Advertisment

സൈക്കിളിന് മുന്നില്‍ ബൈക്ക് പാര്‍ക്ക് ചെയ്യും, പിന്നാലെ നടന്ന് കളിയാക്കും; 15കാരി തീകൊളുത്തി മരിച്ചു, 19കാരന്‍ അറസ്റ്റില്‍

New Update

ലക്‌നൗ: ഉത്തര്‍ പ്രദേശില്‍ യുവാവിന്റെ തുടര്‍ച്ചയായ പരിഹാസത്തിലും അസഭ്യം പറച്ചിലിലും മനംനൊന്ത് 15കാരി തീകൊളുത്തി മരിച്ചു. ആത്മഹത്യ പ്രേരണ കുറ്റം ചുമത്തി 19കാരനെ പൊലീസ് അറസ്റ്റ് ചെയ്തു.

Advertisment

publive-image

മിര്‍സാപൂര്‍ ജില്ലയിലാണ് സംഭവം. അയല്‍വാസിയായ യുവാവില്‍ നിന്നും നിരന്തരമുള്ള ഉപദ്രവം കാരണമാണ് 15കാരി ആത്മഹത്യ ചെയ്തതെന്ന് പൊലീസ് പറയുന്നു. ശനിയാഴ്ചയാണ് പെണ്‍കുട്ടി തീകൊളുത്തി ആത്മഹത്യക്ക് ശ്രമിച്ചത്. ഗുരുതരമായി പൊള്ളലേറ്റ പെണ്‍കുട്ടി ജില്ലാ ആശുപത്രിയില്‍ ചികിത്സയിലിരിക്കേ തിങ്കളാഴ്ചയാണ് മരിച്ചതെന്ന് പൊലീസ് പറയുന്നു.

പെണ്‍കുട്ടിയെ പിന്നാലെ നടന്ന് യുവാവ് ഉപദ്രവിക്കുന്നതായി കാണിച്ച് മുത്തച്ഛന്‍ പൊലീസില്‍ പരാതി നല്‍കിയിരുന്നു. വീട്ടിലേക്ക് പോകുന്ന വഴി യുവാവ് നിരന്തരം പരിഹസിക്കുകയും അസഭ്യം പറയുകയും ചെയ്തിരുന്നതായി പരാതിയില്‍ പറയുന്നത്. ഒന്‍പതാം ക്ലാസ് വിദ്യാര്‍ഥിനിയാണ് പെണ്‍കുട്ടി.

പെണ്‍കുട്ടി പതിവായി കോച്ചിങ് ക്ലാസില്‍ പോകാറുണ്ട്.ശനിയാഴ്ച വൈകീട്ട് വീടിന് പുറത്ത് കൂട്ടുകാരുമായി സംസാരിച്ച് നില്‍ക്കുന്നതിനിടെ, യുവാവ് പെണ്‍കുട്ടിക്ക് നേരെ അപകീര്‍ത്തികരമായ പരാമര്‍ശം നടത്തി. ഇതിനെ ചൊല്ലി ഇരുവരും തമ്മില്‍ തര്‍ക്കമായി. അരമണിക്കൂര്‍ കഴിഞ്ഞ് വീട്ടില്‍ എത്തിയ പെണ്‍കുട്ടി സ്വയം തീകൊളുത്തുകയായിരുന്നുവെന്ന് പൊലീസ് പറയുന്നു.

പഠിക്കാന്‍ പുറത്തിറങ്ങുന്ന സമയത്തെല്ലാം യുവാവ് നിരന്തരം ഉപദ്രവിച്ചിരുന്നതായി പെണ്‍കുട്ടിയുടെ അമ്മ പറയുന്നു. പെണ്‍കുട്ടിയുടെ സൈക്കിളിന് മുന്‍പില്‍ ബൈക്ക് പാര്‍ക്ക് ചെയ്തും മറ്റുമാണ് ഉപദ്രവം തുടര്‍ന്നതെന്നും അമ്മ പറയുന്നു.

suicide report
Advertisment