കൊവിഡ് പരിശോധന പാവപ്പെട്ടവര്‍ക്ക് മാത്രം: സ്വന്തം ഉത്തരവ് തിരുത്തി സുപ്രീംകോടതി

ന്യൂഡല്‍ഹി: കൊവിഡ് പരിശോധന എല്ലാവര്‍ക്കും സൗജന്യമാക്കണമെന്ന ഉത്തരവ് സുപ്രീംകോടതി തിരുത്തി. ആയുഷ്മാന്‍ ഭാരത് യോജന പ്രകാരം ഇന്‍ഷുറന്‍സുള്ള പാവപ്പെട്ടവര്‍ക്ക് മാത്രമേ സൗജന്യ പരിശോധന നടത്തേണ്ടതുള്ളൂ എന്നാണ് സുപ്രീംകോടതിയുടെ പുതിയ ഉത്തരവില്‍ പറയുന്നത്.

സ്വകാര്യ ലാബുകളടക്കം കൊവിഡ് പരിശോധന സൗജന്യമായി നടത്തണമെന്നായിരുന്നു സുപ്രീംകോടതി നേരത്തെ ഉത്തരവിട്ടിരുന്നത്. എന്നാല്‍ പണം നല്‍കാന്‍ കഴിയുന്നവര്‍ക്കും പരിശോധന സൗജന്യമാക്കണമെന്ന് ഉദ്ദേശമില്ലായിരുന്നുവെന്ന് സുപ്രീംകോടതി ഇന്ന് വ്യക്തമാക്കി.