കല്യാണത്തിനും മരണത്തിനും പോലും 20 പേർ മാത്രമെന്ന് കർശന നിർദ്ദേശം നിലനിൽക്കെ പാലാ റിലയൻസിൽ ജീവനക്കാർ മാത്രം 50 പേർ ! പോലീസെത്തി റിലയൻസ് പൂട്ടിച്ചു

പാലാ : കല്യാണത്തിനും മരണത്തിനും പോലും 20 പേർ മാത്രമെന്ന് കർശന നിർദ്ദേശം നിലനിൽക്കെ ഇന്നത്തെ നിയന്ത്രണ ദിവസം പാലാ റിലയൻസിൽ ജീവനക്കാർ തന്നെ  ഉണ്ടായിരുന്നത്‌ 50 പേർ. നിയന്ത്രണങ്ങള്‍ കാറ്റില്‍പ്പറത്തി കൂടുതല്‍ ജീവനക്കാരുമായി പ്രവര്‍ത്തിച്ച സ്ഥാപനത്തിനെതിരെ കടുത്ത പ്രതിഷേധമാണ് ഉണ്ടായത്.

വിവരമറിഞ്ഞ്‌ പാലാ സി.ഐ. കെ.പി. ടോംസൻ്റെ നേതൃത്വത്തിൽ പോലീസെത്തി റിലയൻസ് പൂട്ടിച്ചു. മാനേജർക്കെതിരെ കേസ്സെടുക്കുമെന്നും സി. ഐ. പറഞ്ഞു. കടയിലുണ്ടായിരുന്നത് 35 ജീവനക്കാരെന്നും സി.ഐ പറഞ്ഞു.