/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/mM3cB9VNqLrnQwm0YgwJ.jpg "publive-image")
വിവാഹമോചിതരായി ഏഴ് വർഷങ്ങൾക്കിപ്പുറം വീണ്ടും ജീവിതത്തിൽ ഒന്നിച്ച് നടൻ രഞ്ജിത്തും നടി പ്രിയ രാമനും. ഔദ്യോഗികമായി വിവാഹ മോചനം നേടിയ രഞ്ജിത്തും പ്രിയ രാമനും ഇപ്പോള്‍ ഒന്നിച്ചാണ് ജീവിക്കുന്നതെന്ന് തമിഴ് മാധ്യമങ്ങൾ റിപ്പോർട്ട് ചെയ്യുന്നു. സമൂഹമാധ്യമത്തിൽ രഞ്ജിത്ത് പങ്കുവച്ച കുറിപ്പും ചിത്രങ്ങളുമാണ് വാർത്തയ്ക്ക് ആധാരം.
‘ ആരാധകരുടെ സ്നേഹാശംസകളാൽ ഞങ്ങളുടെ ഇപ്പോഴത്തെ ജീവിതം വളരെ മനോഹരമായിരിക്കുന്നു’ .-പ്രിയ രാമനൊപ്പമുള്ള ചിത്രങ്ങൾ പങ്കുവച്ച് രഞ്ജിത്ത് കുറിക്കുന്നു. 22ാം വിവാഹ വാർഷിക ദിനത്തിലാണ് പ്രിയയുമൊത്തുള്ള ചിത്രങ്ങൾ രഞ്ജിത്ത് പങ്കുവച്ചത്.
1999ൽ പുറത്തിറങ്ങിയ നേസം പുതുസ് എന്ന ചിത്രത്തിന്റെ ഷൂട്ടിങ്ങിനിടെയാണ് രഞ്ജിത്തും പ്രിയയും പ്രണയത്തിലാവുന്നതും വിവാഹം ചെയ്യുന്നതും. എന്നാൽ 2014 ൽ ഇരുവരും വിവാഹമോചിതരാവുകയും രണ്ട് ആൺമക്കളുടെ സംരക്ഷണം പ്രിയ ഏറ്റെടുക്കുകയും ചെയ്തു.
വിവാഹ മോചനത്തിന് ശേഷം പ്രിയ രാമന്‍, സിനിമകളില്‍ നിന്നും മാറി കൂടുതല്‍ തമിഴ് ടെലിവിഷന്‍ സീരിയലുകളില്‍ ശ്രദ്ധ കേന്ദ്രീകരിച്ചു. രഞ്ജിത്ത് നടി രാഗസുധയെ വിവാഹം ചെയ്തു. 2014–ല്‍ രാഗസുധയെ വിവാഹം ചെയ്യുകയും 2015–ല്‍ തന്നെ വിവാഹ മോചിതരാവുകയും ചെയ്തു.