ശാ​ന്ത​ൻ​പാ​റ കൊ​ലപാതകത്തില്‍ ആദ്യ അറസ്റ്റ്. കുരുക്ക് വീണത് റി​സോ​ർ​ട്ട് മാ​നേ​ജ​ര്‍ വ​സീ​മി​ന്‍റെ സ​ഹോ​ദ​ര​ൻ ഭ​ഗ​ത്തിന് !

ന്യൂസ് ബ്യൂറോ, ഇടുക്കി
Friday, November 8, 2019

ഇ​ടു​ക്കി: ശാ​ന്ത​ൻ​പാ​റ​യി​ൽ ഫാം ​ഹൗ​സ് ജീ​വ​ന​ക്കാ​ര​ൻ മു​ല്ലൂ​ർ റി​ജോ​ഷിന്റെ കൊ​ലപാതകത്തില്‍ ആദ്യ അറസ്റ്റ് നടന്നു.ൽ റി​സോ​ർ​ട്ട് മാ​നേ​ജ​ര്‍ വ​സീ​മി​ന്‍റെ സ​ഹോ​ദ​ര​ൻ ഭ​ഗ​ത് ആ​ണ് അ​റ​സ്റ്റി​ലാ​യ​ത്. കൊ​ല​പാ​ത​ക​ത്തി​ന് ശേ​ഷം തെ​ളി​വ് ന​ശി​പ്പി​ക്കാ​നും പോ​ലീ​സ് അ​ന്വേ​ഷ​ണം വ​ഴി​തെ​റ്റി​ക്കാ​നും ശ്ര​മി​ച്ച​തി​നാ​ണ് അ​റ​സ്റ്റ്.

കൊ​ല​പാ​ത​കം താ​ൻ​ത​ന്നെ ന​ട​ത്തി​യ​താ​ണെ​ന്നു പ​റ​യു​ന്ന വ​സി​മി​ന്‍റെ വീ​ഡി​യോ വ്യാ​ഴാ​ഴ്ച വൈ​കി​ട്ടോ​ടെ പു​റ​ത്തു​വ​ന്നി​രു​ന്നു. അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി വ​സീ​മി​ന്‍റെ സ​ഹോ​ദ​ര​നെ​യും സു​ഹൃ​ത്തു​ക്ക​ളെ​യും ശാ​ന്ത​ൻ​പാ​റ പോ​ലീ​സ് സ്റ്റേ​ഷ​നി​ൽ വി​ളി​ച്ചു​വ​രു​ത്തി​യി​രു​ന്നു. ഇ​തി​നി​ട​യി​ലാ​ണ് അ​നു​ജ​ന്‍റെ വാ​ട്സ്ആ​പ്പി​ലേ​ക്കു വീ​ഡി​യോ സ​ന്ദേ​ശം എ​ത്തി​യ​ത്.

ഒ​ക്‌​ടോ​ബ​ർ 31 മു​ത​ൽ കാ​ണാ​താ​യ റി​ജോ​ഷി​ന്‍റെ മൃ​ത​ദേ​ഹം ഫാം ​ഹൗ​സി​ന്‍റെ സ​മീ​പ​ത്തു നി​ർ​മി​ക്കു​ന്ന മ​ഴ​വെ​ള്ള സം​ഭ​ര​ണി​യോ​ടു ചേ​ർ​ന്നു കു​ഴി​ച്ചി​ട്ട നി​ല​യി​ൽ വ്യാ​ഴാ​ഴ്ച​യാ​ണ് ക​ണ്ടെ​ത്തി​യ​ത്. റി​ജോ​ഷി​നെ കൊ​ല​പ്പെ​ടു​ത്തി​യ​ത് തു​ണി​യോ ക​യ​റോ പോ​ലു​ള്ള വ​സ്തു​ക്ക​ൾ ഉ​പ​യോ​ഗി​ച്ച് ക​ഴു​ത്തു​ഞെ​രി​ച്ചാ​ണെ​ന്നാ​ണ് പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ വ്യ​ക്ത​മാ​യി​രു​ന്നു. ശ​രീ​ര​ത്തി​ൽ മു​റി​വു​ക​ളോ പാ​ടു​ക​ളോ ഒ​ന്നു​മി​ല്ലെ​ന്നും പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​ട്ടു​ണ്ട്.

റി​ജോ​ഷി​നെ കാ​ണാ​താ​യ​തു സം​ബ​ന്ധി​ച്ചു ന​വം​ബ​ർ നാ​ലി​ന് ബ​ന്ധു​ക്ക​ൾ ശാ​ന്ത​ൻ​പാ​റ പോ​ലീ​സി​ൽ പ​രാ​തി ന​ൽ​കി​യി​രു​ന്നു. ഭാ​ര്യ ലി​ജി​യെ പോ​ലീ​സ് ചോ​ദ്യം ചെ​യ്ത​പ്പോ​ൾ ഭ​ർ​ത്താ​വ് ക​ഴി​ഞ്ഞ ദി​വ​സ​ങ്ങ​ളി​ൽ കോ​ഴി​ക്കോ​ട്, തൃ​ശൂ​ർ എ​ന്നി​വി​ട​ങ്ങ​ളി​ൽ​നി​ന്നു ഫോ​ണി​ൽ വി​ളി​ച്ചി​രു​ന്ന​താ​യാ​ണു മൊ​ഴി ന​ൽ​കി​യ​ത്. എ​ന്നാ​ൽ പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ വി​ളി​ച്ച​ത് വ​സീ​മി​ന്‍റെ സ​ഹോ​ദ​ര​നും സു​ഹൃ​ത്തു​ക്ക​ളു​മാ​ണെ​ന്ന് വ്യ​ക്ത​മാ​യി.

×