വിയറ്റ്നാമും ചക്രവർത്തി ജിയ ലോംഗ് കീഴടക്കി .

1833 - ബ്രിട്ടീഷ് ഹൗസ് ഓഫ് കോമൺസിൽ അടിമത്ത നിർമാർജന നിയമം പാസാക്കി , ബ്രിട്ടീഷ് സാമ്രാജ്യത്തിൻ്റെ മിക്ക ഭാഗങ്ങളിലും അടിമത്തം ക്രമേണ നിർത്തലാക്കുന്നതിന് തുടക്കമിട്ടു .

1864 - അമേരിക്കൻ ആഭ്യന്തരയുദ്ധം : അറ്റ്ലാൻ്റ യുദ്ധം : അറ്റ്ലാൻ്റയ്ക്ക് പുറത്ത് , കോൺഫെഡറേറ്റ് ജനറൽ ജോൺ ബെൽ ഹുഡ്, ബാൾഡ് ഹില്ലിൽ ജനറൽ വില്യം ടി. ഷെർമൻ്റെ കീഴിൽ യൂണിയൻ സൈനികർക്കെതിരെ പരാജയപ്പെട്ട ആക്രമണത്തിന് നേതൃത്വം നൽകി .

1893 - കൊളറാഡോയിലെ കൊളറാഡോ സ്പ്രിംഗ്സിനടുത്തുള്ള പൈക്സ് കൊടുമുടിയുടെ മുകളിൽ നിന്നുള്ള കാഴ്ചയെ അഭിനന്ദിച്ച ശേഷം കാതറിൻ ലീ ബേറ്റ്സ് " അമേരിക്ക ദ ബ്യൂട്ടിഫുൾ " എഴുതുന്നു .

1933 - വൈലി പോസ്റ്റ് ലോകത്തിന് ചുറ്റും ഒറ്റക്ക് പറന്ന ആദ്യ വ്യക്തിയായി. 7 ദിവസം, 18 മണിക്കൂർ 45 മിനിറ്റുകൊണ്ട് അദ്ദേഹം 15,596 മൈൽ പറന്നു.

1942 - യുണൈറ്റഡ് സ്റ്റേറ്റ്സ് ഗവൺമെൻ്റ് യുദ്ധകാല ആവശ്യങ്ങൾ കാരണം നിർബന്ധിത സിവിലിയൻ ഗ്യാസോലിൻ റേഷൻ ആരംഭിച്ചു.

1942 - ഗ്രോസാക്ഷൻ വാർസോ : വാർസോ ഗെട്ടോയിൽ നിന്ന് ജൂതന്മാരെ ആസൂത്രിതമായി നാടുകടത്തൽ ആരംഭിച്ചു.

1943 - രണ്ടാം ലോകമഹായുദ്ധം : സിസിലിയിലെ സഖ്യസേനയുടെ ആക്രമണത്തിനിടെ സഖ്യസേന പലേർമോ പിടിച്ചെടുത്തു .

1943 - രണ്ടാം ലോകമഹായുദ്ധം: അച്ചുതണ്ട് അധിനിവേശ സേന ഏഥൻസിൽ വൻ പ്രതിഷേധം അക്രമാസക്തമായി ചിതറിച്ചു , 22 പേർ കൊല്ലപ്പെട്ടു.

1943 - സഖ്യശക്തികൾ ഇറ്റാലിയൻ നഗരമായ പലേർമോ പിടിച്ചടക്കി.

1947 - ഇന്ത്യയുടെ ദേശീയപതാകഭരണ ഘടനാ സമിതിയുടെ പ്രത്യേക സമ്മേളനത്തിൽ വച്ചു അംഗീകരിച്ചു.

1977 - ചൈനയിൽ ഡെൻ സിയാവോ പിങ് അധികാരത്തിൽ തിരിച്ചെത്തി.

1997 - മിഷിഗനിലെ പോർട്ട് ഹുറോണിനും ഒന്റാറിയോയിലെ സാർനിയയ്ക്കും ഇടയിൽ രണ്ടാമത്തെ ബ്ലൂ വാട്ടർ ബ്രിഡ്ജ് തുറന്നു .

1999 - എംഎസ്എൻ മെസഞ്ചറിന്റെ ആദ്യ പതിപ്പ്  മൈക്രോസോഫ്റ്റ് പുറത്തിറക്കി.

2000 - പാകിസ്ഥാൻ കോടതി മുൻ പ്രധാനമന്ത്രിയായിരുന്ന നവാസ് ഷെരീഫിനെ 14 വർഷം കഠിന തടവിന് വിധിച്ചു.

2003 - പ്രത്യേക സേനയുടെ സഹായത്തോടെ യുണൈറ്റഡ് സ്റ്റേറ്റ്സിന്റെ 101-ാമത്തെ എയർബോൺ അംഗങ്ങൾ , ഇറാഖിലെ ഒരു കോമ്പൗണ്ടിൽ ആക്രമണം നടത്തി, സദ്ദാം ഹുസൈന്റെ മക്കളായ ഉദയ് , ഖുസെ , ഖുസെയുടെ 14 വയസ്സുള്ള മകൻ മുസ്തഫ ഹുസൈൻ , അംഗരക്ഷകൻ എന്നിവരെ കൊലപ്പെടുത്തി .

2005 - 2005 ജൂലൈ 7 ലെ ലണ്ടൻ ബോംബ് സ്‌ഫോടനങ്ങൾക്കും 2005 ജൂലൈ 21 ലെ ലണ്ടൻ ബോംബ് സ്‌ഫോടനങ്ങൾക്കും ഉത്തരവാദികളായ ലണ്ടൻ ബോംബർമാരെ വേട്ടയാടാൻ തുടങ്ങിയപ്പോൾ ജീൻ ചാൾസ് ഡി മെനെസ് പോലീസ് കൊലപ്പെടുത്തി .

2009 - ഇരുപത്തി ഒന്നാം നൂറ്റാണ്ടിലെ ദൈർഘ്യമേറിയ സമ്പൂർണ്ണ സൂര്യ ഗ്രഹണം ഏഷ്യൻ രാജ്യങ്ങളിലും   ശാന്ത സമുദ്രത്തിലും ദൃശ്യമായി. 

2011 - നോർവേ ആക്രമണം : സെൻട്രൽ ഓസ്ലോയിലെ സർക്കാർ കെട്ടിടങ്ങളെ ലക്ഷ്യമിട്ട് ആദ്യം ഒരു ബോംബ് സ്ഫോടനം , തുടർന്ന് ഉട്ടോയ ദ്വീപിലെ ഒരു യുവ ക്യാമ്പിൽ കൂട്ടക്കൊല .

2012 - സിറിയൻ ആഭ്യന്തരയുദ്ധം : അൽ-ഹസാക്കയിൽ സർക്കാർ അനുകൂല സേനയുമായുള്ള ഏറ്റുമുട്ടലിനിടെ പീപ്പിൾസ് പ്രൊട്ടക്ഷൻ യൂണിറ്റുകൾ (YPG) സെറെ കനിയേ , ദിർബെസിയെ നഗരങ്ങൾ പിടിച്ചെടുത്തു . 

2013 - Dingxi ഭൂകമ്പങ്ങൾ : ചൈനയിലെ Dingxi യിൽ തുടർച്ചയായ ഭൂചലനങ്ങളിൽ 89 പേർ കൊല്ലപ്പെടുകയും 500-ലധികം പേർക്ക് പരിക്കേൽക്കുകയും ചെയ്തു.

2019 - ചന്ദ്രയാൻ 1 ന് ശേഷം ഇന്ത്യൻ ബഹിരാകാശ ഗവേഷണ ഓർഗനൈസേഷൻ വികസിപ്പിച്ച രണ്ടാമത്തെ ചാന്ദ്ര പര്യവേക്ഷണ ദൗത്യമായ ചന്ദ്രയാൻ 2 , സതീഷ് ധവാൻ ബഹിരാകാശ കേന്ദ്രത്തിൽ നിന്ന് GSLV മാർക്ക് III M1 ൽ വിക്ഷേപിച്ചു . ഇതിൽ ഒരു ചാന്ദ്ര ഓർബിറ്റർ ഉൾപ്പെടുന്നു, കൂടാതെ വിക്രം ലാൻഡറും പ്രഗ്യാൻ ലൂണാർ റോവറും ഉൾപ്പെടുന്നു. 

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya