പറവൂര്‍: മുന്‍വൈരാഗ്യത്തിന്‍റെയും കുടിപ്പകയുടേയും പേരില്‍ ഗുണ്ടാസംഘം യുവാവിനെ കുത്തി കൊന്നു.
/sathyam/media/post_attachments/jCQrqeR8dYF8BdmKqlkZ.jpg "publive-image")
വെടിമറ കാഞ്ഞിരപ്പറമ്പില്‍ ബദറുദ്ദീന്‍ മകന്‍ മുബാറക്കി(24)നെയാണ് സംഘം ചേര്‍ന്ന് കുത്തി കൊലപ്പെടുത്തിയത്. അക്രമം തടയുന്നതിനിടയില്‍ മുബാറക്കിന്‍റെ സുഹൃത്ത് വെടിമറ തോപ്പില്‍ വീട്ടില്‍ നാദിര്‍ഷ(24) എന്നയാള്‍ക്ക് പരിക്കേറ്റിട്ടുണ്ട്. കൈക്ക് പരിക്കേറ്റ യുവാവ് ആശുപത്രിയില്‍ ചികിത്സയിലാണ്.
ഞായറാഴ്ച രാത്രി 9.30ടെ മാവിന്‍ചുവട് ശറഫുല്‍ ഇസ്ലാം ജുമാ മസ്ജിദിന് കിഴക്ക് വശമുള്ള ഒഴിഞ്ഞ പറമ്ബിലായിരുന്നു കൊലപാതകം നടന്നത്. റെന്‍റ് എ കാര്‍ സംബന്ധിച്ച്‌ നിലനില്‍ക്കുന്ന തര്‍ക്കമാണ് കൊലപാതകത്തില്‍ കലാശിച്ചതെന്നാണ് പൊലിസിന്‍റെ പ്രാഥമിക നിഗമനം.
മൂന്നുമാസത്തിന് മുന്‍പ് മുബാറക്കും ഇയാളെ കൊലപ്പെടുത്തിയ സംഘത്തില്‍പ്പെട്ടവരുമായി വാക്ക് തര്‍ക്കവും നേരിയ തോതില്‍ സംഘര്‍ഷവും ഉണ്ടായിരുന്നു. ഇത് പിന്നീട് പറഞ്ഞവസാനിപ്പിക്കുകയും ഇതിന് ശേഷവും ഇവര്‍ തമ്മില്‍ റെന്‍റ് എ കാര്‍ ഇടപാടും തുടരുന്നുണ്ടായിരുന്നു.
എന്നാല്‍ വെടിമറയില്‍ വച്ച്‌ ഉണ്ടായ സംഭവത്തിന്‍റെ പക മനസില്‍ സൂക്ഷിച്ച ഗുണ്ടാ സംഘം മുബാറക്കിനോട് പകരം വീട്ടാന്‍ തീരുമാനിച്ചതിന്‍റെ അടിസ്ഥാനത്തിലാണ് കൊലപാതകം നടത്തിയതെന്നാണ് സൂചന.
Follow Us/sathyam/media/agency_attachments/5VspLzgrB7PML1PH6Ix6.png)
