സൗത്ത് കരോലിന: പരിശീലനപ്പറക്കലിനിടെ അമേരിക്കൻ യുദ്ധവിമാനം കാണാതായി. ശത്രു റഡാറുകളുടെ കണ്ണില് പെടാതിരിക്കാന് ശേഷിയുള്ള എഫ്-35 വിമാനമാണ് പറക്കലിനിടെ കാണാതായത്.
സൗത്ത് കരോലിനയുടെ തെക്കു-കിഴക്കന് ഭാഗത്തുവച്ചായിരുന്നു അപകടം. വിമാനം കാണാതായെങ്കിലും പൈലറ്റ് അത്ഭുതകരമായി രക്ഷപ്പെട്ടു. ആശുപത്രിയില് പ്രവേശിപ്പിച്ച ഇദ്ദേഹത്തിന്റെ ആരോഗ്യനില തൃപ്തികരമാണെന്ന് അധികൃതര് അറിയിച്ചു.
80 ദശലക്ഷം ഡോളര് വിലമതിക്കുന്ന യുദ്ധ വിമാനം കണ്ടെത്താനുള്ള ശ്രമങ്ങൾ തുടരുകയാണെന്നും സംഭവത്തിൽ അന്വേഷണം പ്രഖ്യാപിച്ചുവെന്നും അധികൃതർ അറിയിച്ചു.