jiddah

മുൻ പ്രവാസി സുഹറാബി ടീച്ചറുടെ വിയോഗത്തിൽ ജിദ്ദ മലപ്പുറം ജില്ല കെ എം സി സി അനുശോചനം രേഖപ്പെടുത്തി

അക്ബര്‍ പൊന്നാനി ജിദ്ദ റിപ്പോര്‍ട്ടര്‍
Wednesday, June 16, 2021

ജിദ്ദ: അൽനൂർ ഇന്റർനാഷണൽ സ്‌കൂൾ മുൻ അധ്യാപികയും കെ.എം.സി.സി ജിദ്ദ വനിതാ വിംഗ് പ്രസിഡന്റുമായിരുന്ന സുഹറാബി ടീച്ചറുടെ മരണത്തിൽ ജിദ്ദ മലപ്പുറം ജില്ല കെ എം സി സി അനുശോചനം രേഖപ്പെടുത്തി.

ജിദ്ദയിൽ ജോലി ചെയ്തിരുന്ന വാഴക്കാട് സ്വദേശി കെ.എം അബ്ദുൽ ഗഫൂറിന്റെ ഭാര്യയും കൊണ്ടോട്ടി എസ്‌കോള ഇന്റർനാഷണൽ സ്‌കൂൾ അധ്യാപികകൂടിയായിരുന്ന സുഹറാബി ടീച്ചർ നാട്ടിലാണ് നിര്യാതയായത്. വര്ഷങ്ങളായി മലപ്പുറം ജില്ല കെ എം സി സി വനിതാ വിംഗിനെ ഊർജസ്വലതയോടെ നയിച്ചിരുന്ന നേതാക്കളിൽ പ്രമുഖയായിരുന്നു സുഹറാബി ടീച്ചർ.

പല ഫാമിലി പരിപാടികളും കുട്ടികളുടെ മത്സര പരിപാടികളും മറ്റും സംഘടിപ്പിക്കുവാനും വിജയിപ്പിക്കാനും നേതൃത്വം നൽകിയ വ്യക്തിത്വമായിരുന്നു ടീച്ചർ എന്നും അവരുടെ ആകസ്മിക മരണം കെ എം സി സി കുടുംബങ്ങൾക്ക് ദുഃഖമുണ്ടാക്കുന്നതും തീരാനഷ്ടവുമാണ് എന്ന് മലപ്പുറം ജില്ല കെ എം സി സിയുടെ അനുശോചന കുറിപ്പിൽ മലപ്പുറം ജില്ല കെ എം സി സി പ്രസിഡന്റ് ഗഫൂർ പട്ടിക്കാടും ജനറൽ സെക്രട്ടറി ഹബീബ് കല്ലനും അറിയിച്ചു.

×