നിതിനയുടെ കൊലപാതകത്തില്‍ അഭിഷേകിനെ കോളേജിലെത്തിച്ച് തെളിവെടുത്തു; പരീക്ഷ എഴുതി നേരത്തെ പുറത്തിറങ്ങിയ ശേഷം സിമന്റ് ബഞ്ചില്‍ നിതിനയെ കാത്തിരുന്ന രീതി അഭിനയിച്ച് കാണിച്ച് പ്രതി, നിതിനയായി അഭിനയിച്ച് പൊലീസുദ്യോഗസ്ഥന്‍; മൊബൈൽ ഫോണിൽ സംസാരിച്ച് എത്തിയ നിതിനയോട് സംസാരിച്ച ശേഷം കഴുത്തിനു പിടിച്ചു കൊലപ്പെടുത്തിയ രീതിയും അഭിഷേക് കാണിച്ചു കൊടുത്തു

പാലാ:  നിതിനയുടെ കൊലപാതകത്തില്‍ പ്രതിയായ സഹപാഠിയെ ഉച്ചയ്ക്ക്‌ രണ്ടരയോടെ സംഭവ സ്ഥലത്തെത്തിച്ച് തെളിവെടുത്തു.പാലാ ഡിവൈഎസ്പി ഓഫീസിൽ നിന്നാണ് പ്രതിയെ തെളിവെടുപ്പിനായി കോളേജ് ക്യാമ്പസിൽ എത്തിച്ചത്. മാധ്യമങ്ങളുടെ വലിയ നിരയും തെളിവെടുപ്പ് ചിത്രികരിക്കാനായി സ്ഥലത്തെത്തിയിരുന്നു.

കൊലപാതകം നടത്തിയ രീതി പ്രതിയെ കൊണ്ട് പോലീസ് പുനരാവിഷ്കരിച്ചു. എസ് കെ പി തോംസൺ നിതിനയുടെ ഭാഗം അഭിനയിച്ചു. പരീക്ഷയിൽ നിന്നും നേരത്തെ പുറത്തിറങ്ങിയ അഭിഷേക് സിമൻറ് ബെഞ്ചിൽ നിതിനയെ കാത്തിരുന്ന രീതി കാണിച്ചു കൊടുത്തു.

മൊബൈൽ ഫോണിൽ സംസാരിച്ച എത്തിയ നിതിനയോട് അഭിഷേക് സംസാരിക്കുന്നതും കഴുത്തിനു പിടിച്ചു നിതിനയെ കൊലപ്പെടുത്തിയ രീതിയും അഭിഷേക് എസ് എച്ച് യോട് വിശദീകരിച്ചു.

കൊലപാതകത്തിന് ശേഷം സമീപത്തെ ബെഞ്ചിൽ പോയി അഭിഷേക് ഇരുന്നതും അഭിനയിച്ചു കാണിച്ചു. വേഗത്തിൽ തെളിവെടുപ്പ് പൂർത്തിയാക്കി പോലീസ് പ്രതിയെ തിരികെ കൊണ്ടുപോയി.