പരിണീതി ശരിക്കും തന്നെപ്പോലുണ്ടെന്ന്​ സൈന

ഫിലിം ഡസ്ക്
Friday, March 5, 2021

മുന്‍ ലോക ഒന്നാം നമ്പര്‍ താരം സൈന നെഹ്​വാളിന്‍റെ ജീവചരിത്രം സിനിമയായി എത്തുമ്പോള്‍ അവരുടെ വേഷം ഭംഗിയാക്കിയ പരിണീതി ചോപ്രക്ക്​ കായിക താരത്തിന്‍റെ​ സ്​നേഹവും അനുമോദനവും.

വ്യാഴാഴ്ചയാണ്​ ചിത്രത്തിന്‍റെ ടീസര്‍ പുറത്തെത്തിയത്​. ഉടനീളം മനോഹരമായി റാ​ക്കറ്റേന്തുന്ന പരിണീതി ശരിക്കും ചെറിയ ഞാന്‍ തന്നെയാണെന്ന്​ സൈന കുറിച്ചു. ”ഉദാത്തവും മനോഹരവുമാണിത്​.. കൊച്ചു സൈനയായുള്ള വേഷം ശരിക്കും ഇഷ്​ടമായി..” സൈന ട്വിറ്ററില്‍ കുറിച്ചു.

സൈനയുടെ ജീവിതവും കളിയുമാണ്​ സിനിമ ലോകത്തിനായി സമര്‍പിക്കുന്നത്​. മക്കളെ പഠിപ്പിച്ച്‌​ 18 വയസ്സില്‍ വിവാഹം ചെയ്​തയക്കാന്‍ മാതാപിതാക്കള്‍ പ്രേരിപ്പിച്ചിട്ടും പകരം റാക്കറ്റെടുക്കുകയായിരുന്നുവെന്ന്​ സൈനയുടെ വാക്കുകള്‍ സിനിമ ഉദ്ധരിക്കുന്നുണ്ട്​.

×