/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/KZJB0ypfAs4mVbU7TJ5a.jpg "publive-image")
ചെന്നൈ : പ്രണയം നിരസിച്ചതിന് 16 കാരിയെ നടുറോഡില് വെച്ച് കുത്തിപ്പരിക്കേല്പ്പിച്ചു. തമിഴ്നാട്ടിലെ ട്രിച്ചിയിലാണ് സംഭവം. പൊത്തമേട്ടുപട്ടി സ്വദേശി കേശവനാണ് പെണ്കുട്ടിയെ ശല്യം ചെയ്തതിന് പിന്നാലെ ആക്രമിച്ചത്.
അത്തിക്കുളം സ്വദേശിയായ 11 ക്ലാസുകാരി പരീക്ഷ കഴിഞ്ഞ് വീട്ടിലേക്ക് വരുന്നതിരിടെയാണ് സംഭവം. പെണ്കുട്ടിയെ സ്ഥിരം ശല്യം ചെയ്തിരുന്ന യുവാവ് 2021 ജൂണില് കുട്ടിയെ തട്ടിക്കൊണ്ട് പോയിരുന്നു. ആ കേസില് പ്രതി ശിക്ഷ അനുഭവിച്ച് അടുത്തിടെയാണ് ജയില് മോചിതനായത്. തുടര്ന്നാണ് ഇയാള് പെണ്കുട്ടിയെ കാണാന് എത്തിയത്.
റെയില്വേ പാളത്തിന് സമീപം പെണ്കുട്ടിയെ കാണാനെത്തിയ യുവാവ് വീണ്ടും പ്രണയാഭ്യര്ത്ഥന നടത്തുകയായിരുന്നു. എന്നാല് പെണ്കുട്ടി വീണ്ടും നിരസിച്ചു. ഇതോടെയാണ് പ്രതി ആക്രമണം നടത്തിയത്. കൈയ്യില് കരുതിയിരുന്ന കത്തിവെച്ച് 14 തവണ പെണ്കുട്ടിയെ കുത്തി.
നാട്ടുകാര് ഓടിയെത്തി കുട്ടിയെ ആശുപത്രിയില് പ്രവേശിപ്പിച്ചു. കുട്ടി ഗുരുതരാവസ്ഥയില് തുടരുകയാണ്. അക്രമം നടത്തിയ പ്രതിയെ പിന്നീട് മരിച്ച നിലയില് കണ്ടെത്തിയതായാണ് വിവരം.