ന്യൂഡല്ഹി: ഓക്സ്ഫഡ് ഇംഗ്ലീഷ് നിഘണ്ടുവിന്റെ പുതിയ പതിപ്പില് ഇടംപിടിച്ചത് 26 ഇന്ത്യന് വാക്കുകള്. ആധാര്, ഹര്ത്താല്, ചാവല്, ഷാദി തുടങ്ങിയ വാക്കുകളാണ് നിഘണ്ടുവിന്റെ പത്താം പതിപ്പില് ഉള്പ്പെടുത്തിയത്. ഇവയുള്പ്പടെ ആയിരം വാക്കുകള് ഓക്സ്ഫഡ് അഡ്വാന്സ്ഡ് ലേണേഴ്സ് പുറത്തിറങ്ങിയ നിഘണ്ടുവിലുണ്ട്.
നിഘണ്ടുവിന്റെ അച്ചടിച്ച പതിപ്പില് 22 ഇന്ത്യന് ഇംഗ്ലീഷ് വാക്കുകളാണ് ഉള്പ്പെടുത്തിയിരിക്കുന്നത്. പുതിയതായി നാലു വാക്കുകള് ഡിജിറ്റല് പതിപ്പിലും ഉള്പ്പെടുത്തിയിട്ടുണ്ട്. current, looter, looting and upazila എന്നീ വാക്കുകളാണ് ഓക്സ്ഫഡിന്റെ ഓണ്ലൈന് പതിപ്പില് ഇടം നേടിയവ.
കഴിഞ്ഞ കുറേ വര്ഷങ്ങള്ക്ക് ഇടയില് 384 ഇന്ത്യന് ഇംഗ്ലീഷ് വാക്കുകള് ഓക്സ്ഫഡ് നിഘണ്ടുവില് ഇടംപിടിച്ചിട്ടുണ്ട്.