Advertisment

പാക് ക്രിക്കറ്റ് സ്​പിന്‍ ഇതിഹാസം അബ്​ദുള്‍ ഖാദര്‍ അന്തരിച്ചു

author-image
സ്പോര്‍ട്സ് ഡസ്ക്
Updated On
New Update

ലാഹോര്‍: പാകിസ്ഥാന്‍ ക്രിക്കറ്റിലെ സ്​പിന്‍ ഇതിഹാസം അബ്​ദുള്‍ ഖാദര്‍ (63) അന്തരിച്ചു. ഹൃദയാഘാതത്തെ തുടര്‍ന്ന്​ ലാഹോറിലായിരുന്നു അന്ത്യം.

Advertisment

publive-image

സെപ്​റ്റംബര്‍ 15ന്​ ത​ന്‍റെ 64ാം പിറന്നാള്‍ ആഘോഷിക്കാനുള്ള ഒരുക്കത്തിനിടെയാണ്​​ അബ്ദുള്‍ ഖാദറിന്‍റെ അന്ത്യം. 1970, 80 കാലഘട്ടങ്ങളില്‍ പാക്​ ബൗളിംഗിന്‍റെ നെടുംതൂണായിരുന്നു അബ്​ദുള്‍ ഖാദര്‍.

എതിര്‍ ബാറ്റ്​സ്​മാന്‍മാരെ ആശയക്കുഴപ്പത്തിലാക്കുന്ന ഡാന്‍സിംഗ്​ ആക്​ഷനും ടേണുംകൊണ്ട് ​ലെഗ്​ സ്​പിന്നി​നെ പരിഷ്കരിച്ച ബൗളറായിരുന്നു അബ്ദുള്‍ ഖാദര്‍. കൈവിരലുകളില്‍ ഒളിപ്പിച്ച മാന്ത്രികതയുമായി ക്രീസിനെ അദ്ദേഹം അടക്കിവാണു. 1977 ഡിസംബര്‍ 14ന്​ ഇംഗ്ലണ്ടിനെതിരായ ടെസ്​റ്റ്​ മത്സരത്തിലൂടെയായിരുന്നു അരങ്ങേറ്റം. 1990 വരെ ടെസ്​റ്റ്​ കളിച്ചു.

67 മത്സരങ്ങളില്‍ 236 വിക്കറ്റുകള്‍ സ്വന്തം പേരിലാക്കി. 1983 ജൂണില്‍ ന്യൂസിലന്‍ഡിനെതിരായിരുന്നു ഏകദിന അരങ്ങേറ്റം. 1993ല്‍ വിരമിക്കു​ന്പോഴേക്കും 132 വിക്കറ്റുകളും നേടി. 1987ല്‍ ഇംഗ്ലണ്ടിനെതിരെ ഒരു ഇന്നിംഗ്സില്‍ ഒന്പതു വിക്കറ്റ്​ വീഴ്​ത്തിയതായിരുന്നു ഏറ്റവും മികച്ച വ്യക്​തിഗത പ്രകടനം. ആ പരന്പരയില്‍ മൂന്ന്​ ടെസ്​റ്റിലായി 30 വിക്കറ്റു വീഴ്​ത്തി.

ഏതാനും മത്സരങ്ങളില്‍ പാകിസ്​താന്‍ നായകനുമായിരുന്നു. വിരമിച്ച ശേഷം പാക്​ സെലക്​ടറായും കമന്‍റേറ്ററായും പ്രവര്‍ത്തിച്ചു.

Advertisment