ന്യൂഡല്ഹി: വരുന്ന പശ്ചിമബംഗാള് നിയമസഭാ തെരഞ്ഞെടുപ്പില് മത്സരിക്കുമെന്ന് ശിവസേന. തൃണമൂല് കോണ്ഗ്രസ് നേതാവും മുഖ്യമന്ത്രിയുമായ മമത ബാനര്ജിയും ബിജെപിയും തമ്മിലുള്ള നേര്ക്കുനേര് പോരാട്ടത്തിലേക്കാണ് ശിവസേനയും എത്തുന്നത്. പാര്ട്ടി വക്താവും എംപിയുമായ സഞ്ജയ് റൗത്ത് ആണ് ശിവസേന മത്സരിക്കുന്ന വിവരം പുറത്തുവിട്ടത്.
"ഏറെ പ്രതീക്ഷയോടെ കാത്തിരുന്ന വിവരം ഇതാ. പാര്ട്ടി അധ്യക്ഷന് ഉദ്ദവ് താക്കറെയുമായുള്ള ചര്ച്ചയ്ക്ക് ശേഷം പശ്ചിമ ബംഗാള് നിയമസഭാ തെരഞ്ഞെടുപ്പില് മത്സരിക്കാന് ശിവസേന തീരുമാനിച്ചു. ഞങ്ങള് ഉടന് കോല്ക്കത്തയിലെത്തും'- റൗത്ത് ട്വീറ്റ് ചെയ്തു.