കൊവിഡാനന്തര ആരോഗ്യപ്രശ്‌നങ്ങള്‍; മലയാളി മാധ്യമപ്രവര്‍ത്തകന്‍ സന്തോഷ് കുമാര്‍ ദുബായിയില്‍ മരിച്ചു

ദുബായ്: മുതിര്‍ന്ന മലയാളി മാധ്യമപ്രവര്‍ത്തകന്‍ സന്തോഷ് കുമാര്‍ (55) ദുബായിയില്‍ മരിച്ചു. ഗള്‍ഫ് ന്യൂസ് പത്രത്തിന്റെ അസിസ്റ്റന്റ് എഡിറ്ററായ ഇദ്ദേഹം തിരുവനന്തപുരം പട്ടം സ്വദേശിയാണ്. കൊവിഡാനന്തര ആരോഗ്യപ്രശ്‌നങ്ങള്‍ മൂലമാണ് മരണം.

കൊവിഡ് മാറിയിരുന്നെങ്കിലും തുടര്‍ന്നുണ്ടായ ആരോഗ്യപ്രശ്‌നങ്ങള്‍ മൂലമം ഒരു മാസത്തിലേറെയായി ചികിത്സയിലായിരുന്നു. ഡെക്കാന്‍ ഹെറാള്‍ഡ്, ഖത്തറിലെ 'ദ പെനിന്‍സുല' എന്നീ മാധ്യമങ്ങളിലും ഇദ്ദേഹം പ്രവര്‍ത്തിച്ചിട്ടുണ്ട്.

വ്യാഴാഴ്ച ദുബായില്‍ കൊവിഡ് പ്രോട്ടോക്കോള്‍ പാലിച്ച് സംസ്‌കാരം നടക്കും. മായ മേരി തോമസാണ് ഇദ്ദേഹത്തിന്റെ ഭാര്യ. ശ്രുതി, പല്ലവി എന്നിവര്‍ മക്കളാണ്.