പാചകം

ഊണിന് രുചികരമായ മാമ്പഴ പുളിശ്ശേരി തയാറാക്കാം

Saturday, June 19, 2021

ചോറിന് ഒഴിച്ച് കൂട്ടാനായി മാമ്ബഴ പുളിശ്ശേരി ഇഷ്ടമല്ലാത്തവരുണ്ടാവില്ല. ഒരു പഴുത്തമാമ്ബഴം പിഴിഞ്ഞ് ചൂടുചോറിലേക്കൊഴിച്ച്‌ കഴിക്കുന്നതിന്റെ സ്വാദ് പറഞ്ഞറിയിക്കാനാവാത്തതാണ്.എന്തായാലും ഒരു മാമ്പഴ പുളിശ്ശേരി തയ്യാറാക്കാൻ ഇന്ന് പഠിക്കാം.

ആവശ്യമുള്ള സാധനങ്ങള്‍

മാമ്ബഴം – 4 എണ്ണം
ഉപ്പ് – പാകത്തിന്
മഞ്ഞള്‍പ്പൊടി – 1/2 ടീസ്പൂണ്‍
പച്ചമുളക് – 3 എണ്ണം
തേങ്ങ ചിരകിയത് – ഒരു കപ്പ്
വെളുത്തുള്ളി – 4 അല്ലി
ജീരകം – ഒരു ടീസ്പൂണ്‍
വെളിച്ചെണ്ണ – 2 ടേബിള്‍ സ്പൂണ്‍
കറിവേപ്പില – 2 തണ്ട്
വറ്റല്‍മുളക് – 3 എണ്ണം
കടുക് – ഒരു ടീസ്പൂണ്‍
തൈര് – 1/2 കപ്പ്

തയാറാക്കുന്ന വിധം

മാമ്പഴം തൊലി കളഞ്ഞ് അല്‍പ്പം വെള്ളവും ഉപ്പും മഞ്ഞള്‍പൊടിയും പച്ചമുളക് കീറിയിട്ടതും ചേര്‍ത്ത് വേവിക്കുക.

തേങ്ങ, വെളുത്തുള്ളി, മഞ്ഞള്‍പൊടി, ജീരകം എന്നിവ ചേര്‍ത്ത് മയത്തില്‍ അരച്ചെടുക്കുക.

ഈ അരപ്പ് മാമ്ബഴം വെന്തതിലേക്ക് ഒഴിക്കുക. അരപ്പ് ചൂടാവുമ്ബോള്‍ കടുക്, കറിവേപ്പില വറ്റല്‍ മുളക് വെളിച്ചെണ്ണയില്‍ ചേര്‍ത്ത് താളിച്ചത് അരപ്പിലേക്ക് ഒഴിക്കുക. അല്‍പ്പം ചൂടാറിയശേഷം കുറച്ചു തൈര് കൂടി ചേര്‍ത്ത് ഇളക്കുക.

×