03
Friday February 2023

ഓറഞ്ചോണം

ജോയ് ഡാനിയേല്‍, ദുബായ്
Sunday, September 6, 2020

ഉത്രാടം മുതൽ മനസ്സിൽ ആനയും അമ്പാരിയും ആർപ്പോ വിളികളുമായി ഓണത്തിരമാലകൾ തിടമ്പേറ്റി വരികയായിരുന്നു.

തിരുവോണദിനം ഓഫീസിലെ ജോലികൾ ഒക്കെ ഒതുക്കി നേരത്തെ ഇറങ്ങണം, കൂട്ടുകാരുമായി ചേർന്ന് സദ്യ കഴിക്കണം എന്നതായിരുന്നു പദ്ധതി.

ഓണം-കൊറോണ സമ്മേളനം ഉത്സവങ്ങളെ പിന്നോട്ടടിച്ചെങ്കിലും ഉള്ളത്കൊണ്ട് ഓണം പോലെ എന്നായിരുന്നു ചിന്ത.

ഇരുപതിൽപരം വിഭവങ്ങളുമായി തൂശനിലയിൽ റെസ്റ്റോറന്റിലെ പരസ്യത്തിൽ കണ്ട ഓണം മനസ്സിൽ താലോലിച്ചാണ് ജോലിക്ക് ഇറങ്ങിയത്. ചിന്തകളിൽ ഓണത്തുമ്പികൾ വട്ടമിട്ടുപറന്നു.

അപ്രതീക്ഷിതമായി ഓഫീസിൽ അർജന്റ് മീറ്റിംഗ്. എല്ലാവരും റെഡിയാകണം. അറിഞ്ഞ വാർത്ത ഓണത്തുമ്പികളെ ആട്ടിപ്പായിച്ച് മീറ്റിംഗ് തുമ്പികളെ സ്വീകരിച്ചു. പാവം ഓണത്തുമ്പികൾ.

മീറ്റിംഗ് തുടങ്ങി. പത്ത് മണി, പതിനൊന്ന്.. പന്ത്രണ്ട്.. ഒന്ന്; സമയമങ്ങനെ ചുമച്ച് കുരച്ച് നിരങ്ങിനീങ്ങി. കൂട്ടുകാരുടെ ഇടതടവില്ലാതെയുള്ള വിളികൾ ദേഷ്യവും വേദനയും കുറെക്കുറെ പകുത്തുതന്നു. ഫോണിലേക്ക് ഞാൻ അറപ്പോടെ നോക്കി.

പള്ളിമണികൾ പോലെ ശബ്ദമുണ്ടാക്കി മെസേജുകൾ. ലോകത്തിൻറെ വിവിധ കോണുകളിൽ നിന്നും ഓണാശംസകളുടെ മലവെള്ളപ്പാച്ചിൽ.

മൊബൈൽ ഗ്രൂപ്പുകളിൽ ഇലയിട്ട് ഓണസദ്യകൾ നിരന്നു. ആരുടെ പൂരമാണ് കേമം എന്ന മത്സരം. അവസാനം കൂട്ടുകാരുടെ ഫോൺ എടുത്തു “വരുന്നില്ലേ? ഞങ്ങൾ ഹോട്ടലിൽ ഇലയിട്ട് ഇരുന്നു…”

“ഇല്ല. വരുന്നില്ല, ഇവിടെ മീറ്റിംഗിന് ഇലയിട്ടിരിക്കുന്നു. നിങ്ങൾ ആഘോഷിച്ചോളൂ” ഇതും പറഞ്ഞ് ഫോണിൻറെ ഡേറ്റാ ഓഫ് ചെയ്‌തു. ഡേറ്റയില്ലാത്ത ഫോൺ അമ്മത്തൊട്ടിലിൽ കിടക്കുന്ന കുഞ്ഞിനെപ്പോലെ പോക്കറ്റിൽ ശാന്തത തേടി.

എല്ലാം കഴിഞ്ഞ് ഇറങ്ങിയപ്പോൾ സമയം ഉച്ചകഴിഞ്ഞ് മൂന്ന്. ഡ്രൈവർ ദയനീയമായി എൻറെ മുഖത്തേക്ക് ദൃഷ്ടി പായിച്ചു. ആരോടോ ഉള്ള ദേഷ്യം അവൻ ആക്സിലേറ്ററിൽ തീർക്കുന്നപോലെ.

വണ്ടി നേരെ ദുബായ് ഖിസൈസ് ഷേക്ക് കോളനിയിലേക്ക്. നിശബ്ദനായി കണ്ണാടിച്ചില്ലിനപ്പുറം ഒഴുകിനീങ്ങുന്ന വാഹനങ്ങളെ നോക്കിയിരുന്നപ്പോൾ ഓർമ്മവച്ച നാൾമുതൽ ആഘോഷിച്ച ഓണങ്ങളുടെ തളിരും കുളിരും പൂവും ഓർമ്മയുടെ താലത്തിൽ കൊണ്ടുവന്നു നീട്ടി.

അത്തപ്പൂക്കളവും, ഓണപ്പാട്ടിന്റെ ശീലുകളും, തുമ്പിതുള്ളലും, ഊഞ്ഞാലാട്ടവും, മൂക്കുമുട്ടെ സദ്യയും, എല്ലാം കഴിഞ്ഞ് സിനിമകളും കാഴ്ച്ചക്ക് വർണ്ണം ചാർത്തി.

“ഏത് ഹോട്ടലിലേക്കാ?” ഡ്രൈവറുടെ ചോദ്യം മനസ്സിനെ ഗ്രാമപച്ചയിൽ നിന്നും ദുബായ് എയർപോർട്ട് ടണൽ റോഡിലേക്ക് തിരികെ കൊണ്ടുവന്നു. തിരുവോണ നാളിൽ ആദ്യമായിട്ടാണ് പട്ടിണി. ഓർത്തപ്പോൾ ഒരു നീറ്റൽ.

“താങ്കൾ വല്ലതും കഴിച്ചോ? എൻറെ മറുചോദ്യം.

“എൻറെ കാര്യം വിടൂ. ഇന്ന് നിങ്ങളുടെ ഉത്സവം അല്ലെ? ഏത് ഹോട്ടലിൽ ആണ് വിടേണ്ടത്?”

ആദ്യം ഒന്ന് ചിന്തിച്ചു. പിന്നെ ചിരിച്ചു. “സജ്‌വാനി കഫറ്റീരിയ, നീയും വാ” അതുകേട്ട് ആശ്ചര്യത്തിന്റെയും അമ്പരപ്പിന്റെയും ചോദ്യചിഹ്നങ്ങൾ മുഖത്ത് കൊളുത്തി അവനെന്നെ നോക്കി.

വണ്ടി നിന്നു. ഡ്രൈവറും ഞാനും കഫറ്റീരിയയുടെ മുന്നിലെ പ്ലാസ്റ്റിക് സ്റ്റൂളിൽ ഇരുപ്പുറപ്പിച്ചു. “രണ്ട് ഓറഞ്ച് ജ്യുസ്” ഓർഡർ കേട്ട് അവൻ കൗതുകത്തോടെ എന്നെ നോക്കിയിട്ട് രഹസ്യമെന്നപോലെ ഇങ്ങനെ ഉരുവിട്ടു.

“ഇന്ന് ഓണമല്ലേ? അപ്പോൾ…?!”

വാച്ചിലേക്ക് നോക്കി. സമയം നാലുമണി. പുറത്ത് ഇപ്പോളും പൊള്ളുന്ന ചൂട്. ഉത്തരമായി ഒരു മറുചോദ്യം എൻറെ വക. “നീ നൈജർ, സുഡാൻ, മാലി, മൊസാംബിക്, സോമാലിയ എന്നൊക്കെ കേട്ടിട്ടുണ്ടോ?”

അരിയെത്ര എന്ന് ചോദിക്കുമ്പോൾ പയർ അഞ്ഞാഴി എന്നമട്ടിലുള്ള ഉത്തരം കേട്ട് “ചിലതൊക്കെ അറിയാം” എന്ന് ഡ്രൈവർ മറുപടി നൽകി.

“ആഫ്രിക്കയിലുള്ള രാജ്യങ്ങളാണ്. മനുഷ്യർ ഉണ്ടായത് ആഫ്രിക്കയിൽ ആണെന്നാണ് പറയപ്പെടുന്നത്. എന്നാൽ മനുഷ്യൻ ഉണ്ടാക്കിയ കാരണങ്ങളാൽ ഇന്ന് ഏറ്റവും കൂടുതൽ പട്ടിണി ആ രാജ്യങ്ങളിലാണുതാനും”

“അതിന്..?” അവൻ ചോദ്യത്തിൻറെ കൊളുത്തിൽ ഊഞ്ഞാലാടി.

“അവരെയൊക്കെ അപേക്ഷിച്ച് നാമൊക്കെ എത്ര ഭാഗ്യവാന്മാർ. ജോലിയുണ്ട്. ജീവിക്കാൻ വഴിയുണ്ട്. അന്നത്തിന് പാങ്ങുണ്ട്. വംശീയ ലഹളകൾ, യുദ്ധങ്ങൾ ഒന്നുമില്ല… അല്ലേ?” ഞാനിത് പറയുമ്പോൾ ജ്യുസ് വന്നു. എനിക്ക് ഐസ് ഇടാത്തത്. അവന് ഐസ് ഇട്ടത്.

എൻറെ വാക്കുകളുടെ ചില്ലാട്ടം അറിഞ്ഞ് മിണ്ടാതിരുന്നവൻ ജ്യുസിലേക്ക് നോക്കി “നിങ്ങൾക്ക് എന്താണ് ഐസ് ഇടാത്ത ജ്യുസ്?”

“മനസ്സിലാകെ തണുപ്പാടോ. മഹാമാരിക്കലത്തും ഇങ്ങനെ ചൂടിൽ ഓറഞ്ച് ജ്യുസ് ആസ്വദിക്കാനും ഭാഗ്യം വേണം. ഓരോന്ന് ഓർക്കുമ്പോൾ നമ്മളൊക്കെ എത്രയോ പുണ്യജന്മങ്ങൾ” ഇതും പറഞ്ഞ് ഞാൻ ഉറക്കെ ചിരിച്ചു. കൂടെ ഡ്രൈവറും.

ജ്യുസ് കൊണ്ടുവന്ന പയ്യൻ കൗതുകത്തിന്റെ തിരശീല മുഖത്തേക്ക് വലിച്ചിട്ടു. അവൻ മലയാളിയാണ്, പക്ഷെ എന്നിലെ മലയാളിത്തം ഇതുവരെ തിരിച്ചറിഞ്ഞിട്ടുണ്ടാവില്ല (അവൻ ഓണം ഉണ്ടോ ആവോ..).

അടുത്തുള്ള സ്റ്റുഡിയോയിൽ നിന്നും ഒന്ന് രണ്ട് കുടുംബങ്ങൾ പുറത്തേക്ക് ഇറങ്ങി വന്നു. കുട്ടികൾ മുതൽ അച്ഛനമ്മമാർ വരെ ഓണക്കോടിയൊക്കെ ഉടുത്ത് ഫോട്ടോ എടുക്കാൻ വന്നതാകണം.

ഞാൻ അതിൽ ഏറ്റവും ചെറിയ കുട്ടിയെ നോക്കി പുഞ്ചിരിച്ചു. കൊടുത്തതിന്റെ പലിശയടക്കം കുട്ടിമുണ്ടുകാരൻ തിരികെ തന്നു. ചില കുട്ടികൾ അങ്ങനെയാണ്. പുഞ്ചിരികൊടുത്താൽ പാൽപുഞ്ചിരി തിരികെ തരും.

ഓറഞ്ച് ജ്യുസ് നുണഞ്ഞ് കുഞ്ഞിന്റെ പുഞ്ചിരിയും സ്വീകരിച്ച് കഫറ്റീരിയയുടെ മുന്നിൽ ഇരുന്ന ഓണം ജീവിതത്തിൽ ഒരിക്കലും മറക്കാനാകാത്ത മറ്റൊരാഘോഷമായി. ഇങ്ങനെയും ഒരോണം. ജ്യൂസിൽ ഐസ് ഇട്ടില്ലെങ്കിലും സത്യമായും അപ്പോൾ മനസ്സ് കുളിർത്തു.

-ജോയ് ഡാനിയേല്‍

പത്തനംതിട്ടയിലെ കൂടൽ സ്വദേശി.  ചെറുകഥാകൃത്ത്, നോവലിസ്റ്റ്. ഖിസ്സ-01, ഖിസ്സ-02 എന്നീ കഥാസമാഹാരങ്ങളുടെ എഡിറ്റർ. സത്യംഓൺലൈനിൽ 2017 മുതൽ ‘പ്രവാസത്തിലെ മഞ്ഞുത്തുള്ളികൾ’ എന്ന കോളം എഴുതുന്നു.

Related Posts

More News

തിരുവനന്തപുരം: എല്ലാവർക്കും നേത്രാരോ​ഗ്യം ഉറപ്പിക്കാന്‍ പുതിയ പദ്ധതിയുമായി സര്‍ക്കാര്‍. നേത്രാരോ​ഗ്യത്തിനായി ബജറ്റിൽ അമ്പത് കോടിയുടെ പദ്ധതി പ്രഖ്യാപിച്ച് ധനമന്ത്രി കെ.എൻ ബാല​ഗോപാൽ. ബജറ്റ് അവതരണ വേളയിലാണ് ധനമന്ത്രിയുടെ ഈ പ്രഖ്യാപനം. ‘നേർക്കാഴ്ച’ എന്ന പേരിലാണ് നേത്രാരോ​ഗ്യത്തിനുള്ള ബൃഹത് പദ്ധതി അവതരിപ്പിച്ചത്. ‘എല്ലാവർക്കും നേത്രാരോ​ഗ്യം’ എന്ന ലക്ഷ്യത്തോടെ സംസ്ഥാനത്തെ എല്ലാ കുടുംബങ്ങളെയും കാഴ്ച പരിശോധനയ്ക്ക് വിധേയമാക്കുന്ന പദ്ധതിയാണിതെന്ന് മന്ത്രി പറഞ്ഞു. ആരോ​ഗ്യപ്രവർത്തകർ, ആശാവർക്കർമാർ, കുടുംബശ്രീ വളന്റിയർമാർ എന്നിവരെ പങ്കെടുപ്പിച്ചു കൊണ്ടുള്ള വിപുലമായ ജനകീയ ക്യാംപയിനാണിത്. കാഴ്ച വൈകല്യങ്ങൾ കണ്ടെത്തപ്പെടുന്നവരിൽ […]

കോഴിക്കോട്: സ്വര്‍ണത്തിന് വില ഉയരുന്ന സാഹചര്യത്തില്‍ ഉപഭോക്താക്കള്‍ക്ക് ആശ്വാസമായ് ബോചെയുടെ ഓഫര്‍. ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്സില്‍ ബിഐഎസ് ഹാള്‍മാര്‍ക്ക്ഡ് 916 സ്വര്‍ണാഭരണങ്ങള്‍ക്ക് പവന് 500 രൂപ മാത്രമാണ് പണിക്കൂലി, അതേ സമയം മാര്‍ക്കറ്റില്‍ പവന് 1200 രൂപ മുതലാണ് പണിക്കൂലി ഈടാക്കുന്നത്. കൂടാതെ ഡയമണ്ട്, പ്രഷ്യസ് ആഭരണങ്ങള്‍ക്ക് പണിക്കൂലിയില്‍ 50% വരെ ഡിസ്‌കൗണ്ടും ലഭിക്കും. വാലന്റൈന്‍സ് ഡേ പ്രമാണിച്ച് ഫെബ്രുവരി 14 വരെ ഓഫറുകള്‍ ലഭ്യമാണ്.

കുവൈറ്റ്‌: കുവൈത്തില്‍ പ്രവാസിയെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി. മസായില്‍ ഏരിയയിലായിരുന്നു സംഭവം. വീടിനുള്ളില്‍ കേബിൾ ഉപയോഗിച്ച് തൂങ്ങി മരിക്കുകയായിരുന്നു. വിവരമറിഞ്ഞ് ക്രിമിനല്‍ എവിഡന്‍സസ് ഡിപ്പാര്‍ട്ട്മെന്റ് ഉദ്യോഗസ്ഥരും സുരക്ഷാ സേനകളും വീട്ടിലെത്തി തുടര്‍ നടപടികള്‍ സ്വീകരിച്ചു. മൃതദേഹം പോസ്റ്റ്‍മോര്‍ട്ടത്തിനായി മാറ്റിയിട്ടുണ്ട്. മരിച്ചയാളെ തിരിച്ചറിഞ്ഞിട്ടില്ല. കേസിൽ ദുരൂഹത നിൽക്കുന്നതിനാൽ കൂടുതൽ അന്വേഷണം നടത്തുമെന്ന് പോലീസ് അറിയിച്ചു.

ജാവ യെസ്‌ഡി മോട്ടോർസൈക്കിൾസ് പുതിയ പെയിന്റ് ഓപ്ഷനുകൾ അവതരിപ്പിച്ചതായി റിപ്പോര്‍ട്ട്. കഴിഞ്ഞ മാസം ജാവ 42, യെസ്‌ഡി റോഡ്‌സ്‌റ്റർ എന്നിവയെ പുതിയ നിറങ്ങളോടെ അപ്‌ഡേറ്റ് ചെയ്‌തതിനു പിന്നാലെയാണ് കമ്പനിയുടെ ഈ പുതിയ നീക്കവും. യെസ്‌ഡി സ്‌ക്രാംബ്ലറിന് ബോൾഡ് ബ്ലാക്ക് കളർ ഓപ്ഷൻ ലഭിക്കുന്നു. അതിന്റെ വില 2.10 ലക്ഷം രൂപയാണ്. യെസ്‌ഡി അഡ്വഞ്ചർ ഇപ്പോൾ വൈറ്റ്ഔട്ട് പെയിന്റ് സ്‌കീമിൽ 2.15 ലക്ഷം വിലയിൽ ലഭ്യമാണ്. പുതിയ നിറങ്ങൾ ഓഫറുകളിൽ പര്യവേക്ഷണത്തിന്റെയും വിനോദത്തിന്റെയും ആത്മാവിനെ ഊന്നിപ്പറയുന്നു ജാവ യെസ്‍ഡി […]

കാസർകോട്: കാസര്‍കോട് ബദിയടുക്ക ഏല്‍ക്കാനത്ത് നീതുവിനെ കൊലപ്പെടുത്തിയ സംഭവത്തിൽ പ്രതി പിടിയിൽ. തിരുവനന്തപുരത്തു വച്ചാണ് പ്രതിയായ വയനാട് പുല്‍പ്പള്ളി സ്വദേശി ആന്‍റോ സെബാസ്റ്റ്യനെ പൊലീസ് അറസ്റ്റുചെയ്തത്. ബുധനാഴ്ച്ചയായിരുന്നു കൊല്ലം സ്വദേശിനീതുവിന്‍റെ മൃതദേഹം മൃതദേഹം തുണിയില്‍ പൊതിഞ്ഞ നിലയില്‍ വീട്ടിനുള്ളിൽ നിന്നും കണ്ടെത്തിയത്. പ്രാഥമിക പോസ്റ്റ്മോർട്ടം റിപ്പോർട്ട് പ്രകാരം നീതുവിന്‍റേത് കൊലപാതകമാണെന്ന് സ്ഥിരീകരിക്കുകയായിരുന്നു. നീതുവിന്‍റെ തലക്ക് അടിയേല്‍ക്കുകയും കഴുത്ത് ഞെരിക്കുകയും ചെയ്തിട്ടുണ്ടെന്നാണ് റിപ്പോർട്ടിൽ പറയുന്നത്. ശ്വാസം മുട്ടിയാണ് മരണം സംഭവിച്ചിരിക്കുന്നത്. റിപ്പോർട്ട് പുറത്തു വന്നതിനു പിന്നാലെ യുവതിക്കൊപ്പം താമസിച്ചിരുന്ന […]

തിരുവനന്തപുരം: സംസ്ഥാനത്ത് ഇന്ത്യൻ നിർമ്മിത വിദേശ മദ്യത്തിന് സാമൂഹിക സുരക്ഷ സെസ് ഏർപ്പെടുത്തി. ഇതോടെ ഇന്ത്യൻ നിർമിത വിദേശ മദ്യത്തിന് 20 മുതൽ 40 രൂപ വരെ ഉയരും. കെ ഫോണിന് 100 കോടി രൂപ സംസ്ഥാന ബജറ്റിൽ വകയിരുത്തി. സ്റ്റാർട്ട് അപ്പ് മിഷന് 90.5 കോടി രൂപ പ്രഖ്യാപിച്ചു. ടെക്നോ പാർക്കിന് 26 കോടി രൂപയും ഇൻഫോപാർക്കിന് 35 കോടി രൂപയും മാറ്റിവച്ചു. ആകെ 120.5കോടി രൂപയാണ് ഈ മേഖലക്കായി വകയിരുത്തിയിട്ടുള്ളത്. പെട്രോളിനും ഡീസലിനും സെസ് […]

അരീക്കര: സെന്റ് റോക്കിസ് ക്നാനായ കത്തോലിക്കാ പള്ളിയിലെ പരിശുദ്ധ കന്യകാമറിയത്തിന്റെ ശുദ്ധീകരണ തിരുനാളും വിശുദ്ധ റോക്കീസിൻ്റെ തിരുനാളും ശനി,ഞായർ ദിവസങ്ങളിൽ.ഇന്ന് രാവിലെ ഇടവക വികാരി ഫാ സ്റ്റാനി ഇടത്തിപഴമ്പിൽ പതാക ഉയർത്തി. തുടർന്ന് അസിസ്റ്റന്റ് വികാരി ഫാദർ എബിൻ കുന്നപ്പള്ളി യുടെ മുഖ്യകാർമികത്വത്തിൽ ദിവ്യബലി അർപ്പിക്കപ്പെട്ടു. ഫെബ്രുവരി നാല്, അഞ്ച് തീയതികളിലാണ് തിരുനാൾ നടത്തപ്പെടുക. ശനിയാഴ്ച വൈകുന്നേരം 5.30 ന് തിരുനാൾ കുർബാനയും, തുടർന്ന് അരീക്കര ദേശത്തിന്റെ മതേതരത്വം വിളിച്ചോതിക്കൊണ്ട് അരീക്കര ദേവാലയത്തിൽ നിന്ന് ആരംഭിച്ച് പെരുമറ്റം […]

തിരുവനന്തപുരം: കേരളത്തിന്റെ വികസനചക്രവാളത്തില്‍ ഏറ്റവും പ്രധാനപ്പെട്ട ഏടാണ് വിഴിഞ്ഞം തുറമുഖ പദ്ധതിയെന്ന് ധനമന്ത്രി കെ.എന്‍. ബാലഗോപാല്‍. സര്‍ക്കാര്‍, സ്വകാര്യ സംരംഭകര്‍ ഭൂമി ഉടമകള്‍ എന്നിവരുള്‍പ്പെടുന്ന വികസനപദ്ധതികള്‍ നടപ്പാക്കും. ലാന്‍ഡ് പൂളിങ് സംവിധാനവും പിപിപി വികസന മാതൃകകളും ഉള്‍പ്പെടുത്തി 60,000 കോടി രൂപയുടെ വികസനപന്ധതികള്‍ ആദ്യഘട്ടത്തില്‍ നടപ്പാക്കാനാണ് സര്‍ക്കാര്‍ ഉദ്ദേശിക്കുന്നതെന്നും ധനമന്ത്രി പറഞ്ഞു. വിഴഞ്ഞത്തിന്റെ സാധ്യതകള്‍ ഉപയോഗപ്പെടുത്തിക്കൊണ്ട് ലോകത്തിലെ പ്രധാന തുറമുഖങ്ങളുടെ മാതൃകയില്‍ വന്‍വികസന പദ്ധതികള്‍ക്ക് സര്‍ക്കാര്‍ തയാറെടുക്കുകയാണ്. ലോകത്തിലെ തന്നെ ഏറ്റവും വലിയ ട്രാന്‍സിഷപ്പ്‌മെന്റ് കണ്ടയ്‌നര്‍ തുറമുഖമായി […]

തിരുവനന്തപുരം: സംസ്ഥാന ബജറ്റിനെ രൂക്ഷമായി വിമര്‍ശിച്ച് കോണ്‍ഗ്രസ് നേതാവ് രമേശ് ചെന്നിത്തല. ‘ഇന്ധനവിലയിലെ വര്‍ദ്ധന വിലക്കയറ്റത്തിന് വഴിവക്കും.ജനങ്ങളുടെ നടു ഒടിക്കുന്ന ബജറ്റാണിത്.എല്ലാത്തിനും അധിക നികുതി ചുമത്തിയിരിക്കുന്നു. നരേന്ദ്ര മോദി ചെയ്യുന്ന അതെ കാര്യം പിണറായി സര്‍ക്കാര്‍ ചെയ്യുന്നു . ജനങ്ങളുടെ മുകളില്‍ അധിക ഭാരം ചുമത്തുന്നു. ഇതാണോ ഇടത് ബദല്‍? കൊള്ള അടിക്കുന്ന ബജറ്റാണിത്. കിഫ്ബി വായ്പ എടുത്തതിന്റെ ദുരന്തം ആണ് ഇപ്പൊള്‍ സംസ്ഥാനം നേരിടുന്നത്’ അദ്ദേഹം കുറ്റപ്പെടുത്തി. ദുര്‍ബല വിഭാഗങ്ങള്‍ക്ക് സാമൂഹ്യ സുരക്ഷ ഉറപ്പുവരുത്തുന്നതിനായി സാമൂഹ്യ […]

error: Content is protected !!