പോണ്ടിച്ചേരി: പുതുച്ചേരി പോലീസിനെ വെട്ടിലാക്കി സെന്ട്രല് ജയില് തടവുകാരന്റെ വ്യാജ ബോംബ് ഭീഷണി. റെയില്വേ സ്റ്റേഷനിലും രാജ് നിവാസിലും അടുത്ത 24 മണിക്കൂറിനുള്ളില് സ്ഫോടനങ്ങള് നടക്കുമെന്നായിരുന്നു ഭീഷണി. നമ്പര് ട്രേസ് ചെയ്തപ്പോഴാണ് കോള് വന്നത് കലാപേട്ടിലെ സെന്ട്രല് ജയിലില് നിന്നാണെന്ന് വ്യക്തമായത്.
ബോംബ് ഭീഷണിയെ തുടര്ന്നു ബോംബ് സ്ക്വാഡ് റെയില്വേ സ്റ്റേഷനിലും രാജ് നിവാസിലും പരിശോധന നടത്തിയിരുന്നു.
വ്യാജ കോളാണെന്ന് തെളിഞ്ഞതോടെ ജയിലില് പോലീസ് പരിശോധന നടത്തുകയും തടവുകാരില് നിന്ന് 11 ഫോണുകള് കണ്ടെത്തുകയും ചെയ്തു. സംഭവത്തില് വിശദമായ പോലീസ് അന്വേഷണം തുടരുകയാണ്.