ബലാത്സംഗക്കേസ് പ്രതിയെ മൗദ കോട്വാലി പോലീസ് സ്റ്റേഷന്റെ ലോക്കപ്പിൽ തൂങ്ങിമരിച്ച നിലയിൽ കണ്ടെത്തി; മൂന്ന് പൊലീസുകാരെ സസ്പെൻഡ് ചെയ്തു

ലക്‌നൗ: ബലാത്സംഗക്കേസ് പ്രതിയെ മൗദ കോട്വാലി പോലീസ് സ്റ്റേഷന്റെ ലോക്കപ്പിൽ തൂങ്ങിമരിച്ച നിലയിൽ കണ്ടെത്തി. സംഭവത്തില്‍ മൂന്ന് പൊലീസുകാരെ സസ്പെൻഡ് ചെയ്തു.

പ്രഥമദൃഷ്ട്യാ കുറ്റക്കാരാണെന്ന് കണ്ടെത്തിയ പോലീസ് സബ് ഇൻസ്പെക്ടറെയും രണ്ട് കോൺസ്റ്റബിൾമാരെയും ഹമീർപൂർ പോലീസ് സൂപ്രണ്ട് നരേന്ദ്ര കുമാർ സിംഗ് സസ്‌പെൻഡ് ചെയ്തു.

മഹോബ ജില്ലയിലെ ഖണ്ടുവ ഗ്രാമവാസിയായ സഞ്ജയ് ആണ്‌ ചൊവ്വാഴ്ച രാത്രി മൗദ കോട്ട്വാലിയുടെ ലോക്കപ്പിൽ തൂങ്ങിമരിച്ചത്. ഇയാളെ ജില്ലാ ആശുപത്രിയിലേക്ക് കൊണ്ടുപോയെങ്കിലും ഡോക്ടർമാർ മരിച്ചതായി അറിയിച്ചു.

കൗമാരക്കാരിയായ പെൺകുട്ടിയെ ബലാത്സംഗം ചെയ്തുവെന്നാരോപിച്ചാണ് ഇയാളെ പൊലീസ് അറസ്റ്റ് ചെയ്തത്‌. പ്രഥമദൃഷ്ട്യാ കുറ്റക്കാരാണെന്ന് കണ്ടെത്തിയ സബ് ഇൻസ്പെക്ടറെയും രണ്ട് കോൺസ്റ്റബിൾമാരെയും സസ്‌പെൻഡ് ചെയ്തു.

മുഴുവൻ കേസുകളുടെയും അന്വേഷണം അഡീഷണൽ പോലീസ് സൂപ്രണ്ട് (എ.എസ്.പി) ഹാമിർപൂരിന് കൈമാറിയിട്ടുണ്ട്. മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ട്.