കൊച്ചി: മുഖ്യമന്ത്രിയുടെ ദുരിതാശ്വാസ നിധിയിലേക്ക് സംവിധായകന് ആഷിഖ് അബുവും ഭാര്യ നടി റീമ കല്ലിങ്കലും പണം നല്കിയിട്ടില്ലെന്ന ആരോപണവുമായി യുവമോര്ച്ച സംസ്ഥാന സെക്രട്ടറി സന്ദീപ് വാര്യര്.
തന്റെ ഫേസ്ബുക്ക് പോസ്റ്റിലൂടെയാണ് ഇക്കാര്യം വ്യക്തമാക്കിയത്.
മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് നല്കാനെന്ന വാഗ്ദാനവുമായി ഇവര് നടത്തിയ 'കരുണ മ്യൂസിക് കണ്സേര്ട്ട്' എന്ന പരിപാടിയിലൂടെ സമാഹരിച്ച പണം ദുരിതാശ്വാസ നിധിയിലേയ്ക്ക് കൈമാറിയിട്ടില്ലെന്നാണ് സന്ദീപ് പറയുന്നത്. ഇത് സംബന്ധിച്ച് വിവരാവകാശ രേഖയുടെ പകര്പ്പും സന്ദീപ് ഫേസ്ബുക്ക് പോസ്റ്റില് ചേര്ത്തിട്ടുണ്ട്.
ഈ തുക ദുരിതാശ്വാസ നിധിയിലേയ്ക്ക് കൈമാറിയിട്ടില്ല. ഒരു ദേശീയ ദിനപത്രവും ഇതു സംബന്ധിച്ച് വാര്ത്ത നല്കിയിട്ടുണ്ടെന്നും സന്ദീപ് പറയുന്നു.