ഷാജുവിനോട് കൂടുതല്‍ അടുപ്പം വേണ്ടെന്ന സിലിയുടെ ആവര്‍ത്തിച്ചുള്ള മുന്നറിയിപ്പ് കൊലയ്ക്ക് കാരണമായി ; റോയി മരിച്ച ശേഷം ജോളി ഷാജുവുമായി നടത്തിയ സാമ്പത്തിക ഇടപാടുകളിലും സിലിക്ക് എതിര്‍പ്പുണ്ടായിരുന്നു ;  സിലിയോടുള്ള അടങ്ങാത്ത വിരോധം കാരണം മകള്‍ ആല്‍ഫൈനെ കൊലപ്പെടുത്തി ആദ്യം പകതീര്‍ത്തു ; ജോളിയുടെ ഞെട്ടിക്കുന്ന വെളിപ്പെടുത്തലുകളില്‍ പകച്ച് പൊലീസും

കോ​ഴി​ക്കോ​ട്: കൂ​ട​ത്താ​യി കൊ​ല​പാ​ത​ക പ​ര​മ്പ​ര​ക്കേ​സി​ലെ മു​ഖ്യ​പ്ര​തി ജോ​ളി​യു​ടെ ര​ണ്ടാം ഭ​ര്‍​ത്താ​വ് ഷാ​ജു​വി​ന് വീ​ണ്ടും ചോ​ദ്യം ചെ​യ്യ​ലി​ന് ഹാ​ജ​രാ​കാ​ന്‍ നി​ര്‍​ദ്ദേ​ശം. ബു​ധ​നാ​ഴ്ച എ​സ്പി ഓ​ഫീ​സി​ല്‍ ഹാ​ജ​രാ​കാ​നാ​ണ് അ​ന്വേ​ഷ​ണ​സം​ഘം നി​ര്‍​ദേ​ശി​ച്ചി​രി​ക്കു​ന്ന​ത്. ആ​ദ്യ​ഭാ​ര്യ സി​ലി ജീ​വി​ച്ചി​രി​ക്കെ​ത​ന്നെ ഷാ​ജു​വി​ന് ജോ​ളി​യു​മാ​യി ബ​ന്ധ​മു​ണ്ടാ​യി​രു​ന്ന​തി​ന്‍റെ തെ​ളി​വു​ക​ള്‍ പോ​ലീ​സ് ക​ണ്ടെ​ത്തി​യി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ചോ​ദ്യം ചെ​യ്യ​ല്‍.സി​ലി​യു​ടെ മൃ​ത​ദേ​ഹം ഓ​മ​ശേ​രി​യി​ലെ ശാ​ന്തി ആ​ശു​പ​ത്രി​യി​ല്‍​നി​ന്ന് ബ​ന്ധു​ക്ക​ള്‍​ക്ക് വി​ട്ടു​കൊ​ടു​ത്ത​പ്പോ​ള്‍ സി​ലി​യു​ടെ ആ​ഭ​ര​ണ​ങ്ങ​ള്‍ ജോ​ളി ഏ​റ്റു​വാ​ങ്ങി​യ​ത് ഷാ​ജു​വി​നെ​തി​രേ​യു​ള്ള ശ​ക്ത​മാ​യ തെ​ളി​വാ​ണെ​ന്ന് ക്രൈം​ബ്രാ​ഞ്ച് വൃ​ത്ത​ങ്ങ​ള്‍ പ​റ​യു​ന്നു.

സി​ലി​യു​ടെ ഭ​ര്‍​ത്താ​വ് ഷാ​ജു, സി​ലി​യു​ടെ സ​ഹോ​ദ​ര​ന്‍ സി​ജോ തു​ട​ങ്ങി ഏ​റ്റ​വും അ​ടു​ത്ത ബ​ന്ധു​ക്ക​ള്‍ ആ​ശു​പ​ത്രി​യി​ല്‍ ഉ​ണ്ടാ​യി​ട്ടും അ​ത്ര​യും ബ​ന്ധ​മി​ല്ലാ​ത്ത ജോ​ളി ആ​ഭ​ര​ണ​ങ്ങ​ള്‍ ഏ​റ്റു​വാ​ങ്ങാ​ന്‍ കാ​ര​ണം ഷാ​ജു​വി​ന് ജോ​ളി​യു​മാ​യി നേ​ര​ത്തെ ബ​ന്ധ​മു​ണ്ടെ​ന്ന​തി​ന്‍റെ ശ​ക്ത​മാ​യ തെ​ളി​വാ​യാ​ണ് പോ​ലീ​സ് വി​ല​യി​രു​ത്ത​ല്‍.

സി​ലി​യു​ടെ മൃ​ത​ദേ​ഹം പോ​സ്റ്റ്മോ​ര്‍​ട്ടം ചെ​യ്യ​ണ​മെ​ന്ന് സ​ഹോ​ദ​ര​നാ​യ സി​ജോ വാ​ശി​പി​ടി​ച്ച​പ്പോ​ള്‍ ഷാ​ജു​വും ജോ​ളി​യും ചേ​ര്‍​ന്ന് എ​തി​ര്‍​ത്ത​തും ഇ​രു​വ​ര്‍​ക്കു​മെ​തി​രാ​യ തെ​ളി​വാ​കു​മെ​ന്ന് പോ​ലീ​സ് പ​റ​ഞ്ഞു. ഒ​ടു​വി​ല്‍ സി​ജോ വ​ഴ​ങ്ങി​യ​പ്പോ​ള്‍ പോ​സ്റ്റ്മോ​ര്‍​ട്ടം വേ​ണ്ടെ​ന്ന് എ​ഴു​തി ഒ​പ്പി​ട്ടു​കൊ​ടു​ക്കാ​ന്‍ ഇ​രു​വ​രും ചേ​ര്‍​ന്ന് സി​ജോ​യെ നി​ര്‍​ബ​ന്ധി​ച്ചു.

എ​ന്നാ​ല്‍ സ​ഹോ​ദ​രി​യു​ടെ മ​ര​ണ​ത്തി​ല്‍ മാ​ന​സി​ക​നി​ല തെ​റ്റി​യ സി​ജോ ഒ​ന്നി​നും ത​യാ​റാ​കാ​തെ നി​ല​ത്തി​രു​ന്ന് ക​ര​ഞ്ഞു.സിലി കൊല്ലപ്പെടുമെന്ന വിവരം ഷാജുവിന് അറിയാമായിരുന്നുവെന്ന് ജോളി അന്വേഷണ ഉദ്യോഗസ്ഥര്‍ക്കു മൊഴി നല്‍കി. സിലിയെ കൊലപ്പെടുത്തിയ ശേഷം ഷാജുവിനു മൊബൈല്‍ ഫോണില്‍ മെസേജ് അയച്ചിരുന്നു. ‘എവരിതിങ് ക്ലിയര്‍’ എന്നാണു സന്ദേശമയച്ചത്. ഷാജുവിനെ സ്വന്തമാക്കാനാണ് സിലിയെ കൊലപ്പെടുത്തിയതെന്നും ജോളി മൊഴി നല്‍കി.

ആശുപത്രിയില്‍ ഷാജു തൊട്ടടുത്തുതന്നെ ഉണ്ടായിരുന്നെങ്കിലും സിലിയോടുള്ള അടങ്ങാത്ത വിരോധം കാരണം പ്രത്യേക മാനസികാവസ്ഥയില്‍ ആയിരുന്നതാണ് സന്ദേശമയയ്ക്കാന്‍ കാരണം. ഷാജുവിനോട് കൂടുതല്‍ അടുപ്പം വേണ്ടെന്ന സിലിയുടെ ആവര്‍ത്തിച്ചുള്ള മുന്നറിയിപ്പ് കൊലയ്ക്ക് കാരണമായെന്ന് ജോളി അന്വേഷണ സംഘത്തോട് സമ്മതിച്ചു.

സിലി കൊല്ലപ്പെടുമെന്ന് ഷാജുവിന് അറിയാമായിരുന്നു.ഭര്‍ത്താവ് റോയി മരിച്ച ശേഷം ജോളി ഷാജുവുമായി നടത്തിയ സാമ്പത്തിക ഇടപാടുകളിലും സിലിക്ക് എതിര്‍പ്പുണ്ടായിരുന്നു. ഇത് സിലി ജോളിയോടുതന്നെ പലതവണ പറഞ്ഞു. ഇതിന്റെ പേരില്‍ ഷാജുവിന്റെ മാതാപിതാക്കള്‍ സിലിയോട് കലഹിച്ചു.

സിലിയുടെ മകള്‍ ആല്‍ഫൈനെ കൊലപ്പെടുത്തി ആദ്യം പകതീര്‍ത്തു. സിലിയുടേയും മകള്‍ ഒന്നര വയസ്സുകാരി ആല്‍ഫൈന്റെ കൊലപാതകത്തില്‍ നിര്‍ണായകമായി ദൃക്‌സാക്ഷിമൊഴിയും നേരത്തെ പുറത്തുവന്നിരുന്നു. പുലിക്കയത്തെ വീട്ടില്‍ ഷാജുവിന്റെ മൂത്ത മകന്റെ ആദ്യകുര്‍ബാന വിരുന്ന് നടക്കുന്നതിനിടെ അടുക്കളയില്‍ വച്ച്‌ കുഞ്ഞിനുള്ള ഭക്ഷണം ജോളി കൈമാറുന്നത് കണ്ടെന്ന സാക്ഷി മൊഴിയാണ് പൊലീസിന് ലഭിച്ചത്. ഇതുവച്ച്‌ നടത്തിയ ചോദ്യം ചെയ്യലില്‍ ജോളി കുറ്റം സമ്മതിക്കുകയായിരുന്നു.

മുറ്റത്തെ പന്തലില്‍ ബന്ധുക്കളോടൊപ്പം ഭക്ഷണം കഴിക്കുകയായിരുന്ന സിലി, വീടിനകത്തായിരുന്ന കുഞ്ഞിന് ഭക്ഷണം നല്‍കാന്‍ ഷാജുവിന്റെ സഹോദരിയെ വിളിച്ചേല്‍പ്പിച്ചു. ഇതുകേട്ട ജോളി അടുക്കളയിലെത്തി ബ്രെഡില്‍ സയനൈഡ് ചേര്‍ത്ത് ഇവര്‍ക്കു നല്‍കുകയായിരുന്നു. വിഷമാണെന്ന് അറിയാതെ ഷാജുവിന്റെ സഹോദരി ബ്രെഡ് ഇറച്ചിക്കറിയില്‍ മുക്കി കുഞ്ഞിന് നല്‍കുകയും ചെയ്തു.

ജോളിയും ഷാജുവിന്റെ മാതാപിതാക്കളും അയല്‍വാസിയായ സ്ത്രീയും ജോലിക്കാരിയുമാണ് ആ സമയം അടുക്കളയില്‍ ഉണ്ടായിരുന്നതെന്നും ദൃക്‌സാക്ഷി മൊഴിയില്‍ പറയുന്നു. കുഞ്ഞിനെയും കൊണ്ട് ആശുപത്രിയിലേക്ക് വാഹനം പുറപ്പെട്ടതിനു തൊട്ടുപിന്നാലെ ഷാജുവിന്റെ പിതാവ് സക്കറിയാസിനെ കൂട്ടി ജോളി മറ്റൊരു വാഹനത്തില്‍ പുറപ്പെട്ടു.

കുഞ്ഞിന് നല്‍കിയ ഭക്ഷണത്തിന്റെ ബാക്കി പിന്നീട് ആരും കണ്ടിട്ടില്ലെന്നും പൊലീസ് അന്വേഷണത്തില്‍ വ്യക്തമായി. അതേസമയം, ജോളി വിരുന്നിനിടെ പുറത്തെ പന്തലില്‍ നില്‍ക്കുന്നത് കണ്ടിരുന്നെന്നും അകത്തേക്ക് വന്നിട്ടില്ലെന്നുമാണ് ഷാജു നേരത്തെ മൊഴി നല്‍കിയത്.

ഭാര്യയുടെ കാര്യത്തിലും താന്‍ തീര്‍പ്പുണ്ടാക്കുമെന്ന് ഷാജുവിനോട് ജോളി പറഞ്ഞിരുന്നു. മൗനമായിരുന്നു ഷാജുവിന്റെ മറുപടി. സിലിയുടെ മരണത്തിനു പിന്നാലെ ഷാജുവുമായുള്ള വിവാഹത്തെക്കുറിച്ച്‌ തന്നോട് ആദ്യം സംസാരിച്ചത് അയാളുടെ പിതാവ് സഖറിയാസാണ്. ഷാജുവിനും വിയോജിപ്പുണ്ടായിരുന്നില്ല. സിലിയുടെ മൃതദേഹത്തില്‍ ഒരുമിച്ച്‌ അന്ത്യചുംബനം നല്‍കാനുള്ള തീരുമാനം തന്റേത് മാത്രമായിരുന്നെന്നും ജോളി മൊഴിയില്‍ പറയുന്നു