ശ്രീനഗര്: ജമ്മു കാഷ്മീരിലെ ജനങ്ങള്ക്കു ടെലിഫോണ് പ്രധാനപ്പെട്ട കാര്യമല്ലെന്നും ഭീകരവിന്യാസത്തിനാണു ഫോണുകള് ഉപയോഗിക്കുന്നതെന്നും ഗവര്ണര് സത്യപാല് മാലിക്. ജമ്മു കാഷ്മീരില് മൊബൈല് ഫോണ് സേവനങ്ങള് പുനഃസ്ഥാപിച്ചുകൊണ്ടുള്ള കേന്ദ്രസര്ക്കാര് നീക്കത്തിനു പിന്നാലെയാണു ഗവര്ണറുടെ പരാമര്ശം.
ടെലഫോണ് കാഷ്മീരികളെ സംബന്ധിച്ചു പ്രധാനപ്പെട്ടതല്ല. ജനങ്ങള് നേരത്തെയും ഫോണില്ലാതെ ജീവിച്ചിട്ടുണ്ട്. ഭീകരര് അവരുടെ പ്രവര്ത്തനങ്ങള്ക്കും വിന്യാസത്തിനും വേണ്ടിയാണ് അവ ഉപയോഗിക്കുന്നത്. ഇന്റര്നെറ്റ് സേവനങ്ങളും അധികം വൈകാതെ തന്നെ പുനസ്ഥാപിക്കുമെന്നും മാലിക് പറഞ്ഞു. ജനങ്ങള്ക്ക് ഇനി സാധാര ജീവിതത്തിലേക്കു മടങ്ങാമെന്നും യുവതീയുവാക്കള്ക്ക് ഇനി പരസ്പരം സംസാരിക്കാമെന്നും ഗവര്ണര് കൂട്ടിച്ചേര്ത്തു.
ആര്ട്ടിക്കിള് 370 റദ്ദാക്കി 72 ദിവസങ്ങള്ക്കു ശേഷമാണു കാഷ്മീരില് മൊബൈല് സേവനങ്ങള് പുനഃസ്ഥാപിച്ചത്. ബിഎസ്എന്എല് പോസ്റ്റ് പെയ്ഡ് മൊബൈല് ഫോണുകളുടെ സേവനം മാത്രമാണു പുനഃസ്ഥാപിച്ചത്. 40 ലക്ഷത്തോളം പോസ്റ്റ് പെയ്ഡ് മൊബൈല് സര്വീസുകളാണ് കാഷ്മീരിലുള്ളത്. അതേസമയം പ്രി പെയ്ഡ് സര്വീസുകളും ഇന്റര്നെറ്റ് സേവനങ്ങള്ക്കും ഉള്ള വിലക്കു തുടരുകയാണ്.