തിരുവനന്തപുരം: സ്പീക്കര് പി. ശ്രീരാമകൃഷ്ണന് നിഷ്പക്ഷനല്ലെന്ന് പി.ടി. തോമസ് എംഎല്എ. അദ്ദേഹം തനി പാര്ട്ടിക്കാരനാണെന്നും സഭയില് മുഖ്യമന്ത്രിയെ സ്പീക്കര് നിയന്ത്രിക്കുന്നില്ലെന്നും പി.ടി. തോമസ് കുറ്റപ്പെടുത്തി.
പി. ശ്രീരാമകൃഷ്ണനെ സ്പീക്കര് സ്ഥാനത്ത് നിന്നും നീക്കണമെന്ന പ്രതിപക്ഷ പ്രമേയത്തില് സംസാരിക്കുകയായിരുന്നു പി.ടി. തോമസ്. അതേസമയം, ഒരു പ്രാഥമിക അന്വേഷണം പോലും സ്പീക്കര്ക്കെതിരെ നടന്നിട്ടില്ലെന്നും എല്ലാം ആരോപണം മാത്രമാണെന്നും മന്ത്രി ജി. സുധാകരന് പറഞ്ഞു.
നോട്ടീസ് തെറ്റാണ്. സബ്ജക്ടീവായി ആരോപണം ഉന്നയിക്കണം. ഒരുതരത്തിലും തെളിവില്ലാത്തതാണ്. കട ഉദ്ഘാടനം ചെയ്തത് തെറ്റല്ല. പ്രമേയം നിയമത്തിന് വിരുദ്ധമാണെന്നും സുധാകരന് കൂട്ടിച്ചേര്ത്തു.