11 മത് നൂറ്റാണ്ടിലെ ഓക്ക് മരം 21 -ാം നൂറ്റാണ്ടിലെ ട്രീ ഓഫ് ദ ഇയർ ആയി തെരഞ്ഞെടുക്കപ്പെട്ടു

ഈ അംഗീകാരം ചരിത്രത്തിലേക്കാണുന്ന ഇംഗ്ലണ്ടിലെ ലിവർപൂളിലുള്ള വളരെ ഐതിഹാസികമായ ഓക്ക് മരമാണ് നേടിയിരിക്കുന്നത്.1066 ൽ നോർമസ് ഇംഗ്ലണ്ട് പിടിച്ചെടുത്തപ്പോഴും ഈ മരം നിലവിലുണ്ടായിരുന്നു.

2014 ലാണ് പുരാതന മരങ്ങൾക്ക് ഈ പുരസ്ക്കാരം നൽകിത്തുടങ്ങിയത്. ബ്രിട്ടനിലെയും ഐർലൻഡ് ലെയും പല മരങ്ങൾക്കും ഇതുലഭിച്ചിട്ടുണ്ട്. ചരിത്രപരമായ പ്രാധാന്യവും പഴക്കവുമുള്ള മരങ്ങൾക്കാണ് ട്രീ ഓഫ് ദ ഇയർ പുരസ്ക്കാരം നൽകുക.

ആകെമൊത്തമുള്ള വോട്ടുകളിൽ 34% വോട്ടുകൾ കരസ്ഥമാക്കിയാണ് ഓക്ക് മരം സമ്മാനാർഹമായത്. മത്സരത്തിൽ മറ്റു രണ്ടു മരങ്ങൾകൂടിയുണ്ടായിരുന്നു.എസെക്സിലെ ഒരു കൊട്ടാരത്തിൽ വളർന്നുനിൽക്കുന്ന ഗുലർ ഇനത്തിൽപ്പെട്ട മരവും വൈറ്റ് ദ്വീപിലുള്ള ഡ്രാഗൺ ട്രീയുമായിരുന്നു അവ.

അടുത്തവർഷം നടക്കാൻ പോകുന്ന യൂറോപ്യൻ ട്രീ ഓഫ് ദ ഇയർ മത്സരത്തിൽ ഈ മരവും ഒരു മത്സരാർ ത്ഥിയായുണ്ടാകും. ലിവർപൂളിലെ ഓക്ക് മരത്തിനു തനതായ ഒരു ഇതിഹാസം കൂടിയുണ്ട്. രണ്ടാം ലോകമഹായുദ്ധത്തിൽ പങ്കെടുക്കാൻ പോയ പട്ടാളക്കാർ അവരുടെ കൈവശം ഈ ഓക്ക് മരത്തിന്‍റെ ഇലകളും കായകളും കരുതിയിരുന്നത്രെ.ഇതുമൂലം യുദ്ധരംഗത്ത് അവർക്ക് ആപത്തൊന്നുമുണ്ടാകില്ലെന്നായിരുന്നു വിശ്വാസം.