താനെയിലെ ടൗൺഷിപ്പിലേക്ക് അപകടസാധ്യതയുള്ള രാജ്യങ്ങളിൽ നിന്നും അടുത്തിടെ മടങ്ങിയെത്തിയ 295 വിദേശികളിൽ 109 പേരെയും കണ്ടെത്താൻ കഴിഞ്ഞില്ല; ചിലരുടെ മൊബൈൽ സ്വിച്ച് ഓഫ്, വീടുകള്‍ പൂട്ടിയ നിലയില്‍

താനെ: ഓമിക്‌റോൺ ഭീതിയ്ക്കിടയിൽ താനെയിലെ ടൗൺഷിപ്പിലേക്ക് അടുത്തിടെ മടങ്ങിയെത്തിയ 295 വിദേശികളിൽ 109 പേരെയും കണ്ടെത്താൻ കഴിഞ്ഞിട്ടില്ലെന്ന് കല്യാൺ ഡോംബിവാലി മുനിസിപ്പൽ കോർപ്പറേഷൻ മേധാവി വിജയ് സൂര്യവൻഷി പറഞ്ഞു.

ഇവരിൽ ചിലരുടെ മൊബൈൽ ഫോണുകൾ സ്വിച്ച് ഓഫ് ചെയ്തതായും നൽകിയ വിലാസങ്ങളിൽ പലതും പൂട്ടിയ നിലയിൽ കണ്ടെത്തിയതായും അദ്ദേഹം പറഞ്ഞു.

അപകടസാധ്യതയുള്ള എല്ലാ രാജ്യങ്ങളിൽ നിന്നും കെഡിഎംസി പരിധിയിലേക്ക് മടങ്ങുന്നവർ 7 ദിവസത്തെ ഹോം ക്വാറന്റൈന് വിധേയരാകമെന്നും എട്ടാം ദിവസം കോവിഡ്-19 ടെസ്റ്റ് നടത്തണമെന്നും സൂര്യവൻഷി പറഞ്ഞു.

"ഇത് നെഗറ്റീവ് ആണെങ്കിൽപ്പോലും, അവർ വീണ്ടും 7 ദിവസത്തെ ഹോം ക്വാറന്റൈനിൽ പോകേണ്ടിവരും, മാനദണ്ഡം ലംഘിക്കുന്നില്ലെന്ന് ഉറപ്പാക്കേണ്ടത് ഹൗസിംഗ് സൊസൈറ്റി അംഗങ്ങളുടെ കടമയാണ്.

നിയമലംഘനങ്ങൾ തടയാൻ വിവാഹങ്ങൾ, ഒത്തുചേരലുകൾ തുടങ്ങിയവ നിരീക്ഷിക്കുന്നു. അദ്ദേഹം പറഞ്ഞു. "കെഡിഎംസിയിലെ 72 ശതമാനം ആളുകളും വാക്സിൻ ആദ്യ ഡോസ് എടുത്തിട്ടുണ്ട്, 52 ശതമാനം പേർ പൂർണ്ണമായും വാക്സിനേഷൻ എടുത്തിട്ടുണ്ട്," അദ്ദേഹം കൂട്ടിച്ചേർത്തു.