എൻ. പരമേശ്വരൻ നമ്പൂതിരി ശബരിമലയിലെ പുതിയ മേൽശാന്തി, ശംഭു നമ്പൂതിരി മാളികപ്പുറം മേൽ ശാന്തി

പത്തനംതിട്ട: ശബരിമലയിലെ പുതിയ മേൽശാന്തിയായി മാവേലിക്കര തട്ടാരമ്പലം കണ്ടിയൂർ കളീയ്ക്കൽ മഠം (നീലമന ഇല്ലം) എൻ. പരമേശ്വരൻ നമ്പൂതിരി(49)യെ തിരഞ്ഞെടുത്തു. സന്നിധാനത്ത് രാവിലെ നടന്ന നറുക്കെടുപ്പിലൂടെയാണ് പുതിയ മേൽശാന്തിയെ കണ്ടെത്തിയത്.

പരേതനായ നാരായണൻ നമ്പൂതിരിയുടെയും സുഭദ്ര അന്തർജനത്തിന്റെയും മകനാണ്. ഹരിപ്പാട് ചെട്ടികുളങ്ങര, പമ്പ മഹാഗണപതി ക്ഷേത്രം എന്നീ പ്രധാന ക്ഷേത്രങ്ങളിൽ മേൽശാന്തിയായിരുന്നിട്ടുണ്ട്. നിലവിൽ ഏവൂർ ശ്രീകൃഷ്ണ സ്വാമി ക്ഷേത്രത്തിലെ മേൽശാന്തി.

ഭാര്യ : പൈവള്ളിക്കൽ ഇല്ലം ഉമാദേവി അന്തർജനം (അധ്യാപിക, മാവേലിക്കര ഇൻഫന്റ് ജീസസ് സ്കൂൾ) മക്കൾ : നാരായണൻ നമ്പൂതിരി (ഐഐടി വിദ്യാർഥി കർണാടക), വിഷ്ണു നമ്പൂതിരി ( ഡിഗ്രി വിദ്യാർഥി മാവേലിക്കര ബിഷപ് മൂർ ) മാളികപ്പുറം മേൽശാന്തിയായി കോഴിക്കോട് കല്ലായി ഋഷി നിവാസിൽ കുറുവക്കാട്ട് ഇല്ലത്ത് ശംഭു നമ്പൂതിരിയെ തിരഞ്ഞെടുത്തു.

പന്തളം കൊട്ടാരത്തിൽ നിന്ന് എത്തുന്ന 10 വയസ്സിന് മുകളിൽ പ്രായമുള്ള രണ്ട് ആൺകുട്ടികളാണ് നറുക്ക് എടുത്തത്.