കെ.ബി ഗണേശ് കുമാര്‍ നട്ടെല്ലുള്ളവനാണ്. രാഷ്ട്രീയത്തില്‍ വന്നത് അച്ഛന്‍റെ തണലിലാണെങ്കിലും മേല്‍വിലാസമുണ്ടാക്കിയത് അച്ഛന്‍ ആര്‍. ബാലകൃഷ്ണപിള്ളയെ എതിര്‍ത്തുകൊണ്ടാണ്. ഇക്കാര്യത്തില്‍ ഗണേശനും കെ. മുരളീധരനുമാണ് കേമന്‍മാര്‍. മുരളിയും വന്നത് അച്ഛന്‍റെ തണലില്‍. രാഷ്ട്രീയക്കാരനെന്ന പേരെടുത്തത് എ.കെ ആന്‍റണി എന്ന മുഖ്യമന്ത്രിക്കൊപ്പം നിന്ന് അച്ഛന്‍ കെ. കരുണാകരനെ എതിര്‍ത്തപ്പോള്‍. കരുണാകരന്‍ തോറ്റത് മുരളിക്കു മുമ്പില്‍ മാത്രമായിരുന്നു. പിന്നെ വിധിക്കു മുമ്പിലും.
രാഷ്ട്രീയത്തില്‍ അച്ഛന്‍മാരുടെ തണലിലിറങ്ങിയ മിക്ക മക്കളും അച്ഛന്‍മാര്‍ ജീവിച്ചിരുന്നപ്പോള്‍ വെറും നിഴല്‍രൂപങ്ങള്‍ മാത്രമായിരുന്നു. അച്ഛന്‍മാര്‍ മരിച്ചശേഷമാണ് ജോസ് കെ. മാണി മുതല്‍ അനൂപ് ജേക്കബ് വരെയുള്ള കേരള കോണ്‍ഗ്രസുകാരും ഷിബു ബേബു ജോണും ശബരീനാഥും ഷൗക്കത്ത് ആര്യാടനുമൊക്കെ കാലുറപ്പിച്ചത്.
എം.എല്‍.എ മാരുടെ യോഗത്തില്‍ ഗണേശന്‍ പൊട്ടിത്തെറിച്ചു എന്ന വാര്‍ത്ത കണ്ടപ്പോഴാണിതെഴുതാന്‍ തോന്നിയത്. അതു മന്ത്രിസ്ഥാനം കിട്ടാതിരുന്നുള്ള കൊതിക്കെറുവിന്‍റെ അക്കൗണ്ടില്‍ പെടുത്തേണ്ട. ഇടതുപക്ഷത്തെ അവഗണനയും സി.പി.ഐയുടെ ഒളിപ്പോരുകളുമൊക്കെ ഉണ്ടെങ്കിലും ഗണേശന്‍ പറഞ്ഞതിനെ ആര്‍ക്കാണെതിര്‍ക്കാനാവുക ? അതുകൊണ്ടായിരിക്കാം സി.പി.ഐക്കാര്‍ കൈയ്യടിച്ചത്.
പിണറായിയുടെ അസാന്നിധ്യത്തിലായിരുന്നു പൊട്ടിത്തെറിക്കല്‍. പിണറായി ഉണ്ടായിരുന്നെങ്കില്‍ ഗണേശന്‍ ചീറ്റിപ്പോയേനേ എന്നു പറയുന്നവരുണ്ടാകാം. പിണറായി ഉണ്ടെങ്കിലും ഇല്ലെങ്കിലും മസിലുപിടിച്ചിരിക്കാനേ സി.പി.എംകാര്‍ക്കു കഴിയൂ. അവരുടെയൊക്കെ മനസുകളില്‍ ഈ വിമര്‍ശനങ്ങളൊക്കെ ഉണ്ടെങ്കിലും വല്ലപ്പോഴും ഗണേശനെപ്പോലെ പൊട്ടിത്തെറിക്കാന്‍ കഴിയുന്നവര്‍ ഉള്ളതാണ് ഇടതുപക്ഷത്തിന്‍റെ ഭാഗ്യം.
എം.എല്‍.എ.മാര്‍ക്ക് പുറത്തിറങ്ങി നടക്കാനാകുന്നില്ല (ആലങ്കാരികം). ഭരണകക്ഷിക്കാര്‍ക്ക് നാലോ അഞ്ചോ പദ്ധതികളെങ്കിലും പ്രഖ്യാപിക്കണം (അപ്പോള്‍ അതാണു കാര്യം) പി.വി ശ്രീനിജനാണ് ഗണേശനെ പിന്തുണച്ച ഏക സി.പി.എം എം.എല്‍.എ. ശ്രീനിജനാണെങ്കില്‍ ഏതു പദ്ധതിയും സ്വന്തം മണ്ഡലത്തില്‍ ഒറ്റയ്ക്കു പരസഹായമില്ലാതെ നടപ്പാക്കാന്‍ ശേഷിയുള്ളത്ര സമ്പന്നനാണ്. കിറ്റെക്സിലെ സാബുവിനെ മൂക്കുകൊണ്ട് ക്ഷ, ങ്ങ, ജ്ജ വരപ്പിച്ചവന്‍. വീരശൂരന്‍ (മദ്രാസില്‍ നിന്ന് അമ്മായി അച്ഛന്‍റെ കരുണാകടാക്ഷങ്ങളാകെ പാണ്ടിലോറിയില്‍ കയറ്റിയാണ് വൈക്കത്തിറക്കിയതെന്ന് ശത്രുക്കള്‍ പറയുന്നുണ്ട്. അതൊന്നും കാര്യമാക്കേണ്ട.)
കിറ്റെക്സ് സാബു ആരാ ? പിണറായി എല്ലാ വര്‍ഷവും തിരുമ്മാന്‍ (സുഖചികിത്സ) പോയി കിടന്നിരുന്നത് സാബുവിന്‍റെ അച്ഛന്‍ ജേക്കബ്ബേട്ടന്‍റെ കിഴക്കമ്പലത്തെ വീട്ടിലാണ്. ഞാന്‍ ഓര്‍ത്തിരിക്കാന്‍ കാരണം ആദ്യമായി പിണറായി എന്നെ ഫോണില്‍ വിളിക്കുന്നത് അവിടെനിന്നാണ്. ഒരു വാര്‍ത്തയായിരുന്നു കാരണം. പിണറായി പിണറായിയിലെ ഗ്രാമത്തില്‍ വലിയ വീടു പണിയുന്നു എന്നതായിരുന്നു വാര്‍ത്ത. അതിനു ചുക്കാന്‍ പിടിക്കുന്നത് റബ്കോയുടെ അന്നത്തെ ചെയര്‍മാന്‍ അന്തരിച്ച നാരായണേട്ടനാണെന്നും വാര്‍ത്തയിലുണ്ടായിരുന്നു.
കോണ്‍ക്രീറ്റ് പണികള്‍ നടന്നുകൊണ്ടിരിക്കുന്നതിന്‍റെ ഫോട്ടോയും ഞാന്‍ അന്നു പ്രവര്‍ത്തിച്ച മംഗളം പത്രത്തില്‍ നല്‍കിയിരുന്നു. പിണറായി ആവശ്യപ്പെട്ടതനുസരിച്ച് നാരായണേട്ടന്‍റെ പേരില്‍ അടുത്ത ദിവസത്തെ പത്രത്തില്‍ വിശദീകരണം നല്‍കുകയും ചെയ്തു. പത്തു ദിവസം ഡല്‍ഹിയില്‍ ഒരു മുറിയില്‍ ഞാനും നാരായണേട്ടനും ഒരുമിച്ചു താമസിച്ച പരിചയംവച്ച് നാരായണേട്ടന്‍ വിളിച്ച ശേഷമാണ് പിണറായി എന്നെ വിളിച്ചതും (വര്‍ഷങ്ങള്‍ക്കു മുമ്പത്തെ സംഭവമാണ്). എല്ലാവരും കരുതിയത് സാബുവിനെ പിണറായി രക്ഷിക്കുമെന്നാണ്. ഒരു അധിക സഹായവും വഴിവിട്ട് പിണറായി നല്‍കിയില്ല എന്നതു സത്യം.
കിഫ്ബി പദ്ധതികള്‍ എം.എല്‍.എമാര്‍ക്ക് വാരിക്കോരി നല്‍കുന്നില്ല. വിദ്യാഭ്യാസമന്ത്രി നല്ലവനാണെങ്കിലും വകുപ്പിലൊന്നും നടക്കുന്നില്ല. മരാമത്ത് വകുപ്പിന്‍റെ റോഡിലൂടെ നടക്കാന്‍ പറ്റുന്നില്ല. പദ്ധതികള്‍ പ്രഖ്യാപിക്കുന്നതല്ലാതെ നടപ്പിലാകുന്നില്ല – ഇങ്ങനെ പോയത്രെ ഗണേശിന്‍റെ വിമര്‍ശനങ്ങള്‍.
ശമ്പളവും പെന്‍ഷനും നല്‍കാന്‍ ആകെ വരുമാനത്തിന്‍റെ 85 ശതമാനവും ചെലവഴിക്കുന്ന കേരളത്തില്‍ വികസനത്തിനുള്ള കുറുക്കുവഴിയായിരുന്നു കിഫ്ബി. അതിന്‍റെ കഴുത്തില്‍ കേന്ദ്രം കയറിപിടിച്ചുകളഞ്ഞു. അവരുടെ കടവും സംസ്ഥാന കടത്തിന്‍റെ പരിധിയില്‍ വന്നതോടെ കുറുക്കുവഴി അടഞ്ഞു. ഇപ്പോഴത്തെ അവസ്ഥയില്‍ കിഫ്ബി തകര്‍ന്നു തരിപ്പണമാകുന്ന മട്ടാണ്. 73908 കൊടിക്കുള്ള പദ്ധതികള്‍ക്ക് ഭരണാനുമതി നല്‍കി. പൂര്‍ത്തിയാക്കിയത് 6201 കോടിയുടെ പദ്ധതികള്‍ മാത്രം. അനുവദിച്ചത് 993 പദ്ധതികള്‍. നടപ്പായത് 120 മാത്രം.
ഒരു കാര്യം വ്യക്തമാണ്. കോവിഡ് പോലെയുള്ള പ്രതിസന്ധി വന്നാല്‍ സര്‍ക്കാര്‍ സ്കോര്‍ ചെയ്യും. കുറഞ്ഞത് നിപ്പായെങ്കിലും വരണം. കൂടാതെ കിറ്റും കിഫ്ബിയുമായിരുന്നു ആശ്രയം. അതുരണ്ടും ഇനി പറഞ്ഞു മേനിനടിക്കാന്‍ പറ്റുമോ എന്നു സംശയം. കിറ്റു കൊടുക്കാന്‍ പണമില്ല. കിഫ്ബിക്കാണെങ്കില്‍ കേന്ദ്രത്തിന്‍റെ ക്ലിപ്പ്.
നയപ്രഖ്യാപന പ്രസംഗത്തില്‍ ഗവര്‍ണര്‍ പത്രസ്വാതന്ത്ര്യത്തെക്കുറിച്ചു പറഞ്ഞതു കേട്ടപ്പോള്‍ ദേഹമാകെ കോരിത്തരിച്ചു. സെക്രട്ടറിയേറ്റില്‍ പത്രക്കാരെ കയറ്റാറില്ല. മന്ത്രിമാരുടെ ഓഫീസില്‍ നിന്നു വിളിച്ചു പറഞ്ഞാലേ കണ്‍ടോണ്‍മെന്‍റ് ഗേറ്റിലെ പോലീസ് അകത്തേക്കു കടത്തൂ. ക്യാമറയുണ്ടോ എന്നൊരു ചോദ്യവുമുണ്ട്. സ്വന്തം വീട്ടില്‍ കയറ്റാത്തവര്‍ക്ക് നാടാകെ സ്വാതന്ത്ര്യമെന്നു പറയുന്നതില്‍ എന്തര്‍ത്ഥമാണ് നയപ്രഖ്യാപനമേ ?
പ്രമുഖ സ്മാർട്ട്ഫോൺ നിർമ്മാതാക്കളായ സാംസംഗിന്റെ ഏറ്റവും പുതിയ മോഡലായ സാംസംഗ് ഗാലക്സി എസ്23യുടെ വില ഉയരാൻ സാധ്യത. റിപ്പോർട്ടുകൾ പ്രകാരം, യുഎസ് ഒഴികെയുള്ള എല്ലാ വിപണിയിലും വില വർദ്ധനവ് ഉണ്ടാകുമെന്ന സൂചനയാണ് സാംസംഗ് നൽകിയിരിക്കുന്നത്. ഇതോടെ, ഇന്ത്യൻ വിപണിയിൽ നിന്നും സാംസംഗ് ഗാലക്സി എസ്23 സ്വന്തമാക്കാൻ വലിയ തുക ചെലവഴിക്കേണ്ടി വരും. സാംസംഗ് ഗാലക്സി എസ്22 വിറ്റ അതേ വിലയ്ക്ക് സാംസംഗ് ഗാലക്സി എസ്23 യുഎസിൽ വിൽക്കുമെന്നാണ് പ്രതീക്ഷ. സാംസംഗ് ഗാലക്സി എസ്22 സ്മാർട്ട്ഫോണുകളുടെ പ്രാരംഭ വില […]
ആരോഗ്യം നിലനിർത്താൻ, നമ്മുടെ ശരീരത്തിലെ എല്ലാ അവശ്യ പോഷകങ്ങളുടെയും അളവ് പൂർണ്ണമായി നിലനിൽക്കേണ്ടത് പ്രധാനമാണ്. കാരണം ഇവയുടെ കുറവ് മൂലം നിരവധി ശാരീരിക പ്രശ്‌നങ്ങൾ നേരിടേണ്ടി വരും. പലപ്പോഴും, പോഷകങ്ങളുടെ അഭാവം മൂലം ആളുകൾക്ക് ഗുരുതരമായ രോഗങ്ങളും നേരിടേണ്ടിവരുന്നു. അടുത്തിടെ നടത്തിയ ഒരു സർവ്വേയിൽ ഭയപ്പെടുത്തുന്ന കണക്കുകളാണ് പുറത്തുവന്നത്. സർവ്വേ പ്രകാരം, ഇന്ത്യയിലെ ജനസംഖ്യയുടെ 76 ശതമാനവും വിറ്റാമിൻ ഡിയുടെ കുറവുള്ളതായി കണ്ടെത്തി. നിങ്ങളും വിറ്റാമിൻ ഡിയുടെ കുറവ് നേരിടുന്നുണ്ടെങ്കിൽ, ഞങ്ങൾ നിങ്ങളോട് പറയുന്നത് വിറ്റാമിൻ ഡി […]
ഇന്ത്യൻ വിപണിയിലെ ജനപ്രിയ ചൈനീസ് സ്മാർട്ട്ഫോൺ നിർമ്മാതാക്കളാണ് ഷവോമി. 2022- ൽ ഷവോമി പുറത്തിറക്കിയ കിടിലൻ സ്മാർട്ട്ഫോണുകളിൽ ഒന്നാണ് റെഡ്മി 10. ഷവോമിയുടെ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് 10,000 രൂപയ്ക്ക് താഴെ വാങ്ങാൻ സാധിക്കുന്ന ഹാൻഡ്സെറ്റെന്ന സവിശേഷതയും റെഡ്മി 10- ന് ഉണ്ട്. ഇവയുടെ പ്രധാന ഫീച്ചറുകൾ എന്തൊക്കെയെന്ന് പരിചയപ്പെടാം. 6.7 ഇഞ്ച് ഫുൾ എച്ച്ഡി പ്ലസ് അമോലെഡ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 60 ഹെർട്സ് റിഫ്രഷ് റേറ്റ് ലഭ്യമാണ്. ക്വാൽകം സ്നാപ്ഡ്രാഗൺ 680 പ്രോസസറിൽ […]
തിരുവനന്തപുരം: വഴിയരികിൽ വാഹനം നിർത്തി ഡോർ തുറക്കുമ്പോൾ ശ്രദ്ധിക്കണമെന്ന് മുന്നറിയിപ്പ് നൽകി കേരളാ പോലീസ്. ഫേസ്ബുക്കിൽ പങ്കുവെച്ച കുറിപ്പിലൂടെയാണ് കേരളാ പോലീസ് ഇതുസംബന്ധിച്ച മുന്നറിയിപ്പ് നൽകിയത്. വഴിയരികിൽ വാഹനം നിർത്തിയിട്ട് ഡോർ തുറക്കുമ്പോൾ പിന്നിലേക്ക് നോക്കാൻ മിക്കപ്പോഴും നമ്മൾ മറന്നു പോകുകയാണ് പതിവ്. എന്നാൽ ഇത് അപകടങ്ങൾ വിളിച്ച് വരുത്തുകയാണ്. പിന്നിൽ നിന്ന് വരുന്ന വാഹനങ്ങൾ ഇത്തരത്തിൽ അപകടത്തിൽപ്പെടാനുള്ള സാധ്യതയേറെയാണെന്ന് പോലീസ് ചൂണ്ടിക്കാട്ടുന്നു. അതിനാൽ വാഹനം പാതയോരത്ത് നിർത്തിയാൽ റോഡിലേക്കുള്ള ഡോർ തുറക്കുന്നതിനു മുമ്പ് ഒരു നിമിഷം […]
ഏറ്റവും പുതിയ ടെക്4.0 ഉത്പന്നമായ udazH-ന്‍റെ X8 ഹൈഡ്രജന്‍ വാട്ടര്‍ ബോട്ടിലുകള് വിപണിയിൽ. ഇലക്‌ട്രോലിസിസ് പ്രക്രിയയിലൂടെയാണ് X8 വാട്ടര്‍ ബോട്ടില് ഹൈഡ്രജൻ നിറഞ്ഞ വെള്ളം ഉത്പാദിപ്പിക്കുന്നത്. ഹൈഡ്രജൻ വെള്ളവുമായി ബന്ധപ്പെട്ടിട്ടില്ല; അത് അതിന്‍റെ ശുദ്ധമായ മോളിക്യുലര് രൂപത്തില്‍ നിലനില്‍ക്കുന്നു. അതുകൊണ്ട് ഇതിന് കുടിവെള്ളത്തിന്‍റെ രുചി അല്ലെങ്കില്‍ ഗന്ധം എന്നിവയില്‍ ഒരു സ്വാധീനവുമില്ല. ഈ വെള്ളം ചര്‍മത്തിന് ജലാംശം നല്‍കുകയും വീക്കം ഇല്ലാതാക്കുകയും ചെയ്യും. രക്തചംക്രമണം, കായികക്ഷമത എന്നിവ മെച്ചപ്പെടുത്താനും ഊര്‍ജ നില പുനസ്ഥാപിക്കാനും ഇത് സഹായിക്കും. കോശങ്ങളുടെ […]
കൊച്ചി: ഇന്ത്യന്‍ സൂപ്പര്‍ ലീഗില്‍ കേരള് ബ്ലാസ്റ്റേഴ്സ് ഇന്നു സ്വന്തം മൈതാനത്ത് ബൂട്ടുകെട്ടും. പോയിന്റ് നിലയില്‍ നാലാമതുള്ള ബ്ലാസ്റ്റേഴ്സ് മൂന്നാമതെത്താമെന്ന പ്രതീക്ഷയിലാണ് ഇറങ്ങുന്നുത്. 15 റൗണ്ട് പോരാട്ടത്തിനായി കേരള ബ്ലാസ്റ്റേഴ്സ് ഇന്നു കളത്തിലിറങ്ങുമ്പോള്‍ നോര്‍ത്ത് ഈസ്റ്റ് യുണൈറ്റഡാണ് എതിരാളികള്‍. കൊച്ചി ജവഹര്‍ലാല്‍ നെഹ്റു സ്റ്റേഡിയത്തില്‍ രാത്രി 7.30നാണ് മത്സരം. പ്രതിരോധ നിരയിലെ പ്രധാന താരങ്ങളുടെ അഭാവമാണ് കേരള ബ്ലാസ്റ്റേഴ്സ് നേരിടുന്ന പ്രധാന പ്രശ്‌നം. റൈറ്റ് ബാക്ക് സന്ദീപ് സിംഗ് പരിക്കേറ്റ് ശസ്ത്രക്രിയയ്ക്കു ശേഷം വിശ്രമത്തിലാണ്. എഫ് സി […]
തിരുവനന്തപുരം: സ്‌കൂള്‍ പരിസരത്തെ കടകളിലും മറ്റും വില്‍പന നടത്തുന്ന മിഠായികള്‍ ഭക്ഷ്യവിഷബാധയ്ക്ക് കാരണമാകുന്നുണ്ടെന്ന് വകുപ്പ് അസിസ്റ്റന്റ് കമ്മീഷണര്‍. ഇതിനാല്‍ വിദ്യാര്‍ത്ഥികള്‍ ജാഗ്രത പാലിക്കണമെന്നുമുള്ള മുന്നറിയിപ്പാണ് ഭക്ഷ്യസുരക്ഷാ വകുപ്പ് അസിസ്റ്റന്റ് കമ്മീഷണര്‍ നല്‍കിയിരിക്കുന്നത്. സ്‌കൂള്‍ പരിസരങ്ങളിലെ കടകളില്‍ ഗുണനിലവാരമില്ലാത്ത മിഠായികള്‍ വില്‍ക്കുന്നുണ്ട് എന്നത് ചൂണ്ടിക്കാട്ടി നിരവധി പരാതികള്‍ ലഭിച്ചിരുന്നു. തുടര്‍ന്ന് ഭക്ഷ്യസുരക്ഷാ വിഭാഗം പരിശോധന കര്‍ശനമാക്കിയിട്ടുണ്ട് എന്നും അദ്ദേഹം അറിയിച്ചു. സ്‌കൂള്‍ പരിസരങ്ങളിലും മറ്റുമുള്ള കടകളില്‍ നിന്ന് മിഠായികള്‍ വാങ്ങുമ്പോള്‍ കൃത്യമായ ലേബല്‍ വിവരങ്ങള്‍ രേഖപ്പെടുത്തിയവ മാത്രം വാങ്ങാന്‍ […]
16 മത്തെ വയസ്സിൽ ഹാരിസ് ഷീൽഡ് ട്രോഫിയിൽ സഹപാഠി സച്ചിനൊപ്പം വിനോദ് ക്ലാംബ്ലി സൃഷ്ടിച്ചത്‌ 664 റൺസിന്റെ പാര്‍ട്ട്ണര്‍ഷിപ്പ്‌. ആ മാച്ചിൽ 326 റൺസ് സച്ചിനും കാംബ്ലി നോട്ട് ഔട്ട് ആയി 349 റൺസുമാണ് എടുത്തത്. രഞ്ജിട്രോഫിയിലെ ആദ്യമത്സരത്തിലെ ആദ്യപന്തിൽ സിക്സ്, ടെസ്റ്റ് മാച്ചിൽ വേഗതയാർന്ന 1000 റൺസ് നേടിയ റിക്കോർഡ്, ആദ്യ 7 ടെസ്റ്റ് മത്സരങ്ങളിൽ രണ്ട് ഇരട്ട സെഞ്ചറിയടക്കം 4 സെഞ്ച്വറികൾ, ടെസ്റ്റിൽ 54 ഉം ഫസ്റ്റ് ക്ലാസ്സ് ക്രിക്കറ്റിൽ 60+ ഉം ശരാശരി […]
അഫ്ഗാനിസ്ഥാൻ തണുത്തുറഞ്ഞു. 157 പേർ മരിച്ചു. 77000 ത്തിലധികം വളർത്തുമൃഗങ്ങൾ തണുപ്പിൽ കൊല്ലപ്പെട്ടു. മൈനസ് 28 ഡിഗ്രിയാണ് ഇപ്പോൾ താപനില. അടിയന്തര സഹായം ലഭിച്ചില്ലെങ്കിൽ ആകെ ജനസംഖ്യയുടെ മൂന്നിൽ രണ്ടു ഭാഗം അപകടനിലയിലാണ്. ഐക്യരഷ്ട്രസഭയുടെ മനുഷ്യാവകാശ സംഘടന (UNOCHA) യുടെ മുന്നറിയിപ്പ് പ്രകാരം പലതരത്തിലുള്ള സഹായം അടിയന്തരമയി അവിടേക്ക് എത്തേണ്ടതുണ്ട്. ആഹാരസാധനങ്ങൾ , കമ്പിളി, ടെന്റുകൾ, മരുന്നുകൾ, തുണി, കമ്പിളി വസ്ത്രങ്ങൾ, മെഡിക്കൽ ഉപകരണങ്ങൾ എന്നിവ വളരെ അത്യാവശ്യമാണ്.കഴിഞ്ഞ 15 വർഷത്തെ റിക്കാര്‍ഡാണ്‌ ഇത്തവണത്തെ തണുപ്പ് ഭേദിച്ചിരിക്കുന്നത്. […]
കാലിഫോര്‍ണിയ: അമേരിക്കയിലെ കാലിഫോര്‍ണിയയില്‍ വെടിവയ്പ്പില്‍ മൂന്ന് പേര്‍ കൊല്ലപ്പെട്ടു. നാലു പേര്‍ക്ക് പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. ബെവെര്‍ലി ഹില്‍സ് പ്രദേശത്താണ് സംഭവം നടന്നത്. ഈ മാസം കാലിഫോർണിയയിൽ നടക്കുന്ന നാലാമത്തെ വെടിവയ്പ്പാണിത്.
തിരുവനന്തപുരം: കൃഷിമന്ത്രി പി. പ്രസാദിൻെറയും ഉദ്യോഗസ്ഥരുടെയും കർഷകരും ഒന്നിച്ചുളള ഇസ്രയേൽ യാത്ര നീട്ടിവെച്ചു. മുഖ്യമന്ത്രിയുടെ നിർദ്ദേശത്തെ തുടർന്നാണ് ഫെബ്രുവരി 12 മുതൽ 19 വരെ നടത്താനിരുന്ന യാത്ര നീട്ടിയത്. പാലസ്തീൻെറ വെടിവെയ്പിൽ ഏഴ് ഇസ്രയേൽ പൗരന്മാർ കൊല്ലപ്പെട്ടതിന് പിന്നാലെ ടെൽ അവീവിൽ സൈനിക വിന്യാസം ശക്തമാക്കിയിരിക്കുന്ന പശ്ചാത്തലത്തിൽ അവിടേക്ക് ഇപ്പോൾ പോകുന്നത് സുരക്ഷിതമല്ലെന്നാണ് മുഖ്യമന്ത്രിയുടെ നിർദ്ദേശം. ഇത് കണക്കിലെടുത്താണ് യാത്ര തൽക്കാലത്തേക്ക് മാറ്റിവെച്ചത്. സംഘർഷം അയയുന്നത് വിലയിരുത്തി തീരുമാനമെടുക്കാനാണ് കൃഷി വകുപ്പ് മന്ത്രിയുടെ തീരുമാനം. എന്തായാലും യാത്ര […]
കൊച്ചി: തന്നെയും താര സംഘടനയായ അമ്മയെയും അപമാനിക്കുന്നുവെന്ന് ഇടവേള ബാബു. മുകുന്ദൻ ഉണ്ണി അസോസിയേറ്റ് സിനിമയുമായി ബന്ധപ്പെട്ട താൻ നടത്തിയ പരാമർശത്തിന്റെ ഒരു ഭാഗം ഉപയോഗിച്ചാണ് അപമാനിക്കുന്നതെന്നും അദ്ദേഹം പറഞ്ഞു. ഇൻസ്റ്റാഗ്രാം യൂട്യൂബ് അടക്കമുള്ള മാധ്യമങ്ങളിലൂടെയാണ് അസഭ്യം ഉൾക്കൊള്ളുന്ന വീഡിയോകൾ പ്രചരിക്കുന്നതെന്നും അദ്ദേഹം ആരോപിച്ചു. സംഭവത്തിൽ അന്വേഷണം ആവശ്യപ്പെട്ട് കൊച്ചി സൈബർ സെല്ലിന് ഇടവേള ബാബു പരാതി നൽകിയിട്ടുണ്ട്.
കൊല്‍ക്കത്ത: ഇന്ത്യന്‍ സൂപ്പര്‍ ലീഗില്‍ ഇന്ന് നടന്ന രണ്ടാം മത്സരത്തില്‍ എടികെ മോഹന്‍ ബഗാന്‍ ഒഡീഷ എഫ്‌സിയെ തോല്‍പിച്ചു. എതിരില്ലാത്ത രണ്ട് ഗോളുകള്‍ക്കായിരുന്നു എടികെയുടെ ജയം. ഇരട്ട ഗോളുകള്‍ നേടിയ ദിമിത്രി പെട്രറ്റോസാണ് എടികെയുടെ വിജയശില്‍പി. മൂന്ന്, 80 മിനിറ്റുകളിലാണ് താരം ഗോളുകള്‍ നേടിയത്. എടികെയുടെ മലയാളി താരം ആഷിഖ് കുരുണിയന്‍ മത്സരത്തിന്റെ അവസാന നിമിഷം ചുവപ്പു കാര്‍ഡ് കണ്ട് പുറത്തായി. അതേസമയം, ഈ വിജയത്തോടെ പ്ലേ ഓഫ് പ്രതീക്ഷകള്‍ സജീവമാക്കിയ എടികെ മോഹന്‍ ബഗാന്‍ പോയിന്റ് […]
കാസർകോട് : സി.പി.എം നേതാക്കൾ കൂറുമാറിയതിന് പിന്നാലെ മുൻമന്ത്രിയും സി.പി.ഐ സംസ്ഥാന അസിസ്റ്റന്റ് സെക്രട്ടറിയുമായ ഇ. ചന്ദ്രശേഖരൻ എം.എൽ.എയെ ആക്രമിച്ച കേസിലെ പ്രതികളായ ബി.ജെ.പി- ആർ.എസ്.എസ് പ്രവർത്തകരെ കോടതി വെറുതെ വിട്ടു. കേസിലെ പ്രധാന സാക്ഷികളായിരുന്ന സി.പി.എം പ്രദേശിക നേതാക്കൾ അവിശ്വസനീയമാം വണ്ണം അജ്‍ഞത നടിച്ചതോടെയാണ് തെളിവില്ലെന്ന് ചൂണ്ടിക്കാട്ടി കാസർകോട് അഡീഷണൽ സെഷൻസ് കോടതി – II മുഴുവൻ പ്രതികളെയും വെറുതെ വിട്ടത്. ഇക്കഴിഞ്ഞ ബുധനാഴ്ചയായിരുന്നു കോടതി വിധി പ്രസ്താവിച്ചത്. അക്രമം നടന്ന സമയത്ത് പൊലീസിന് നൽകിയ […]
തിരുവനന്തപുരം: സംസ്ഥാനം സാമ്പത്തികമായി തകർന്ന സാഹചര്യത്തിൽ ധവളപത്രമിറക്കാൻ സംസ്ഥാന സർക്കാർ തയ്യാറാകണമെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. ജനജീവിതം ദുസഹമാവുമ്പോഴും സർക്കാർ ധൂർത്ത് തുടരുകയാണ്. ശ്രീലങ്കയുടേയും പാക്കിസ്ഥാന്റെയും പാതയിലാണ് പിണറായി സർക്കാർ കേരളത്തെയും കൊണ്ടുപോകുന്നതെന്ന് സുരേന്ദ്രന്‍ ആരോപിച്ചു. ചിന്താ ജെറോമിന് കുടിശ്ശികയായി ലക്ഷങ്ങൾ കൊടുക്കുന്ന സർക്കാർ അടുത്ത മാസം ഒന്നാം തിയ്യതി വൈദ്യുതി നിരക്ക് കൂട്ടി ജനങ്ങളുടെ നടുവൊടിക്കാനാണ് ശ്രമിക്കുന്നത്. സ്വജനപക്ഷപാതവും അഴിമതിയുമാണ് ഈ സർക്കാരിന്റെ കൈമുതൽ. കേരളത്തെ പിണറായി സർക്കാർ സമ്പൂർണമായ തകർച്ചയിലേക്ക് നയിക്കുകയാണ്. ലോട്ടറിയും […]
ബെംഗളൂരു: ഇന്ത്യന്‍ സൂപ്പര്‍ ലീഗില്‍ ഇന്ന് നടന്ന ആദ്യ മത്സരത്തില്‍ ബെംഗളൂരു എഫ്‌സി ചെന്നൈയിന്‍ എഫ്‌സിയെ തോല്‍പിച്ചു. 3-1നായിരുന്നു ബെംഗളൂരുവിന്റെ ജയം. ബെംഗളൂരുവിനായി ശിവശക്തി നാരായണന്‍ ഇരട്ടഗോളുകള്‍ നേടി. 15, 23 മിനിറ്റുകളിലാണ് താരം ഗോളുകള്‍ അടിച്ചത്. 30-ാം മിനിറ്റില്‍ രോഹിത് കുമാറും ബെംഗളൂരുവിനായി വല കുലുക്കി. 59-ാം മിനിറ്റില്‍ എഡ്വിന്‍ സിഡ്‌നി വന്‍സ്‌പോളിലൂടെ ചെന്നൈയിന്‍ ആശ്വാസഗോള്‍ കണ്ടെത്തി. ഈ വിജയത്തോടെ പ്ലേ ഓഫ് പ്രതീക്ഷകള്‍ സജീവമാക്കിയ ബെംഗളൂരു ആറാം സ്ഥാനത്തെത്തി. ചെന്നൈയിന്‍ എട്ടാമതാണ്.