''ഒരുപാട് പേർക്കുണ്ടാകില്ല ഈ ധൈര്യം,  ഈ തീരുമാനത്തിനോട് ആദരവ് മാത്രം'', ; രാജി തീരുമാനം പരസ്യമായി പ്രഖ്യാപിച്ച രാഹുൽ ഗാന്ധിയ്ക്ക് പിന്തുണയുമായി പ്രിയങ്ക

ഡല്‍ഹി : രാജി തീരുമാനം പരസ്യമായി പ്രഖ്യാപിച്ച രാഹുൽ ഗാന്ധിയ്ക്ക് പിന്തുണയുമായി സഹോദരിയും എഐസിസി ജനറൽ സെക്രട്ടറിയുമായ പ്രിയങ്ക ഗാന്ധി.

'ഒരുപാട് പേർക്കുണ്ടാകില്ല ഈ ധൈര്യം, രാഹുൽ ഗാന്ധി.ഈ തീരുമാനത്തിനോട് ആദരവ് മാത്രം'', പ്രിയങ്ക ട്വീറ്റ് ചെയ്തു. പരസ്യമായി രാഹുൽ ഗാന്ധി രാജി സമർപ്പിച്ച് കത്ത് നൽകിയതിന് പിറ്റേന്നാണ് പ്രിയങ്കയുടെ പ്രതികരണം.

Few have the courage that you do @rahulgandhi. Deepest respect for your decision. https://t.co/dh5JMSB63P

— Priyanka Gandhi Vadra (@priyankagandhi) July 4, 2019

അധികാരത്തിന് വേണ്ടിയല്ല, താൻ രാഷ്ട്രീയത്തിലിറങ്ങിയതെന്നും, ആരോടും വിദ്വേഷമില്ലെന്നും, കോൺഗ്രസ് പാർട്ടിയെ സേവിക്കാനായതിൽ അഭിമാനമുണ്ടെന്നും രാഹുൽ എഴുതിയ രാജിക്കത്ത് ഇന്നലെ പുറത്തു വന്നിരുന്നു.