കൊയിലാണ്ടി: തിരുവങ്ങൂരിൽ എട്ടു വീടുകളിൽ മോഷണശ്രമം. ബുധനാഴ്ച പുലര്ച്ചയാണ് നാലുപേരടങ്ങിയ സംഘം വീടുകളില് മോഷണത്തിനെത്തിയത്. പുളളാട്ടില് അഷറഫിന്റെ വീട്ടില് നിന്ന് രണ്ടര പവന്റെ സ്വര്ണാഭരണങ്ങളും മൂവായിരം രൂപയും കവർന്നു. തിരുവങ്ങൂർ വില്ലേജ് ഓഫിസിനടുത്തുള്ള എട്ടു വീടുകളിൽ മോഷണശ്രമം നടന്നു.
രാവിലെ വീട്ടുകാർ എഴുന്നേറ്റപ്പോൾ അടുക്കള ഭാഗത്തെ വാതില് തുറന്നുകിടക്കുകയായിരുന്നു. കവർച്ച സംഘത്തിന്റെ ദൃശ്യം വിവിധ നിരീക്ഷണ കാമറകളിൽ പതിഞ്ഞിട്ടുണ്ട്. വലിയ കവർച്ച സംഘത്തിന്റെ ഭാഗമാണ് ഇവരെന്നു കരുതുന്നു. വിഡിയോ ദൃശ്യങ്ങൾ വിവിധ സ്റ്റേഷനുകളിലേക്ക് കൈമാറി.