പുതുവത്സരാഘോഷവും കുടുംബ സംഗമവും നടത്തി

പാലക്കാട്: പാർശ്വവൽക്കരിക്കപ്പെട്ട മനുഷ്യ സമൂഹത്തിന്റെ ക്ഷേമത്തിനും ശാക്തീകരണത്തിനും വേണ്ടി കഴിഞ്ഞ ഒമ്പത് വർഷമായി പ്രവർത്തിക്കുന്ന സ്വപ്നം പാലക്കാടിന്റെ കുടുംബസംഗമവും ക്രിസ്മസ് പുതുവത്സരാഘോഷവും നടത്തി. പാലക്കാട് ഗവ വിക്റ്റോറിയ കോളേജിലെ ഒ വി. വിജയൻ ഹാളിൽ ചേർന്ന കുടുംബ സംഗമം  പാലക്കാട് നഗരസഭ  ധനകാര്യ വികസന സ്റ്റാൻഡിങ് കമ്മിറ്റി ചെയർപേഴ്സനും മുൻ ചെയർപേഴ്സനും ആയ പ്രമീള ശശിധരൻ ഉദ്ഘാടനം ചെയ്തു.

കോങ്ങാട് എം.എൽ.എ  അഡ്വ.കെ. ശാന്തകുമാരി കെ  മുഖ്യ അതിഥിയായി. സ്വപ്നം പാലക്കാട് പ്രസിഡൻറ്  എൻ.ജി. ജ്വോൺസ്സൺ അധ്യക്ഷനായി. കോഓഡിനേറ്റർ ലില്ലി വാഴയിൽ , കേരള വ്യാപാരി വ്യവസായി ഏകോപന സമിതി പാലക്കാട്ട് ട്ടൗൺ യൂണിറ്റ് പ്രസിഡണ്ട്  എം. അസ്സൻ മുഹമ്മദ് ഹാജി,  ജില്ലാ ആശുപത്രി പാലിയേറ്റീവ് കെയർ കോഓഡിനേറ്റർ ഡോ. സുജിത്.ജെ.എസ് , ഫുൾ ഗോസ്പൽ ചർച്ചിലെ പാസ്റ്റർ  പ്രേമാനന്ദൻ .

മാധ്യമ പ്രവർത്തകൻ ജോസ് ചാലക്കൽ,  വിക്റ്റോറിയ കോളെജ് പ്രൊഫ. ശ്രീകല എ.പി,  സൊസൈറ്റി വൈസ് പ്രസിഡണ്ട് ആറുമുഖൻ സി, ട്രഷറര്‍ ശ്രീജ റ്റി, ജോയ്ന്റ്  സെക്രട്ടറി  ശ്രീഹരി എ  തുടങ്ങിയവർ പ്രസംഗിച്ചു.

സ്വപ്നം പാലക്കാട് സൊസൈറ്റി സെക്രട്ടറി യാ യി രു ന്നലളിത റ്റീച്ചറുടെ വിയോഗത്തിൽ കുടുംബ കൂട്ടായ്മ ആദരാഞ്ജലികൾ അർപ്പിച്ചു. തൃശൂരിലെ കുരിയാക്കോസ് ഏലിയാസ് സർവീസ് സൊസൈറ്റി സെക്രട്ടറി  ഫാ. തോമസ് വാഴക്കാല സി എം ഐ സമാപന സമ്മേളനം ഉദ്ഘാടനം ചെയ്തു.

അർഹരായ കുട്ടികൾക്ക് ഉന്നത പഠനസഹായ കെസ്സ്- സ്കോളർഷിപ്പ് വിതരണവും നടത്തി. ന്യൂ ഇയർ കെയ്ക്ക് വിതരണം കെസ്സ്  വൊക്കേഷണൽ റ്റ്രെയ്നിങ്ങ് ഇൻസ്റ്റിറ്റ്യൂട്ട് പ്രിൻസിപ്പൽ ഫാ. ജിന്റൊ ചിറയത്ത് നിർവഹിച്ചു. ഫിനാൻസ് ഓഫീസർ ഷാജു.സി.കെ,  കെസ്സ് പ്രൊജക്റ്റ് ഓഫീസർ ഡിനിൽ നിക്സൺ,  സുലോചന വി എന്നിവർ പ്രസംഗിച്ചു.

43 കുടുംബങ്ങൾ ഈ  സംഗമത്തിൽ പങ്കെടുത്തു. കൾച്ചറൽ മീറ്റിൽ കുട്ടികളുടെ കലാപരിപാടികൾ അരങ്ങേറി.  എല്ലാവർക്കും  ക്രിസ്മസ് കേക്കും പുതു വസ്ത്രവും വിതരണം ചെയ്തു.