30
Friday September 2022

എന്റെ ഓർമ്മയിലെ തിരുവോണം…

ജയശങ്കര്‍ പിള്ള
Tuesday, September 1, 2020

നമുക്കെല്ലാവർക്കും കുട്ടിക്കാലത്തു വൈവിധ്യങ്ങൾ നിറഞ്ഞ ഓണം അനുഭവങ്ങൾ ആണ്. നമ്മുടെ ആഘോഷ രീതികൾക്ക് ദേശങ്ങൾക്കും, അതിജീവിച്ചിരുന്ന കാലങ്ങൾക്കും അനുസരിച്ചു വ്യത്യാസം ഉണ്ടായിരുന്നു. എന്റെ കുട്ടിക്കാലത്തെ ഓണം ഇങ്ങനെ, ഇതുപോലെ ആയിരുന്നു.

ഉത്രാടത്തിനു ഒരുക്കിയ പൂക്കളത്തിൽ ഓണത്തപ്പനെ വച്ചും, എതിരേറ്റും, പൂമാറ്റം നടത്തിയും ആണ് തിരുവോണ ദിനം ആരംഭിയ്ക്കുന്നത്. അതും വെളുപ്പിന് അഞ്ചു മണി, അഞ്ചര ആകുമ്പോൾ.

തലേ ദിവസം രാത്രിയിൽ കുരുത്തോലയും, തുമ്പക്കുടവും, ചെറുതായി (ഏകദേശം രണ്ടിഞ്ചു നീളത്തിൽ) അരിഞ്ഞു ഈറ്റകൊണ്ടു നെയ്ത പുതിയ കുട്ടയിൽ ചെത്തിപ്പൂവും കലർത്തി അമ്മയും അമ്മൂമ്മയും കൂടി തയ്യാറാക്കി വയ്ക്കും.

അച്ഛൻ ആ സമയത്തു കായ വറുക്കൽ, ശർക്കര പുരട്ടി എന്നിവ ഉണ്ടാക്കുന്ന തിരക്കിൽ ആയിരിയ്ക്കും. ശർക്കര പുരട്ടിയില്‍ ചേർക്കുന്ന ചുക്കും, ജീരകവും ഏലക്കായും ചേർത്ത ഒരു മിക്സ് ഉണ്ട്. അസാമാന്യ സൗരഭ്യം ആണതിന്.

കായ വറുക്കുന്നതിനു വേണ്ടി തയ്യാറാക്കുന്ന സമയത്തു അമ്മയുടെ അമ്മാവൻ, ചിറ്റ, ചിറ്റപ്പൻ എന്നിവർ ഉണ്ടാകാറുണ്ട്. കൂടെ തൊടിയിൽ കളിയ്ക്കുവാൻ ചിറ്റയുടെ മക്കൾ, എന്റെ സമപ്രായപ്രകാരനും, ഇളയ മൂന്നു പേരും.

മൂലം നാൾ മുതൽ വീട്ടു മുറ്റത്തെ വലിയ അത്തപൂക്കളത്തിനു പുറമെ ചെറിയ ഒരു പൂക്കളം കൂടി പടിപ്പുരയുടെ (ഗേറ്റ്) അടുത്ത് ഇടുന്ന ആപതിവുണ്ട്. തിരുവോണനാളിൽ വെളുപ്പിന് എഴുന്നേറ്റു കോണത്ത് പുഴയിലെ കടവിൽ കുളിച്ചു ഈറനായി മരത്തിൽ തീർത്ത ആവണി പലകയിൽ തൂശൻ ഇലയിൽ, ഓണത്തപ്പനെ വയ്ക്കും.

എല്ലായ്‌പോഴും ഒറ്റ അക്കം ആണ് വയ്ക്കുക. വലിയ പൂക്കളത്തിൽ അഞ്ചു ആണെങ്കിൽ ചെറുപൂക്കളത്തിൽ മൂന്ന്. വലുതിൽ മൂന്നു ആയാൽ ചെറുതിലെ ഒന്ന്. നിലവിളക്കും ചന്ദനത്തിരിയും കത്തിനിൽക്കുന്ന പ്രഭയിൽ, തൂശൻ ഇലയിൽ ഒരു മൂന്നു കണ്ണുകൾ തെളിഞ്ഞ ഒറ്റ തേങ്ങ, ഇടങ്ങഴിയിൽ പുന്നെല്ല്, അവിൽ, മലർ, ശർക്കര, കൽക്കണ്ടം, കദളിപ്പഴം എന്നിവ വിളക്കത്തു വച്ച്, പച്ച അരിമാവ് വെള്ളത്തിൽ കലക്കി ഓണത്തപ്പനെ അണിയിയ്ക്കും.

ചന്ദനവും, കളഭവും, മഞ്ഞളും ചാർത്തും. പിന്നീട് അമ്മയോ അമ്മൂമ്മയോ അതി വെളുപ്പിനെ ഉണർന്നു തയ്യാറാക്കിയ‌ അട (പച്ചരിമാവ്‌ കുഴച്ചു, തേങ്ങയും,ശർക്കരയും അകത്തു വച്ച് വാഴയിലയിൽ തയ്യാറാക്കിയയത്) ഓണത്തപ്പന് നേദിയ്ക്കും.

ആദ്യം എല്ലാ ഓണത്തപ്പനെയും വലിയ പൂക്കളത്തിൽ വച്ച് ആവാഹിച്ചതിനു ശേഷം, നേരത്തെ തയ്യാറാക്കി വച്ച കുരുത്തോലയും, തുമ്പക്കുടവും, ചെത്തിപൂവും ചാർത്തി, കർപ്പൂരം ഉഴിയും.

പിന്നീട് ഒന്നോ, മൂന്നോ എന്ന് ഇഷ്ടാനുസരണം, മറ്റൊരു കൊരണ്ടിയിൽ എടുത്തു ചെറിയ പൂക്കളത്തിൽ വയ്ക്കും. ഓണത്തപ്പനെ ചെറിയ പൂക്കളത്തിലേയ്ക്ക് മറ്റും. ഇങ്ങനെ മാറ്റുമ്പോൾ കിണ്ടിയിൽ വെള്ളം തളിച്ച്, ചെറിയ നിലവിളക്കും ആയി വഴി തെളിയിക്കുവാൻ ഒരാൾ മുൻപിൽ, മറ്റൊരാൾ കുരുത്തോല മിക്സ് ഒരാൾക്ക് നടക്കുവാൻ പാകത്തിനുള്ള വഴിപോലെ നേരത്തെ ഈർക്കിൽ ചൂലിന് അടിച്ചു വാരി ചാണകം തളിച്ച മുറ്റത്തു വിതറി വഴി ഒരുക്കും.

രണ്ടാമത്തെ കൊരണ്ടിയിലെ ഓണത്തപ്പനെയും ചെറിയ പൂക്കളത്തിൽ വച്ച് നിലവിളക്കും വച്ച് വരുമ്പോൾ വീട്ടിൽ അപ്പോൾ ഉള്ള മുതിർന്ന കാരണവർ ഓണക്കോടിയും, നാണയവും നൽകും.

ഇതെല്ലാം കഴിയുമ്പോൾ സമയം ആറു മണിയായി കാണും. പിന്നീട് കുടുംബ ക്ഷേത്രം ആയ കൂട്ടക്കാവിലേയ്ക്ക്. വിളക്കത്തു വച്ച തേങ്ങ, മൂന്നിലകൾ ഉള്ള കൂവളത്തിന്റെ ഇലകൾ പരമ ശിവന്റെ കോവിലിനു മുന്നിൽ അർപ്പിയ്ക്കും.

തൊടിയിൽ നിന്നും പറിച്ച ബാക്കി പുഷ്പങ്ങൾ ഒരു ചെറിയ തൂശനിൽ, ഒരു ഓട്ടു ഗ്ലാസിൽ കൊണ്ടുവന്ന എണ്ണ ഭഗവതിയ്ക്കു, കുറച്ചു അവിൽ മലർ, ശർക്കര, പഴം, കൽക്കണ്ടം, ശ്രീകൃഷ്ണന്.

ക്ഷേത്രത്തിനു തൊട്ടു അതിർത്തിയിൽ ഉള്ള അമ്മയുടെ തറവാട്ടിൽ പോയി ചായയും, ഇഡ്ഡ്ലി, ദോശ എന്തെങ്കിലും കഴിയ്ക്കും. അമ്മ, അവിടെ എല്ലാവർക്കും ഓണക്കോടി നൽകും. തിരികെ വീട്ടിലേയ്ക്ക്…

എട്ടു മണി ആകുമ്പോഴേ ചീരന്തൻ, കുറുമ്പ, അവരുടെ മക്കൾ എല്ലാവരും ചേർന്ന്, വാഴക്കുല, നെല്കതിർക്കുല, ചില പച്ചക്കറികള്‍ ഒക്കെ ആയി വരും. എല്ലാവരും ചേർന്ന് ഓണ സദ്യ.

അച്ഛൻ അവർക്കെല്ലാവർക്കും ഓണക്കോടി, ചെറിയ തുകകൾ നൽകും. പിന്നെ വീട്ടിൽ അതിഥികൾ ആയി എത്തിയ പ്രായമുള്ള കാരണവന്മാർക്കു ഓണക്കോടി, അവർ ചേർന്നു മൂവാണ്ടൻ മാവിന് ചുവട്ടിൽ ചീട്ടുകളി. മോന്തയിൽ വെള്ളവും, ഗ്ലാസും ആയി ചീരന്തൻ തല ചൊറിഞ്ഞു പിന്നിൽ നിൽക്കുന്നുണ്ടാകും.

ഓണ സദ്യ കഴിഞ്ഞു ചീരന്തനും, കാലുകൾ ഇടറുന്ന കണ്ടിട്ടുണ്ട്. വീട്ടിലെ പ്രധാന പണിക്കാർ ആണ് ചീരന്തനും, കുറുമ്പയും (കുടികിടപ്പുകാർ). മക്കൾ ആറോ ഏഴോ, തറവാട്ടിലെ രണ്ടു കാളകളെയും പൂട്ടുന്നതും മേയ്ക്കുന്നതും, പശുക്കളെ കറക്കുന്നതും കുഞ്ഞു കുഞ്ഞു. അയാളുടെ അനിയൻ, കുട്ടി.

ഇവരെല്ലാം എത്രയോ കാതം ഉത്സവ പറമ്പുകളിൽ എന്നെ തോളിൽ ഏറ്റി നടന്നിരിയ്ക്കുന്നു. നാല്, നാലര പതിറ്റാണ്ടുകൾ കഴിഞ്ഞു. മഞ്ഞുരുകുന്ന ഈ മണ്ണിൽ ഈ തിരുവോണ നാളിൽ ഇവരുടെ ഓർമ്മകൾ, സ്നേഹം, കരുതൽ, തലോടൽ, അവർ തെളിച്ച വഴികൾ, പറഞ്ഞു തന്ന വാക്കുകൾ, കാണിച്ചു തന്ന വർണ്ണങ്ങൾ, പാടിയ പാട്ടുകൾ, നാവിൽ കുറിച്ച ഹരിശ്രീ എന്നിവയാണ് എന്റെ മനസ്സിന്റെ തിരുമുറ്റത്ത് തിരുവോണ പൂക്കളം തീർക്കുന്നത്…

എന്റെ ഓർമ്മയിലെ സുന്ദരമായ,തിരുവോണ നാളുകൾ…

 

Related Posts

More News

ശിവകാർത്തികേയനെ നായകനാക്കി അനുദീപ് കെ.വി സംവിധാനം ചെയ്യുന്ന റൊമാന്റിക് കോമഡി ചിത്രം പ്രിൻസ് ദീപാവലിക്ക് റിലീസ് ചെയ്യും. ഒക്‌ടോബർ 21ന് റിലീസ് ചെയ്യുന്ന ചിത്രത്തിൽ തമിഴ് ടൂറിസ്റ്റ് ഗൈഡിന്റെ വേഷമാണ് ശിവകാർത്തികേയന്. തമിഴിലും തെലുങ്കിലുമാണ് ചിത്രീകരിച്ചത്. യുക്രെയ്‌ൻ താരം മറിയ ഗ്യാബോഷ്‌കയാണ് നായിക. സത്യരാജ്, പ്രേംജി അമരൻ എന്നിവരാണ് ചിത്രത്തിലെ മറ്റു താരങ്ങൾ. ശ്രീവെങ്കിടേശ്വരൻ സിനിമാസാണ് നിർമ്മാണം. ജി.കെ.വിഷ്ണു ഛായാഗ്രഹണവും എസ്. തമൻ സംഗീത സംവിധാനവും നിർവഹിക്കുന്നു. അതേസമയം, ഏറ്റവും അവസാനം റിലീസ് ചെയ്ത ശിവകാർത്തികേയൻ ചിത്രങ്ങളായ […]

ജീവിതത്തിന്റെ മൂന്നിലൊന്നു ഭാഗവും നാം ഉറങ്ങുകയാണ്. ഉറക്കത്തിന്റെ നാലിൽ ഒരു ഭാഗം സ്വപ്നങ്ങൾക്കായി ചെലവഴിക്കുന്നു. അതായത് 2022ൽ ജീവിക്കുന്ന ഒരു മനുഷ്യന്റെ ശരാശരി ആയുർദൈർഘ്യമായ 73 വർഷത്തിൽ 6 വർഷം മാത്രമാണ് നമ്മൾ സ്വപ്നം കാണാൻ ഉപയോഗിക്കുന്നത്. എന്നാൽ ഒരു മനുഷ്യന്റെ ജീവിതത്തിൽ സുപ്രധാന പങ്കു നിർവഹിക്കുന്ന സ്വപ്നങ്ങളെക്കുറിച്ചും അവ എങ്ങനെ തലച്ചോറിൽ രൂപപ്പെടുന്നെന്നും തലച്ചോറിന്റെ ആരോഗ്യവുമായി ബന്ധപ്പെട്ട് സ്വപ്നങ്ങൾക്കുള്ള പങ്കിനെക്കുറിച്ചും വളരെ പരിമിതമായ അറിവ് മാത്രമേ നമുക്കുള്ളൂ. തലച്ചോറിന്റെ ആരോഗ്യസ്ഥിതി മനസിലാക്കാൻ സ്വപ്നങ്ങളിലൂടെ കഴിയുമെന്ന് പഠനങ്ങൾ […]

കൊച്ചി: മട്ടാഞ്ചേരിയിൽ ലക്ഷങ്ങൾ വിലവരുന്ന അരക്കിലോയോളം എംഡിഎംഎയുമായി യുവാവ് പിടിയിൽ. കൂവപ്പാടം സ്വദേശി ശ്രീനിഷ് പിടിയിലായത്. ഇയാളുടെ കൈയ്യിൽ നിന്ന് 20,000 രൂപയും പിടിച്ചെടുത്തു. മയക്കുമരുന്ന് വില്പന സംഘത്തിലെ പ്രധാനിയാണ് ശ്രീനിഷെന്ന് കൊച്ചി സിറ്റി പൊലീസ് പറയുന്നു. എറണാകുളത്ത് വ്യാപകമായി എംഡിഎംഎ ഉപയോഗിക്കുന്നുണ്ടെന്നാണ് കഴിഞ്ഞ ദിവസങ്ങളിലെല്ലാം നടന്ന അറസ്റ്റുകളിൽ വ്യക്തമാവുന്നത്. കഴിഞ്ഞ ദിവസം ആലുവ സ്വകാര്യ ബസ് സ്റ്റാൻഡിൽ നിർത്തിയിട്ട ബസുകളിൽ നിന്ന് മയക്കുമരുന്ന് പിടികൂടിയിരുന്നു. ബസ് കണ്ടക്ടർമാരായ പുളിഞ്ചോട് സ്വദേശി നിയാസ് , ഏലൂർ സ്വദേശി […]

ഡല്‍ഹി: സംസ്ഥാന മലിനീകരണ നിയന്ത്രണ ബോർഡ് ചെയർമാൻ നിയമനത്തിനെതിരെ സുപ്രീം കോടതിയിൽ ഹർജി. മലിനീകരണ നിയന്ത്രണ ബോർഡ് ചെയർമാനായുള്ള എ.ബി. പ്രദീപ് കുമാറിന്‍റെ നിയമനത്തിനെതിരെയായിരുന്നു ഹർജി. ചെയർമാനായി പ്രദീപ് കുമാറിനെ നിയമിച്ചത് നടപടിക്രമങ്ങൾ പാലിക്കാതെയാണെന്നാരോപിച്ച് തിരുവനന്തപുരം പൂജപ്പുര സ്വദേശി കെ. എസ്. ഗോവിന്ദൻ നായരാണ് സുപ്രീംകോടതിയിൽ ഹർജി നൽകിയത്. 23 അപേക്ഷകൾ ലഭിച്ചതിൽ ഹർജിക്കാരനടക്കം മതിയായ യോഗ്യതയുള്ള 17 പേരെ കണ്ടെത്തിയെങ്കിലും എട്ടുപേരെ മാത്രമാണ് ഇൻറർവ്യൂവിന് വിളിച്ചതെന്ന് ഹർജിയിൽ ആരോപിക്കുന്നു. മതിയായ യോഗ്യതയുള്ളവരെ ഇൻ്റർവ്യൂ നടത്താതെ ഒഴിവാക്കാൻ […]

പാൻ ഇന്ത്യൻ താരമായി തിളങ്ങുന്ന ദുൽഖർ സൽമാൻ ആദ്യമായി അഭിനയിക്കുന്ന ബോളിവുഡ് വെബ് സീരിസ് ഗൺസ് ആൻഡ് ഗുലാബ്സ് ടീസർ എത്തി. ഫാമിലിമാൻ വെബ് സീരിസുകളുടെ സൃഷ്ടാക്കളായ രാജ് ആൻഡ് ഡികെ സംവിധാനം ചെയ്യുന്ന സീരിസ് നെറ്റ് ഫ്ളിക്സിലൂടെയാണ് റിലീസ്. ദുൽഖർ സൽമാൻ ,രാജ് കുമാർറാവു, ഗൗരവ് ആദർശ് എന്നിവരു‌ടെ മൂന്ന് പ്രധാന കഥാപാത്രങ്ങളെ കേന്ദ്രീകരിച്ച് കോമഡി ത്രില്ലറാണ് ഗൺസ് ആൻഡ് ഗുലാബ്സ്.ടീസറിൽ ദുൽഖകർ തിളങ്ങുമ്പോൾ വൻ പ്രതീക്ഷ പുലർത്തുകയാണ് ആരാധകർ.

റിയാദ് : പ്രവാസി പ്രശ്നങ്ങളിൽ കേന്ദ്ര, സംസ്ഥാന സർക്കാരുകൾ കാര്യക്ഷമമായി ഇടപ്പെടുന്നില്ലെന്നും, പദ്ധതികൾ കേവലം പ്രഖ്യാപനത്തിൽ മാത്രമൊതുങ്ങുകയാണെന്നും ബേപ്പൂർ മണ്ഡലം ഗ്ലോബൽ കെഎംസിസി ആരോപിച്ചു. സാധാരണക്കാരായ പ്രവാസികൾ നേരിടുന്ന പ്രശ്നങ്ങൾ അനവധിയാണ്. തിരിച്ചു വന്ന പ്രവാസികൾ പലരും രൂക്ഷമായ പ്രതിസന്ധിയെയാണ് നേരിടുന്നത്. പ്രവാസി വിഷയങ്ങളിൽ കൂടുതൽ പഠനവും പരിഹാരവും കാണാൻ അധികൃതർ മുന്നോട്ട് വരണമെന്നും യോഗം ആവശ്യപ്പെട്ടു. പ്രസിഡന്റ് അഷ്‌റഫ് വേങ്ങാട്ട് അധ്യക്ഷത വഹിച്ചു. ചെയർമാൻ അബ്ദുൽ അസീസ് കറുത്തേടത്ത് ഉദ്‌ഘാടനം ചെയ്തു. വാർഷിക റിപ്പോർട്ടും വരവ് […]

കൊച്ചി: ഒക്‌ടോബര്‍ 2 ഞായറാഴ്ച കത്തോലിക്കാ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ച് കെസിബിസി. ഞായറാഴ്ചയായതിനാൽ രൂപതകളില്‍ വിശ്വാസ പരിശീലനത്തിന്റെ ഭാഗമായുള്ള പരീക്ഷകള്‍ നടക്കുന്നതിനാലും ആചാരാനുഷ്ഠാനങ്ങളില്‍ കുട്ടികള്‍ക്കും രക്ഷിതാക്കള്‍ക്കും അധ്യാപകര്‍ക്കും പങ്കെടുക്കേണ്ടതുള്ളതിനാലുമാണ് അവധി പ്രഖ്യാപിക്കുന്നതെന്ന് കെസിബിസി അറിയിച്ചു. ഒക്‌ടോബര്‍ 2 ഗാന്ധിജയന്തി ദിനത്തില്‍ അധ്യാപകരും വിദ്യാര്‍ഥികളും രക്ഷിതാക്കളും വിദ്യാലയങ്ങളില്‍ വന്ന് ലഹരിവിരുദ്ധ ബോധവത്കരണ പരിപാടി സംഘടിപ്പിക്കണമെന്ന സര്‍ക്കാര്‍ നിര്‍ദേശം മറ്റൊരു ദിവസം ആചരിച്ച് സര്‍ക്കാർ നിര്‍ദേശത്തോട് സഹകരിക്കണമെന്നും കെസിബിസി അറിയിച്ചു.

വർക്കല: അന്താരാഷ്ട്ര ടൂറിസം ദിനത്തിൽ വയോജനങ്ങൾക്ക് സൗജന്യ വിനോദ യാത്ര ഒരുക്കി സഹകരണ സ്ഥാപനമായ ചിറയിൻകീഴ് താലൂക്ക് ടൂറിസം കോ ഓപ്പറേറ്റിവ് സൊസൈറ്റിയും. കേരളത്തിലെ ഏറ്റവും വലിയ എൻ.ജി.ഒ.യും തോന്നയ്ക്കൽ സായിഗ്രാമവുമായി സഹകരിച്ച് ആണ് സായിഗ്രാമിലെ അന്തേവാസികളായ വയോജനങ്ങൾക്ക് യാത്ര ഒരുക്കിയത്. ഇവർക്കായി സമീപ മേഖലകളിലെ പ്രധാന ടൂറിസം കേന്ദ്രങ്ങളിലേക്കാണ് അന്താരാഷ്ട്ര ടൂറിസം ദിനത്തിൽ സൗജന്യ യാത്ര ഒരുക്കിയത്. വർക്കല പാപനാശം ബീച്ചിൽ ഇവർക്കായി നാടൻ പാട്ടും കലാ വിരുന്നുകളും സംഘടിപ്പിച്ചിരുന്നു. കലാവിരുന്നിനു പ്രശസ്ത നാടൻ പാട്ട് […]

വീഡിയോ കോളുകളിലൂടെ ഉപയോക്താക്കളുടെ ഫോണുകളിൽ മാൽവെയർ കയറാന്‍ സാധ്യതയുള്ള സുരക്ഷ വീഴ്ച സംബന്ധിച്ച് മുന്നറിയിപ്പുമായി വാട്ട്സ്ആപ്പ്. വാട്ട്സ്ആപ്പ് ആൻഡ്രോയിഡ് ആപ്പിനെയാണ് ഈ ബഗ് ബാധിക്കുന്നത്. ഈ പ്രശ്നത്തിന്‍റെ വിശദാംശങ്ങൾ വാട്ട്‌സ്ആപ്പ് ഇതിനകം പങ്കുവച്ചിട്ടുണ്ട്. സിവിഇ-2022-36934 എന്നാണ് ഈ സുരക്ഷ പ്രശ്നത്തെ വാട്ട്സ്ആപ്പ് വിശദീകരിക്കുന്നു. 10-ൽ 9.8 തീവ്രതയുള്ള റേറ്റിംഗാണ് ഈ പ്രശ്നത്തിന് ഉള്ളത്. ഒരു ഇന്‍റിഗർ ഓവർഫ്ലോ ബഗ് എന്നാണ് ഇതിനെ വാട്ട്സ്ആപ്പ് വിശദീകരിക്കുന്നത്. ദി വെർജ് പറയുന്നതനുസരിച്ച്, ഈ  ബഗ് ഒരു കോഡ് പിഴവാണെന്നും. ഇത് […]

error: Content is protected !!