'സ്വയം കുടപിടിക്കുന്നത് ലാളിത്യമെങ്കിൽ, സഹജീവികൾ നോക്കിനിൽക്കേ നട്ടുച്ചക്കും നട്ടപ്പാതിരയ്ക്കും കാര്യസ്ഥന്മാരെക്കൊണ്ടത് പിടിപ്പിക്കുന്ന സൂപ്പർതാരങ്ങളൊക്കെ ഏതു ഗണത്തിലാ പെടുക..?'-വിമര്‍ശനവുമായി ഷമ്മി തിലകന്‍

പാര്‍ലമെന്‍റ് വര്‍ഷകാല സമ്മേളനത്തില്‍ മഴയത്ത് സ്വയം കുട ചൂടി പ്രധാനമന്ത്രി നരേന്ദ്ര മോദിയെത്തിയത് ശ്രദ്ധേയമായിരുന്നു. പ്രധാനമന്ത്രിയെ പുകഴ്ത്തി കേന്ദ്രമന്ത്രി വി. മുരളീധരന്‍, സംവിധായകന്‍ പ്രിയദര്‍ശന്‍ തുടങ്ങിയവരും രംഗത്തെത്തിയിരുന്നു.

ഇപ്പോഴിതാ ഈ വിഷയം പരാമര്‍ശിച്ച് സൂപ്പർതാരങ്ങളെ വിമർശിക്കുകയാണ് നടൻ ഷമ്മി തിലകൻ. സ്വയം കുടപിടിക്കുന്നത് ലാളിത്യമെങ്കിൽ, സഹജീവികൾ നോക്കിനിൽക്കേ നട്ടുച്ചക്കും നട്ടപ്പാതിരയ്ക്കും കാര്യസ്ഥന്മാരെക്കൊണ്ടത് പിടിപ്പിക്കുന്ന സൂപ്പർതാരങ്ങളൊക്കെ ഏതു ഗണത്തിലാ പെടുക എന്നാണ് ഷമ്മി തിലകന്‍റെ ചോദ്യം.

https://www.facebook.com/shammythilakanofficial/posts/364720808356496

ഉടന്‍ തന്നെ പോസ്റ്റ് വൈറലായി. അനുകൂലിച്ചും പ്രതികൂലിച്ചും നിരവധി പേരാണ് പോസ്റ്റിന് താഴെ കമന്റ് ചെയ്തിരിക്കുന്നത്. പോസ്റ്റിന് വന്ന കമന്റുകളില്‍ ചിലതിന് ഷമ്മി മറുപടിയും കൊടുത്തിട്ടുണ്ട്.