രാത്രി വരേണ്ട സമയമായിട്ടും വീട്ടിലെത്തിയില്ല; പാലാ ടൗണിലെ പഴം-പച്ചക്കറി വ്യാപാരിയെ ഷോപ്പിംഗ് കോംപ്ലക്‌സിലെ കടയില്‍ തൂങ്ങിമരിച്ച നിലയില്‍ കണ്ടെത്തി; കടയുടെ മുന്നില്‍ വച്ചിരുന്ന ബൈക്കില്‍ വീട്ടിലേക്കുളള തക്കാളി പൊതിഞ്ഞുവച്ച നിലയില്‍

പാലാ:  പാലാ ടൗണിലെ പഴം-പച്ചക്കറി വ്യാപാരി സുമേഷ് (40) നെ ഷോപ്പിംഗ് കോംപ്ലക്‌സിലെ കടയില്‍ തൂങ്ങിമരിച്ച നിലയില്‍ കണ്ടെത്തി. രാത്രി വരേണ്ട സമയമായിട്ടും വീട്ടിലെത്താത്തതിനെ തുടര്‍ന്ന് വീട്ടുകാര്‍ നടത്തിയ അന്വേഷണത്തിലാണ് മൃതദേഹം കണ്ടെത്തിയത്. കട തുടങ്ങിയതിൽ കട ബാധ്യത ഉണ്ടായിരുന്നതായി നാട്ടുകാർ പറയുന്നു.

പാലാ ജനറൽ ആശുപത്രിക്കു സമീപമുള്ള ന്യൂ ബസാർ ഷോപ്പിംഗ് കോംപ്ലക്‌സിലെ കടയിലാണ് മൃതദേഹം കണ്ടെത്തിയത്. ബൈക്ക് കടയുടെ മുന്നിൽ തന്നെയുണ്ട്. ബൈക്കിൽ  വീട്ടിലേക്കുളള തക്കാളിയും പൊതിഞ്ഞ നിലയിൽ കാണപ്പെട്ടു .പോലീസ് സ്ഥലത്തെത്തി പരിശോധന നടത്തി കൊണ്ടിരിക്കുന്നു.