ഇസ്രായേൽ ഒരു ഭീകര രാജ്യമാണ്, ഫലസ്​തീനികൾക്ക് നീതി തേടുക എന്നത് കേവലം ഇസ്​ലാമിക ആവശ്യമല്ല: സ്വര ഭാസ്​കർ

ഫലസ്​തീൻ ജനതതയ്‌ക്ക്‌ നേരെയുള്ള ഇസ്രായേൽ ആക്രമണത്തിനെതിരെ രൂക്ഷമായ ഭാഷയിൽ പ്രതിഷേധിച്ച്​ നടിയും ആക്​ടിവിസ്​റ്റുമായ സ്വര ഭാസ്​കർ. ഗസ്സയിൽ ഇസ്രായേൽ ബോംബറുകൾ നടത്തിയ ആക്രമണത്തിൽ ഒമ്പതുകുട്ടികളു​ൾ ഉൾപ്പെടെ 22 ഫലസ്​തീനികൾ മരിച്ചതിനു പിന്നാലെ ‘ഇസ്രായേൽ ഭീകര രാജ്യമാണ്’ എന്ന് ട്വീറ്റ് ചെയ്ത് സ്വര തന്റെ കടുത്ത പ്രതിഷേധം അറിയിച്ചു.

ഏഴു വർഷത്തിനിടെ ഏറ്റവും കൂടുതൽ ഫലസ്​തീനികൾ കൊല്ലപ്പെട്ട ആക്രമണമാണ്​ ഗസ്സയിൽ നടന്നത്​. മസ്​ജിദുൽ അഖ്​സയിൽ മൂന്നു ദിവസമായി തുടരുന്ന അതിക്രമത്തിനിടെയാണ്​ ഗസ്സയിൽ ഇസ്രായേൽ വ്യോമാക്രമണം നടത്തിയത്​.

“ഇസ്രായേൽ ഒരു വർഗവിവേചന രാഷ്​ട്രമാണ്​. ഇസ്രായേൽ ഒരു ഭീകര രാജ്യമാണ്​. അതിൽ കൂടൂതൽ ഒന്നും പറയാനില്ല” എന്ന് ഒരു ട്വീറ്റിൽ സ്വര പറഞ്ഞു. ‘ഫലസ്​തീനൊപ്പം നിൽക്കുകയും അവർക്ക്​ നീതി തേടുകയും ചെയ്യുകയെന്നത്​ ഒരു ഇസ്​ലാമിക ആവശ്യമല്ല. ചുരുങ്ങി പക്ഷം​ അതങ്ങനെ മാത്രല്ലാതിരിക്കുകയെങ്കിലും വേണം…

അത്​ പ്രാഥമികമായും പ്രധാനമായും സാമ്രാജ്യത്വ-അധിനിവേശ വിരുദ്ധവും വർഗവിവേചനത്തിനെതിരായതുമാണ്​…അതുകൊണ്ട്​​ നമ്മുടെയെല്ലാം ഉള്ളിൽ -മുസ്ലിങ്ങൾ അല്ലാത്തവരിൽപോലും-അതൊരു ആശങ്കയായി നിറയേണ്ടതുണ്ട്​.’- മറ്റൊരു ട്വീറ്റിൽ സ്വര​ അഭിപ്രായപ്പെട്ടു.