തിരുവനന്തപുരം: സംസ്ഥാനത്തെ പ്രധാന വകുപ്പുകളില് പൊലീസ് വിജിലന്സ് സംവിധാനം വേണമെന്ന് ശിപാര്ശ. പല വകുപ്പുകളിലും ആഭ്യന്തര വിജിലന്സ് സംവിധാനമുണ്ടെങ്കിലും ഫലപ്രദമല്ലെന്ന് വിജിലന്സ് ഡയറക്ടര് എസ്. അനില്കാന്ത് സര്ക്കാറിന് സമര്പ്പിച്ച റിപ്പോര്ട്ടില് പറയുന്നു.
സഹപ്രവര്ത്തകര്ക്കും യൂണിയന് പ്രതിനിധികള്ക്കുമൊക്കെ എതിരെയുണ്ടാകുന്ന പരാതികളില് വ്യക്തമായ അന്വേഷണം നടത്തി റിപ്പോര്ട്ട് നല്കാന് പലപ്പോഴും ആഭ്യന്തര വിജിലന്സിന് സാധിക്കാത്ത സാഹചര്യത്തില് പല വകുപ്പുകളിെലയും ക്രമക്കേടുകളില് നടപടി വരുന്നില്ല.
പൊതുമരാമത്ത്, ടൂറിസം, ധനകാര്യം ഉള്പ്പെടെ വലിയ സാമ്പത്തിക ഇടപാടുകള് നടക്കുന്ന വകുപ്പുകളില് പൊലീസ് വിജിലന്സ് സംവിധാനം വേണമെന്നൂം ഡിൈവ.എസ്.പി റാങ്കിലുള്ള ഉദ്യോഗസ്ഥന് ചുമതല നല്കണമെന്നുമാണ് ശിപാര്ശ. ഇത് സര്ക്കാറിന് അധികബാധ്യതയുണ്ടാക്കില്ലെന്നാണ് വിജിലന്സ് വിലയിരുത്തല്. നിലവില് കെ.എസ്.ഇ.ബി, പി.എസ്.സി, ദേവസ്വം തുടങ്ങിയ വകുപ്പുകളിലാണ് പൊലീസ് വിജിലന്സ് സംവിധാനമുള്ളത്.