നോട്ടയ്ക്ക് പരമാവധി വോട്ടുകള്‍ ലഭിച്ചാല്‍ തിരഞ്ഞെടുപ്പ് ഫലം അസാധുവാക്കണമെന്ന് ഹര്‍ജി; കേന്ദ്രത്തിനും ഇലക്ഷന്‍ കമ്മീഷനും സുപ്രീംകോടതി നോട്ടീസ്‌

ന്യൂസ് ബ്യൂറോ, ഡല്‍ഹി
Monday, March 15, 2021

ഡല്‍ഹി: നോട്ടയ്ക്ക് പരമാവധി വോട്ടുകള്‍ ലഭിച്ചാല്‍ തിരഞ്ഞെടുപ്പ് ഫലം അസാധുവാക്കാൻ വോട്ടെടുപ്പ് പാനലിനോട് നിർദ്ദേശിക്കണമെന്നും പുതിയ വോട്ടെടുപ്പ് നടത്തണമെന്നും ആവശ്യപ്പെട്ട് സമർപ്പിച്ച ഹർജിയിൽ സുപ്രീം കോടതി തിങ്കളാഴ്ച കേന്ദ്രത്തിൽ നിന്നും തിരഞ്ഞെടുപ്പ് കമ്മീഷനിൽ നിന്നും പ്രതികരണം തേടി.

ചീഫ് ജസ്റ്റിസ് എസ് എ ബോബ്ഡെ, ജസ്റ്റിസുമാരായ എസ് ബോപണ്ണ, വി രാമസുബ്രഹ്മണ്യൻ എന്നിവരടങ്ങിയ ബെഞ്ച് നിയമ, നീതിന്യായ മന്ത്രാലയത്തിനും ഇന്ത്യൻ തിരഞ്ഞെടുപ്പ് കമ്മീഷനും നോട്ടീസ് നൽകി. മുതിർന്ന അഭിഭാഷകൻ മനേക ഗുരുസ്വാമി ഹര്‍ജിക്കാരനു വേണ്ടി ഹാജരായി.

അഭിഭാഷകനും ബിജെപി നേതാവുമായ അശ്വിനി കുമാർ ഉപാധ്യായ സമർപ്പിച്ച ഹർജിയിൽ സുപ്രീംകോടതി വാദം കേൾക്കുകയായിരുന്നു. തെരഞ്ഞെടുപ്പ് അസാധുവാക്കിയ സ്ഥാനാർത്ഥികളെയും രാഷ്ട്രീയ പാർട്ടികളെയും പുതിയ തിരഞ്ഞെടുപ്പിൽ പങ്കെടുക്കുന്നതിൽ നിന്ന് തടയാൻ തിരഞ്ഞെടുപ്പ് കമ്മീഷന് നിർദേശം നൽകി.

മത്സരിക്കുന്ന സ്ഥാനാർത്ഥിയുടെ പശ്ചാത്തലത്തിലോ പ്രകടനത്തിലോ വോട്ടർമാർ അസംതൃപ്തരാണെങ്കിൽ, അത്തരം സ്ഥാനാർത്ഥിയെ നിരസിക്കാനും പുതിയ സ്ഥാനാർത്ഥിയെ തിരഞ്ഞെടുക്കാനും അവർ നോട്ടയ്ക്ക് വോട്ട് ചെയ്യും.നിവേദനത്തിൽ പറയുന്നു.

×